Dutɛrɔnome 17:1 - Yálá laawoo hɛɓɛ (dc)

¹ Kpɛɠii a kɛ ka wɔ nįŋɛ̨ ta ɓa, a wala kɛ tii, ka wɔ taatɛlɛɛ ta ɓa, ka hvo Yai-Laa ka wɔ Yálái kɔ́ la, yili kaa a mɛ̨nį mąąliɓiɛ Yai-Laa ka wɔ Yálái ɲɛ̨i ɓa.

Yálá laawoo hɛɓɛ

¹ Kpɛɠii a kɛ ka wɔ nįŋɛ̨ ta ɓa, a wala kɛ tii, ka wɔ taatɛlɛɛ ta ɓa, ka hvo Yai-Laa ka wɔ Yálái kɔ́ la, yili kaa a mɛ̨nį mąąliɓiɛ Yai-Laa ka wɔ Yálái ɲɛ̨i ɓa.

Bible

¹ “Káfe sâla kùla Káɣâlai Yâwɛɛ ma a niŋa kpaa máŋ ƃála nyii pɔ́ɔ káa mai. M̀aa sâla-sɛŋ maa fé waa ní m̀ɛni ma.

Dutɛrɔnome 17:1 Referans Kwoze

Dutɛrɔnome 15:21

Kɛlaa, kiliin ɉii a kɛ ɉuwɔi tii ɓa, yɛ lɔwu, a wala kɛ tii, ɲɛ̨ipuɔ, awala kɛ tii, nąą takpɛli ə ɓo mą, ka hvo Yai-Laa ka wɔ Yálá kɔ́ la.

Malasi 1:8

Ɓɛlɔwai ka kɛ pai la a taatɛlɛɛ ɲɛ̨ipuɔ, awala kɛ tii, taatɛlɛɛ gɔwɔ nwąnąą, yili hvo mą, ɲɔ̨n yɛ ɓo mą; ká kɛi gulɔ mą́ą́ a haláái, gaa ka kwəi yili haŋąąi? Akɛ ka daatɛlɛɛ ɲɔ̨nwɔ̨mąi tii tɛɛ ka wɔ lɔi nąmu pɔi, gaa ka kwəi a ɲee hee mu, ə mɛ̨inɛ̨ɛ̨ kɛ kaa? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ káá, ka wɔ mąąnįn gɛ ka tii!

Dutɛrɔnome 23:18

Mąą hvo nɛ̨ɛ̨li haláá wɛli kɛ nɛ̨ąą di hvo kɛ Israɛlə nɛ̨ąą lɔwai, mąą hvo nɛ̨ɛ̨li nwɔ̨nɔ̨ haláá wɛli kɛ nuą di hvo kɛ Israɛlə hinąą lɔwai.

Dutɛrɔnome 24:4

Ɉilɛ tɔlɔɔ-tɔlɔɔ tii hva pɛli mą hvo pənə hvo ɉəɠə a nɛ̨ą. Mąąhɔlɔɓo, nɛ̨ɛ̨nui tii aa tɔ́n bɛlɛ gbɔwɔ ɓa, mɛ̨nį ɲɔ̨nwɔ̨ɔ̨ kɛnɛ̨ li Yai-Laa ɲɛ̨i ɓa. Nɔi Yai-Laa ka wɔ Yálái aa dɛɛ ka pɔ, ka hvo ŋɛŋɛn nɔ mą.

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Hanwon 15:8

Nwąnąlɔ nuą di wɔ haláá wɛli kpɛɛi Yai-Laa ɓa kpɔ tɛ-tɛ, Kɛlaa, nuąi di haŋą, di wɔ hvɛ́li woo a nii hon.

Hanwon 11:1

Nón! Mɛ̨nįi gáá ə́ kalan ɉii la, gili lɛɛ ə́ ɲą Yii ŋą́ kɛ yɛ́ gɛ, 'hvó lɛ̨ą mą.

Hanwon 6:16

Mɛ̨nį mɛ̨ida kaa laa, yii nwɛli hvo Yai-Laa ɓa, di kaa kpɔ hɔlɔmun mɛ̨ihveelɛ; diɛ ɓaa:

Dutɛrɔnome 25:16

Nui lɔpee a vulu tuwɔ taaləi tii ɓo, yɛ mɛ̨nįi tii kɛ nwɛli kpɛɛ Yai-Laa ka wɔ Yálá ɓa kpɔ kɛnɛ̨.

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Zɛnɛse 41:19

Yili pulu, nįŋɛ̨ kpalaa mɛ̨ihveelɛ di kulɔ ɲai diɛ kpɛli. Və́ ta nįŋɛ̨ háá kpalaa huwu yili ta kaa li ɓɛ Eziptə lɔi nąą kəlee pilɛɛ gee mɛ̨i.

Hanwon 20:10

Hɛnŋąą kɔ́ɔn ɉɛn gɛɛ gee pulu hveelɛ, yili wɛli hvo Yai-Laa ɓa.

Levetekɔ 1:3

«Akɛ nwɔ haláái kaa a haláá hɛn da gəlee kələn, ə kɛ a nįŋɛ̨ hilɛ, nąą ta hvo kɛ mą. Ə paa la gee kaa kələ laaləi, ə gɛ, Yai-Laa ə ɲee hee mu.

Lonon mo 29:8

Ka haláái da gəlee kələn gulɔ Yai-Laa ɓa, mąą kun nɛ̨ɛ̨ yɛ niilaa; nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa hilɛ mɛ̨ihveelɛ yiiɠaa kpɛɠii hva kɛ diɛ,

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.