Dutɛrɔnome 16:3 - Yálá laawoo hɛɓɛ (dc)

³ Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Yálá laawoo hɛɓɛ

³ Lɛɠɛi dɛ hɛn gaa ɉu, ka hva mįi, gɔ̨nɔ̨n tii mįi lɔwai; hvóló mɛ̨ihveelɛ yee mu, lɛɠɛi dɛ hɛn gaa ɉu, ka hva mįi. Gaa a mɔ̨nɔ̨ kɔ̨nɔ̨n, mąąhɔlɔɓo, ka kulɔ Eziptə lɔi hu a ka kɔ́wɔ mąąhulaa. Bələ ɓə ka káá pai kɛi ka kulɔ mɛ̨nį Eziptə lɔi hu, nąą kili tooi la ka ŋą ka wɔ yɛnɛ̨ɛ̨ kəlee hu.

Bible

³ Káfe Dɛɛ-mɛi kûui maa sâla sãai mìi a kpólo nyii tɛ́-sɛŋ káa zui. Ka gbólo sii ŋí míi a fólo lɔ́ɔlu mɛi feerɛ. Da gbólo sîi ŋí tòli a mɛni sôli káa kpôlo kpɛ́ni fêi, ká kùla Ize a kîrɛ, a gɛɛ gɛ-ɣeniɛ-laai ká kɛ̀ zu Ize da tãi ká kùla la naai maa mɛni kíli é lɛ́ɛ káŋa.

Dutɛrɔnome 16:3 Referans Kwoze

Lɛɛ gbɔwɔ ɓa 12:39

Nɛɠɛ kpɔlɔi ti kɛ di yəi diɛ həɠə la Eziptə lɔi hu, di kɛi kɛa bɛli bələ ɓa a nwɔ̨nmii. Mąąhɔlɔɓo, di hvo lɛɛ laa hvo tɛ. Ɓɛlɔwai di di kpɛ la Eziptə lɔi hu, di hvo pɛli bələ pɔ kɔ̨nɔ̨n ɉəɠəi.

Lɛɛ gbɔwɔ ɓa 34:18

«Ka ka yee kanąn lɛɠɛi dɛ hɛn və ɉu nwɔ hɛli ɓa. Hvóló mɛ̨ihveelɛ yee mu lɛɠɛi dɛ hɛn və ɉu, kaa mįi, yɛ bələi ŋą́ mo la kaa ŋą́ guu hee a Abibə ɲąnįn, mąąhɔlɔɓo, ɲąnįn tii ɓə ka kulɔ la Eziptə lɔi hu.

Lukə 22:19

Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Lonon mo 9:11

Kɛlaa, akɛ a ɲąnin veelɛnąą nwɔ hvóló pow kɔ́w nąąn ɲələ hvitili ɓa, ya ɓə da pɛli di ɉɛlii tii pu la. Da mɛlaa lon mįi a lɛɠɛi dɛ hɛn və ɉu, da nɔ́w nwąnąąɠaa.

Lɛɛ gbɔwɔ ɓa 12:8

«Mąą kpinįi ti hu, da mɛlaa lon mɔ̨n, di mįi a lɛɠɛi dɛ hɛn və ɉu, ɛlɛɛ, di mįi a kala nwąną.

Tɛsalonikə dɔlɔɔ 1:6

Ɛlɛɛ, káán, ká ku pɔɔ kɔɔn, kuɔ kwa gu Nąmu ni; káá ká yee hee Yálá laa woo mu, mɔ̨nɔ̨ tamąą hu, a kwəinɛ̨ɛ̨i a həɠə Kili-Mąąhəɠɛɛ yəi.

Korɛntə dɔlɔɔ 5:8

Yili ɓa, ká gu gu wɔɔ hɛli pu kan, hvo kɛ a lɛɠɛi dɛ hɛn bɔlɔ pɔlɔ, hvo kɛ a kili ɲɔ̨nwɔ̨ɔ̨ da túwɔ́ pələ ɲɔ̨n. Kɛlaa, ká gu gɛ a lɛɠɛ yii gala hɛn və ɉu, kwəi kwələlaa hu da tɛ̨ą hu.

Zakari 12:10

Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Mąątɛ̨nɛ̨ 111:4

Ə gɛ mɛ̨nį lɛlɛɛɠaa kili lɛɛ nuą ɲą, Yai-Laa nwɔ mɛ̨nį lɛlɛɛi, ɛlɛɛ nii nɛ̨ɛ̨ gwəi.

Mąątɛ̨nɛ̨ 102:9

Ɲówóɠaa da túwɔ́ lɔ vííɓoi, nuąi kɛi mą́ą́tɛ̨nɛ̨ toloo toloo, diɛ nɛ̨ŋɛ̨nnaa kɛ a náá.

Tɔɔɓɛlaa dɔlɔɔ 22:27

Yɛ diɛ, tɔɔmun nwoo ka, yɛ: ka ɉulɔnui ŋɛ̨i too gaho ŋą; ka hvo kɔ̨nɔ̨n nɛlɛɛ tɛɛ bɔ, ɛlɛɛ hvo kpələ ya hɔlɔɓo kɛnɛ̨, ə lɛɛ la ɉu ŋą́ li ŋą́ yeetɛɛmąą kɛ, ŋą́ pa liilaa hu.»

Lonon mo 28:17

Ɲąnin nwɔ hvóló pow kɔ́w lɔɔli yələ, kaa a hɛli, hvóló mɛ̨ihveelɛ yee mu, lɛɠɛi dɛ hɛn və ɉu ya ɓə ka mįi.

Levetekɔ 23:6

«Ɲąnin tii nwɔ hvóló pow kɔ́w lɔɔli yələ ɓə gaa a lɛɠɛi dɛ hɛn və ɉu nwɔ hɛli, Yai-Laa nwɔ li. Hvóló mɛ̨ihveelɛ yee mu lɛɠɛi dɛ hɛn və ɉu, ya ɓə ka mįi.

Lɛɛ gbɔwɔ ɓa 12:11

Bələi ka káá pai mįi la, bələ ka; ka kɛi mįi, nu kəlee a yala tɔɔ ɉąą, ka kɔlɔ lɔ ka kɔ́wɔ ŋą, hiɛ tunwɔ̨n ɉon ŋąą ka yee pɔ ka mįi a mąąhulaa. «Yili ɓə pai kɛi a Yai-Laa nwɔ pakə hɛli.

Lɛɛ gbɔwɔ ɓa 12:17

«Ka ka yee kanąn lɛɠɛi dɛ hɛn və ɉu nwɔ hɛli ɓa. Mąąhɔlɔɓo, ɲələ ɓə ŋį́ ka kulɔ la Eziptə lɔi hu. Ka ka yee kanąn vólói tii ɓa, kaa ɉɛli pu la a kwɛlan nwoo kwɛlan, gaa pai kɛi ka mɛ̨i a tɔ́n hva ɉəɠə mą.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 16:2

Ka pakə hɛli haláá kulɔ a nįŋɛ̨, a taatɛlɛɛɠaa, Yai-Laa ka wɔ Yálái ɓa. Ka gɛ tii, ɓɛi ŋɛ̨i Yai-Laa ka wɔ Yálái kaa pai ɲeekpiɛ lɛi laa, yɛ naa hee laa.

Azaya 52:12

Ka hvo pai kulɔi laa a gilɛ, hvo nwɔ̨nɔ̨ pai kɛi yɛ ka ki pu, mąąhɔlɔɓo, Yai-Laa kaa pai kɛi ka tɔwɔ, ɛlɛɛ, Israɛlə nwɔ Yálái ɓə pai kɛi a tɔɔ bulu.

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»