Dutɛrɔnome 16:13 - Yálá laawoo hɛɓɛ (dc)

¹³ Ɉəɠə kələ hɛli nwɛi, ka káá pai kɛi bui hvóló mɛ̨ihveelɛ yee mu, ka kpɛɛ a ka pɔ yɛa mɔ̨nun gəlee teɛ, da ka wɔ hihɛnŋąą kəlee ɓa kulaa.

Yálá laawoo hɛɓɛ

¹³ Ɉəɠə kələ hɛli nwɛi, ka káá pai kɛi bui hvóló mɛ̨ihveelɛ yee mu, ka kpɛɛ a ka pɔ yɛa mɔ̨nun gəlee teɛ, da ka wɔ hihɛnŋąą kəlee ɓa kulaa.

Bible

¹³ “Ka m̀ûu-ŋai maa kûu kɛ́tɛi kɛ́ a fólo lɔ́ɔlu mɛi feerɛ tãi ka kpɛ̂ɛ la a kámii-sãai táŋɔɔ, da ká káwãai kpɛtɛi.

Dutɛrɔnome 16:13 Referans Kwoze

Lɛɛ gbɔwɔ ɓa 23:16

Ka mɔ̨nun dee hɛli pu, ka kɛ kólóɠaa da ɉɛnŋąąi ka ɉin ka pɔ yɛa, di ɓá dɔlɔɔ-tɔlɔɔ hɛli li. Gwɛlan naa kulɔi lɔwai, ɉɛnŋąąi ka ɉin, ka kɛi di ɓáɠaa pui kɛ, ka yili ɉɛli pu.

Ɉaan 7:2

Ɉuifəɠaa di wɔ hɛlii a ɉəɠə kələ hɛli, mąą kpua kɛa kɛ.

Kɔlɔnikɔ Veerɛi 5:3

Israɛlə hinąą kəlee di di ɲąąkpɔn tɔɔmun gwɛlɛ, a ɉɛli yələ, yaai da bu a ɲąnįn mɛ̨ihveelɛnąą.

Ɛsdrasə 3:4

Di nɛɛ mą, di ɉəɠə pɛlɛ́ mąą hɛli pu yɛ bələi bɛ̨ɛ̨i la. Hvóló kəlee haláá yii di kɛi gələn, di kɛi gulɔ yɛ bələi ə kɛ la a di huwula mɛ̨nį, hvóló tɛitɛi kəlee.

Kɔlɔnikɔ Veerɛi 8:13

ə kɛi gulɔ yɛ bələi ɲələ tɛitɛi kəlee ŋą haláá kulɔ pələ ə kɛ la, a bələi Moisə ə mąą tɔ́n naa la. Vįitɔɔ yələɠaa nwɛi, ɲąnįn dɔɔ nįnɛ̨ɠaa, da ɉɛli yələɠaa; di kɛi gɛ gee mɛ̨i haaɓa kwɛlan dɛitɛi kəlee yee mu. Nɛɠɛi hvo tɛ li mąą hɛli, nɔwɔ mɛ̨ihveelɛ hɛli, da gələɠaa mąą hɛli.

Dutɛrɔnome 31:10

Moisə ə mo diɛ, yɛ diɛ: «Kwɛlan mɛ̨ihveelɛ tɛɛ pələ tɛitɛi kəlee, kwələɠaa lɛɛ mɛ̨nį a mɛ̨inɛ̨ɛ̨ a ɉəli, da gwɛlan ŋɛ̨i da ɉəɠə pɛlɛ́ mąą hɛli pu la,

Lɛɛ gbɔwɔ ɓa 34:22

«Mąąnɛ̨ɛ̨ ka nɔwɔ mɛ̨ihveelɛ hɛli pu a ɉihɛn dɔlɔɔ kulɔi lɔwai, ɛlɛɛ, ka mɔ̨nun dee hɛli pu, a gwɛlan naa kulɔi lɔwai.

Lonon mo 15:20

Nɛɠɛ dɔlɔɔɠaai ka mɔ̨n, ka dɔ̨nɔ̨ həɠə ɉu a Yálá nwɔ, ka gɛ pələ kɛ yɛ bələi ka ka wɔɔ hihɛn dɔlɔɔ kɛ la, ɓɛlɔwai ka kpɛɛ la a ka wɔɔ mɔ̨nunŋaa tanŋąą.

Ɉeremi 40:10

Nwɛ́i, gáá ɓɛ Mispa, Kalde nuąi di kaa pai kɛ di tɛɛi ɓɛ, gɛ́ di mąą mɛ̨nį ɲɛ̨i kulɔ, ka wɛi ka ka wɔ kólóɠaa kɛ, káá nwulu ɓáɠaa kulɔ, káá nwulɔ kulɔ, káá ka kwɛlɛ hee, daaɠaai tii ka káá di hui, ka lɛɛ laa.