Dutɛrɔnome 16:1 - Yálá laawoo hɛɓɛ (dc)

¹ Abibə ɲąnįn a tɔɔ, ka hvo lɛ̨ą, ka pakə hɛli pu Yai-Laa ka wɔ Yálái mąąwiɛ mɛ̨nį ɓa. Mąąhɔlɔɓo, Abibə ɲąnįn tii ɓə Yai-Laa ka wɔ Yálá ə ka kulɔ la Eziptə lɔi hu a kpinį.

Yálá laawoo hɛɓɛ

¹ Abibə ɲąnįn a tɔɔ, ka hvo lɛ̨ą, ka pakə hɛli pu Yai-Laa ka wɔ Yálái mąąwiɛ mɛ̨nį ɓa. Mąąhɔlɔɓo, Abibə ɲąnįn tii ɓə Yai-Laa ka wɔ Yálá ə ka kulɔ la Eziptə lɔi hu a kpinį.

Bible

¹ “Ka Dɛɛ-mɛi kûui maa lii-nɛ̃ɛ kúla Abi ɣaloŋ su ká mɛi káa a maa waa, ká ƃaa-kɛ-maa tɛ́ɛ Yâwɛɛ pɔ́ kpɛ́ni fêi, Abi ɣaloŋ su ƃé Káɣâlai Yâwɛɛ è kákùla la Ize lɔii su a kpíni.

Dutɛrɔnome 16:1 Referans Kwoze

Lɛɛ gbɔwɔ ɓa 34:18

«Ka ka yee kanąn lɛɠɛi dɛ hɛn və ɉu nwɔ hɛli ɓa. Hvóló mɛ̨ihveelɛ yee mu lɛɠɛi dɛ hɛn və ɉu, kaa mįi, yɛ bələi ŋą́ mo la kaa ŋą́ guu hee a Abibə ɲąnįn, mąąhɔlɔɓo, ɲąnįn tii ɓə ka kulɔ la Eziptə lɔi hu.

Lɛɛ gbɔwɔ ɓa 13:4

Mɔ̨nun dee ɲąnin ŋɛ̨i a Abibə, ɉu ɓə ka kulɔ la a háákələi yələ.

Lonon mo 28:16

«Ɲąnin dɔlɔɔ nwɔ hvóló pow kɔ́w nąąn ɲələ kaa a pakə, Yai-Laa mąąwiɛ yələ li.

Levetekɔ 23:5

«Ɲąnin dɔlɔɔ nwɔ hvóló pow kɔ́w nąąn ɲələ, yələ wulii, Yai-Laa nwɔ pakə hɛli ka tii.

Lɛɛ gbɔwɔ ɓa 23:15

Lɛɠɛi dɛ hɛn və ɉu, ka mąą hɛli pu, hvóló mɛ̨ihveelɛ yee mu, lɛɠɛi dɛ hɛn və ɉu, ka mįi, yɛ bələi ŋą́ Dɔ́n naa laa ka mɛ̨i, gɛ́ guu hee a Abibə ɲąnin, mąąhɔlɔɓo, nąąlɔwai ɓə ka kulɔ la Eziptə lɔi hu. Mąą hvo nɛ̨ɛ̨li, nuą da kɛi pa nííla, nu ta hvo pa a ɲee howolo.

Lukə 2:41

Kwɛlan ɉəli pələ tɛitɛi kəlee, Jesus gaa nuą di kɛi li Ɉerusalɛmə, diɛ pakə pu.

Ɉaan 2:13

Ɉuifəɠaa di wɔ hɛli ŋɛ̨i da kɛ mą pakə, mąą kpua kɛa kɛ, Jesus ə li Ɉerusalɛmə daai.

Ɉaan 5:1

Yili pulu, Ɉuifəɠaa di kɛi di wɔ hɛli ta pu, nąąlɔwai Jesus ə li Ɉerusalɛmə daai.

Ɉaan 6:4

Ɉuifəɠaa di wɔ hɛlii da kɛ mą pakə mąą kpua kɛa kɛ.

Dutɛrɔnome 16:2

Ka pakə hɛli haláá kulɔ a nįŋɛ̨, a taatɛlɛɛɠaa, Yai-Laa ka wɔ Yálái ɓa. Ka gɛ tii, ɓɛi ŋɛ̨i Yai-Laa ka wɔ Yálái kaa pai ɲeekpiɛ lɛi laa, yɛ naa hee laa.

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 23:14

«‹Kwɛlan dɛitɛi yee mu, mąąnɛ̨ɛ̨ ka mą́ą́wiɛ hɛli pu a hɛli haaɓa.