Dutɛrɔnome 15:7 - Yálá laawoo hɛɓɛ (dc)

⁷ Yee howolo mun da a kɛ ka pɔɔ li, ə ɓo a ka kaayɔwɔ ta, ka wɔ taai ta hu, nɔi ŋɛ̨i Yai-Laa ka wɔ Yálái kaa dɛɛi ka pɔ ɉu, ka hvo ɉon a kili wala wala laa, ka hvo ka yee laa kpulu ka kaayɔwɔ ta tɔwɔ, a kɛ a yeehowolo mun.

Yálá laawoo hɛɓɛ

⁷ Yee howolo mun da a kɛ ka pɔɔ li, ə ɓo a ka kaayɔwɔ ta, ka wɔ taai ta hu, nɔi ŋɛ̨i Yai-Laa ka wɔ Yálái kaa dɛɛi ka pɔ ɉu, ka hvo ɉon a kili wala wala laa, ka hvo ka yee laa kpulu ka kaayɔwɔ ta tɔwɔ, a kɛ a yeehowolo mun.

Bible

⁷ “À kɛ̀ káƃarâŋ-nuu da káa kásama kátaa-ŋai su ǹɔii su nyii Yâwɛɛ Káɣâlai a dɛɛ̂i kápɔ nyii goloɔ̂ɔi, káfe kɛ̀ ŋɛi-kpala ŋánaa kɛ̂i la.

Dutɛrɔnome 15:7 Referans Kwoze

Dutɛrɔnome 15:9

Ka gɛ a nɛlɛɛ, kiliŋąhiɛ ɲɔ̨nwɔ̨ɔ̨ hvo too ka kwəi, kaa kɛ diɛ: «Gwəlan mɛ̨ihveelɛ nąą həli hiɛ ka, gwələɠaa lɛɛ mɛ̨nį a kpɛli kwɛlan», kaa kɛa ɲɛ̨i wala wala laa kulɔ a ka kaayɔwɔi gaa yeehowolo laa hu; ka hva hɛn da tɛɛ bɔ, ka gɛ tii, gaa pai nwoo laai Yai-Laa ɓa a ka laa, ɛlɛɛ kaa nɛ̨ŋɛ̨n ɉee ka kpɔɔ nwuɔ̨.

Hanwon 21:13

Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.

Maafîu 18:30

Kɛlaa, hvo kpɔ gɛ hvo mɛlan mąąhvaalɛɛ. Ə li la ə doo gaho ɲą; yɛ mą: ‹Ə́ kaa lɛɛi ɓe, hvo kɛli ya nwɔ́ kwələi kulɔ.›

Maafîu 5:42

Nui a ə́ hvɛli, gɔ́. Nu a kɛ yɛ́: ɉíŋɛ̨n a hɛn da, hvo lənə mą.»

Lɛɛ gbɔwɔ ɓa 22:25

«‹Ya ə́ heeyɔwɔ ta ŋią biliɉu hon ɲəi a tolaa, pənə ə́ dɛɛ bɔ, gɛɛ yələ hvo wulu.

Levetekɔ 25:35

«Kwələ a kɛ ə́ kaayɔwɔ ta ɓa, hɛn da hvo ɲəi hvo gulɔ la, mąąnɛ̨ɛ̨ ə́ kpɔnmąą tɛɛ bɔ; ə kɛ a nwɛ̨ą, ə kɛ a nɔi lon da, yɛ pɛli nwɔ yɛnɛ̨ɛ̨ kɛi ə́ kwɛlɛ.

Dutɛrɔnome 15:11

Ɛlɛɛ yɛ bələi yeehowolo nuą di hva kpɛɛ la lɔi, gáá díɓoi ŋɛ̨i tɛɛi ka pɔ, gɛ́, ka ka yee laaɓo a gɛnɛ̨ ka kaayɔwɔɠaai a yeehowolo nuą da mąąwɛli nuąi nɔi di tɔwɔ, kaa di kɔ́.

Dutɛrɔnome 24:14

Ya kɛi kóló kɛ mun vɛla kulɔ, mąąwɛliɛ, hɛn və ɲəi, hvo ə́ yee pənə ɉu; ə kɛ a ka wɔ lɔi hu lon da, ə kɛ a nwɛ̨ąi heeni ka wɔ lɔi hu, da ka wɔ taaɠaai hu.

Nehemi 5:1

Nąąlɔwai, nɔi lonnii di kɛ di woolaa kɛnɛ̨, di kaayɔwɔɠaa Ɉuifəɠaa yəi.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Azaya 58:10

Ya ə́ kɔ̨nɔ̨n gulɔ ə́ la, yɛ́ dɛɛ pulu həɠəmun bɔ, nui daa mąą wɛli, yɛ́ bilɛ a kɔ̨nɔ̨n, yɛ́ kɛɛ pɔ̨nɔ̨i kaa pai ɓɛlai kpinį, ɛlɛɛ, ə́ wɔ kpinį ə ɓo yɛ, hvóló tɔɔ nwun mą.