Dutɛrɔnome 15:11 - Yálá laawoo hɛɓɛ (dc)

¹¹ Ɛlɛɛ yɛ bələi yeehowolo nuą di hva kpɛɛ la lɔi, gáá díɓoi ŋɛ̨i tɛɛi ka pɔ, gɛ́, ka ka yee laaɓo a gɛnɛ̨ ka kaayɔwɔɠaai a yeehowolo nuą da mąąwɛli nuąi nɔi di tɔwɔ, kaa di kɔ́.

Yálá laawoo hɛɓɛ

¹¹ Ɛlɛɛ yɛ bələi yeehowolo nuą di hva kpɛɛ la lɔi, gáá díɓoi ŋɛ̨i tɛɛi ka pɔ, gɛ́, ka ka yee laaɓo a gɛnɛ̨ ka kaayɔwɔɠaai a yeehowolo nuą da mąąwɛli nuąi nɔi di tɔwɔ, kaa di kɔ́.

Bible

¹¹ Kôlo-ƃela da pâi kɛ̂i kásama a tãi kélee. Mɛni ma ka kɛ́ a káyee lá ƃóɔɔ dípere a tãi kélee. Ka kpɔŋ mâa tɛɛ gôlo-ƃelai pɔ́ da diai pɔ̂ri maa fé diɛi.

Dutɛrɔnome 15:11 Referans Kwoze

Markə 14:7

Mąąhɔlɔɓo, ka yeehowolo nuą ka káá lɔ ka kee ɓa a yələ kəlee, ka pɛli ka mɛ̨nį nɛ̨ɛ̨ kɛ diɛ a lɔwai lɔpee ka káá la bɔ. Kɛlaa nwɛ́i, və́ pai kɛi ka pɔ a yələ kəlee.

Maafîu 26:11

Mąąhɔlɔɓo, ka mąąwɛli nuą ka káá pai kɛi ka kee ɓa a hvóló kəlee. Kɛlaa, nwɛ́i, və́ pai kɛi ka pɔ a yələ kəlee.

Ɉaan 12:8

Yee howolo nuą, di kaa pai kɛi ka lɔwai a yələ kəlee, kɛlaa, nwɛ́i, və́ pai kɛi ka pɔ a yələ kəlee.»

Dutɛrɔnome 15:8

Kɛlaa ka ka yee laa ɓo dɔwɔ a nɛlɛɛ, ə lɛɛ hɛn lɔpee mąąkpaan a kɛ mą, ka gwələ tɔɔ mą.

Hanwon 22:2

Hɛn gɔw nąmu da yeehvowolomun, di tɔɔi kaa tanɔ̨n, Yai-Laa ɓə gəlee hveelɛi pɛli.

Lukə 12:33

Ka ka yəi hɛnŋąą lɔwɔ́tɔɔ, ka nwali ŋąąkwɛlɛ yee hvowolo nuą diɛ. Ka hɛn gɔw pu ɓíi kwɛli yii nwolo hva tee mą. Ka ka wɔ hɛn gɔw laaikɛ yələkɔlɔn ɉu, ɓɛi hɛn da hva pili laa; nwuɔ̨mun hva həli mą, ɛlɛɛ, kolo hva pu ɉu.

Gɛlaɠaa 2:45

Di kɛi di yəi hɛnŋąa lɔwɔ́tɔɔ, diɛ nwali ɲąąkwɛlɛ di kee lɔwai, yɛ pələi di mąą kpaanŋąa di kɛ la.

Maafîu 5:42

Nui a ə́ hvɛli, gɔ́. Nu a kɛ yɛ́: ɉíŋɛ̨n a hɛn da, hvo lənə mą.»

Dutɛrɔnome 15:7

Yee howolo mun da a kɛ ka pɔɔ li, ə ɓo a ka kaayɔwɔ ta, ka wɔ taai ta hu, nɔi ŋɛ̨i Yai-Laa ka wɔ Yálái kaa dɛɛi ka pɔ ɉu, ka hvo ɉon a kili wala wala laa, ka hvo ka yee laa kpulu ka kaayɔwɔ ta tɔwɔ, a kɛ a yeehowolo mun.

Hanwon 31:20

Ɲee hvo kanąn ni mą mąąwɛli nuą tɔwɔ, a yeehowolo nuą kɔ́.

Izikiɛ 18:7

Hva ɲee pənə nu ta hu, hva tolaa hɛn ɉon, hva nwuɔ̨ kɛ, yɛ gɔ̨nɔ̨n da tɛɛ pulu həɠə mun bɔ, nui həɠə hvo mą, yɛ həɠə kɛ mąą nu ɓa,

Lɛɛ gbɔwɔ ɓa 23:11

Kɛlaa, gwɛlan mɛ̨ihveelɛ lɔwai, ɉupaa, ə́ nɛɛ lɔ ti, ə́ wɔ lɔi hu yeehowolo nuą di gɛ a di kɔ̨nɔ̨n; yii da nɛɛ laa, lɔwɔ huwɔɠaa di mįi, gɛ lɔ ti a ə́ wɔ olivə yɛa da ə́ wɔ viɲə yɛa.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.