Dutɛrɔnome 15:10 - Yálá laawoo hɛɓɛ (dc)

¹⁰ Ka mɛ̨inɛ̨ɛ̨ kɛ mą a ka kwəinɛ̨ɛ̨. Ka hvə gɔ́ a ka ɲənąą yiliɛ, ka gɔ́ tii, Yai-Laa ka wɔ Yálái kaa pai lúwɔ tooi kaa ka kɛ mɛ̨nįɠaa kəlee hu.

Yálá laawoo hɛɓɛ

¹⁰ Ka mɛ̨inɛ̨ɛ̨ kɛ mą a ka kwəinɛ̨ɛ̨. Ka hvə gɔ́ a ka ɲənąą yiliɛ, ka gɔ́ tii, Yai-Laa ka wɔ Yálái kaa pai lúwɔ tooi kaa ka kɛ mɛ̨nįɠaa kəlee hu.

Bible

¹⁰ Ka kpɔŋ mâa tɛɛ nuui kélee pɔ́ kpɔŋ mâa wɛ̂lii é kúla kálii su. Kà gɛ̀ tí, Káɣâlai Yâwɛɛ a pâi lûwa lâai kâa mɛnii kélee su ka pâi kɛ̂i gɛ̂i.

Dutɛrɔnome 15:10 Referans Kwoze

Hanwon 22:9

Nui nwɔ kɛɛ kaa lɛlɛɛ, a lúwɔ́ hɔlɔɓo, mąąhɔlɔɓo, aa nwɔ kɔ̨nɔ̨n ta tɛɛ yeehvowolomun bɔ.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Azaya 58:10

Ya ə́ kɔ̨nɔ̨n gulɔ ə́ la, yɛ́ dɛɛ pulu həɠəmun bɔ, nui daa mąą wɛli, yɛ́ bilɛ a kɔ̨nɔ̨n, yɛ́ kɛɛ pɔ̨nɔ̨i kaa pai ɓɛlai kpinį, ɛlɛɛ, ə́ wɔ kpinį ə ɓo yɛ, hvóló tɔɔ nwun mą.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 24:19

Ka mɔ̨nun dee ka pɔ yɛa, ka hvo gbanɉu kwɛli, ka hvo pənə ka hvo dee; nwɛ̨ą, təli lon da galanin di wɔɔ li. Yai-Laa kaa pai lúwɔ́ tooi kaa ka kɛ mɛ̨nįɠaa kəlee hu.

Azaya 32:8

Kɛlaa, kaalon nwɛi, kaalon giliŋąhiɛ ɓə gaa mą, ɲɛ̨i pɔ̨nɔ̨ mɛ̨nįɠaa lɔ ɓə a ɲee lɔ ɉu.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Dutɛrɔnome 15:4

Kɛlaa mąą hvo nɛ̨ɛ̨li yeehowolo mun və kɛ ka pɔɔli, núwɔ́i Yai-Laa kaa pai dooi kaa nɔi tii gaa pai dɛɛi ka pɔ a ka wɔɔ ɉu, núwɔ́i tii kɛnɛ̨i.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Dutɛrɔnome 14:19

Ka koon ɉɛn lɔpee gəlee kaa a hɛn tɔ́n gaa mą, ka hvo da mįi.

Dutɛrɔnome 23:20

Ka hvo kwələ tɔɔ ka kaayɔwɔ ta ɓa, a tɔ̨nɔ̨ kwɛli pələ ɉu. Ə kɛ a wali, ə kɛ a kɔ̨nɔ̨n, ə kɛ a hɛn nɔpee gəlee yii ka pɛli gwələ tɔɔi kaa tɔ̨nɔ̨ hɔlɔɓo ɉu.

Dutɛrɔnome 28:8

Yai-Laa kaa pai ka wɔ kɔ̨nɔ̨n gələɠaa mɛ̨i kaai, mɛ̨nį lɔpee ka káá pai ka yee tooi ɉu, yɛ lúwɔ́ too mą. Nɔi Yai-Laa ka wɔ Yálái ə dɛɛ ka pɔ, gaa pai lúwɔ́ tooi kaa ɉu.

Ikilisiati 11:1

Ə́ kɔ̨nɔ̨n gulɔ ə́ la, ə́ bili yɛa, ə́ hee, yələ ta, ɉu a kɛnɛ̨ yɛ pa ə́ pɔ.

Dutɛrɔnome 15:18

Gwɛlan mɛ̨idai tii ə gɛ nuwɔ laa hu, yá kɛi nɛɛ laa yɛ li, yili hvo nwąną yɛ́. Mąąhɔlɔɓo, gwɛlanŋąą tii ə gɛ, aa wali tiɛ̨ kaa gee hu hveelɛ aa tɛɛ nu hala walii ka kɛ dɛɛi kóló kɛmun bɔ mą. A kɛ tii, Yai-Laa ka wɔ Yálá kaa pai lúwɔ́ tooi kaa ka kɛ mɛ̨nį kəlee hu.