Dutɛrɔnome 14:29 - Yálá laawoo hɛɓɛ (dc)

²⁹ Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Yálá laawoo hɛɓɛ

²⁹ Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Bible

²⁹ Ka díŋaa kɔ́lɛ Liiva-ŋai dîa, ŋɔ̃ya-ŋai, dee-loŋ-ŋai, da bɔɔ-nɛyãai dí mii dílii é láa. À kɛ̀ tí, Káɣâlai a pâi lûwa lâai kâa, é gɛ́ ká kɛ́ ƃûu ƃò.

Dutɛrɔnome 14:29 Referans Kwoze

Dutɛrɔnome 15:10

Ka mɛ̨inɛ̨ɛ̨ kɛ mą a ka kwəinɛ̨ɛ̨. Ka hvə gɔ́ a ka ɲənąą yiliɛ, ka gɔ́ tii, Yai-Laa ka wɔ Yálái kaa pai lúwɔ tooi kaa ka kɛ mɛ̨nįɠaa kəlee hu.

Dutɛrɔnome 14:27

Levi nu huwuɠaai ka wɔ taaɠaai hu, diɛi lɔi hvo di yəi, di kwɛlin və di yəi, ka hvo ka kili kulɔ di hu.

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Hanwon 11:24

Nuąi da mɛ̨inɛ̨ɛ̨ kɛ a lii nɛ̨ɛ̨ gwəilaa, di yeela a hvoloon, nuąi da di yee laa kpulu di yəi hɛn ma, diɛ too kanąn ɉu.

Mąątɛ̨nɛ̨ 41:1

Nwələ ɲɛ̨itɔwɔ mun. Davidə nwɔ wələ.

Dutɛrɔnome 16:14

Ka ɉɛlii tii pu a kwəinɛ̨ɛ̨, kaa, ka ka lonnii, da ka wɔ luwɔɠaa, Leviɠaa, da nwɛ̨ąą, ə mą kɛ, təliɠaa da galaninŋąą, diɛi di kaa ka wɔ taaɠaa hu.

Dutɛrɔnome 12:12

Nąą ɓə ka káá pai kɛi kwəinɛ̨ɛ̨ kulɔi laa Yai-Laa ka wɔ Yálái lííla; kaa mąn, ka lon ɉinąą mąn, ka lon nɛ̨ąą mąn, ka wɔ luwɔ hinąą da ka wɔ luwɔ nɛ̨ąą, ə mą kɛ Levi lonnii di kaa ka wɔ taaɠaai hu. Mąąhɔlɔɓo, Levi lonnii tii lɔi hvo di yəi, di kwɛlin və di yəi yɛ kaa.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Lonon mo 18:20

Yai-Laa yɛ nwɔ̨nɔ̨ Aarɔn ɓa: «Lɔi hvo pai kɛi ə́ yəi nɔi ɲąąkwɛlɛi lɔwai. Hɛn və pai kɛi ə́ yəi di lɔwai, Ɲą́ą́ ɓə pai kɛi ə́ yə́i a ə́ yə́i hɛn, a ə́ kwɛlin Israɛlə lonnii lɔwai.

Dutɛrɔnome 6:11

a pɛlɛ́ɠaai di laahvɛɛ a hɛn gɔw lɛlɛɛ huwu lɔpee, kaa hvəi di pu li laa, yálɔwaɠaai naahvɛɛ a yələ kəlee, yii ka hvəi di tee li, viɲə da olivə wuluɠaai ka hvə di hin ni. Nąąlɔwai, ka kɔ̨nɔ̨n mį́i kɛa kaa pilɛ ɉu.

Dutɛrɔnome 10:9

Yili mąą mɛ̨nį ɓə gɛ, Levi huwu hvo lɔi hɔlɔɓo la a nwɔɔ, yɛ di ɓəlaa. Yai-Laa ɓə gaa a di kwɛlin, yɛ bələi Yai-Laa ka wɔ Yálái ə mo la diɛ.

Mąątɛ̨nɛ̨ 94:6

Di kaa kalanin da nwɛą di paai, diɛ təlilɛa nwun na pili.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Dutɛrɔnome 23:21

Ka kwələ tɔɔ nwɛ̨ą ɓa, ka kɛi gbɛ, ka tɔ̨nɔ̨ laa mɛ̨i. Kɛlaa, ka hvo gwələ taalə yili ta tɔɔ ka kaayɔwɔ ta ɓa. Ə gɛ Yai-Laa ka wɔ Yálá yɛ pɛli lúwɔ́ tooi ka kɛ kólóɠaa diɛ nɔi tii ka káá lɔi ɉu kaa hee laa.

Dutɛrɔnome 28:8

Yai-Laa kaa pai ka wɔ kɔ̨nɔ̨n gələɠaa mɛ̨i kaai, mɛ̨nį lɔpee ka káá pai ka yee tooi ɉu, yɛ lúwɔ́ too mą. Nɔi Yai-Laa ka wɔ Yálái ə dɛɛ ka pɔ, gaa pai lúwɔ́ tooi kaa ɉu.

Mąątɛ̨nɛ̨ 41:2

Nwun nąnɛ̨ɛ̨mun maa, nui a gili lɛɛ mąąwɛli nuą hu! Yai-Laa a gulɔ mɛ̨nįi a mąąwɛli yələ.