Dutɛrɔnome 14:23 - Yálá laawoo hɛɓɛ (dc)

²³ Ɛlɛɛ kaa naa Yai-Laa ka wɔ Yálá lííla, ɓɛi gaa pai ɲeekpiɛ lɛi laa, naa ə ɓo laa. Nąą ɓə ka káá pai kɛi ka wɔ mɔ̨nun gɔn bow nąą, ka wɔ lɔɔ nįnɛ̨i nwɛi, da ka wɔ wulɔ nįnɛ̨i nwɛi, ka wɔ taatɛlɛɛɠaa lon dɔlɔɔɠaa mįi laa, bələ ɓə ka káá pai kɛi ɲɔwmąąlaa mąą kwɛlii la, yɛ hvilɛn na Yai-Laa ka wɔ Yálái ɓa a yələ kəlee.

Yálá laawoo hɛɓɛ

²³ Ɛlɛɛ kaa naa Yai-Laa ka wɔ Yálá lííla, ɓɛi gaa pai ɲeekpiɛ lɛi laa, naa ə ɓo laa. Nąą ɓə ka káá pai kɛi ka wɔ mɔ̨nun gɔn bow nąą, ka wɔ lɔɔ nįnɛ̨i nwɛi, da ka wɔ wulɔ nįnɛ̨i nwɛi, ka wɔ taatɛlɛɛɠaa lon dɔlɔɔɠaa mįi laa, bələ ɓə ka káá pai kɛi ɲɔwmąąlaa mąą kwɛlii la, yɛ hvilɛn na Yai-Laa ka wɔ Yálái ɓa a yələ kəlee.

Bible

²³ Dia ƃa kámii-sãai, ŋwãai, ɔle wúlɔ da kátaa-tulɛ-lonii maa-ŋuŋ-ŋai. Ka lí a dia ƃɛ́i naa kpɛtɛ̂i Káɣâlai Yâwɛɛ mɛni mai ká mii naa. Ka gɛ́ tí a gɛɛ ká ƃaa kɛ́-maa tɛ́ɛ bɔ́ a tãi kélee.

Dutɛrɔnome 14:23 Referans Kwoze

Dutɛrɔnome 4:10

Ɓɛlɔwai ka kɛ la tɔɔni Yai-Laa ka wɔ Yálái lííla Horɛbə kɔ́wɔ mu, Yai-Laa ə mo mą́ą́, yɛ mą́ą́: «Nuą ɲąąkpɔn gwɛ́lɛ, ŋį́ wooɠaa ɓo diɛ; ə gɛ, diɛ pɛli mą́ą́wiɛi di yíi hvóló kəlee hu lɔi mɛ̨i. Ɛlɛɛ, diɛ di lonnii mąąkwɛli a mą́ą́wiɛ pələ.»

Lonon mo 15:20

Nɛɠɛ dɔlɔɔɠaai ka mɔ̨n, ka dɔ̨nɔ̨ həɠə ɉu a Yálá nwɔ, ka gɛ pələ kɛ yɛ bələi ka ka wɔɔ hihɛn dɔlɔɔ kɛ la, ɓɛlɔwai ka kpɛɛ la a ka wɔɔ mɔ̨nunŋaa tanŋąą.

Mąątɛ̨nɛ̨ 2:11

'Ka tí Yai-Laa ɓa a ɲɔwmąąlaa, 'ka ka yee yɛɛ a gɔwɔ kaa kpɛlin.

Mąątɛ̨nɛ̨ 111:10

Kili kɛ ɲəi kpalatɔɔi ɓaa, nu ə ɲɔw Yai-Laa ɓa, nuąi da yili kɛ, yɛnɛ̨ɛ̨ hon bələ mąą gbąnąlaa kaa di yəi; di kaa pai kɛi dɛ̨nɛ̨i a yələ kəlee.

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Azaya 8:13

Mɛ̨nį Kəlee ŋą Hééɓomun Yai-Laa lɔ ɓə mąąnɛ̨ɛ̨ ka gaa a mąąhəɠɛɛ, ya ɓə mąąnɛ̨ɛ̨ ka mąąwiɛ, ya ɓə mąąnɛ̨ɛ̨ ka ɲɔw mą.

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:14

Ɓɛi lɔ tii Yai-Laa kaa pai ɲee kpuwɔ lɛi laa ka huwu ta nwɔ lɔi hu, nąą lɔ ɓə ka káá pai kɛi ka wɔ haláái kulɔi laa. Kaa Yálá hɛɠɛɛɓo laa. Mɛ̨nįɠaa kpɔ gáá ka tíi la nąą ɓə ka káá pai kɛi di kɛi laa