Dutɛrɔnome 14:1 - Yálá laawoo hɛɓɛ (dc)

¹ Ka káá a Yai-Laa ka wɔ Yálá lonnii. Nu ta a haa, mąą hvo nɛ̨ɛ̨li ka ka kɔ́lɔ ɓɛla ɓɛla, kaa ka tonna nwun galaan.

Yálá laawoo hɛɓɛ

¹ Ka káá a Yai-Laa ka wɔ Yálá lonnii. Nu ta a haa, mąą hvo nɛ̨ɛ̨li ka ka kɔ́lɔ ɓɛla ɓɛla, kaa ka tonna nwun galaan.

Bible

¹ “Káa ƃa Káɣâlai Yâwɛɛ ǹônii. Ka kɛ̀ malôŋ sèe ƃôi saa-nûu mɛni ma, káfe kákpîŋ ŋwàna kpaa máŋ ka kátôŋ lá leɣa kálaŋ.

Dutɛrɔnome 14:1 Referans Kwoze

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Lomaŋ 9:8

Yili mukulaa ɓaa: Lonŋąai da hɔlɔɓo lɔ a kɔ́lɔ liiɓa, diɛ hvəə a Yálá lonni, hvə kɛi yiiɠaai da hɔlɔɓo yɛ bələi Yálá ə naakwɛlanmo la, diɛ ɓə a Yálá lonni leeleeɠaa.

Levetekɔ 21:5

«Haa a too ɉaláá laa həli nuą tii ta ɓa, mąą hvo nɛ̨ɛ̨li di hvo di nwun galaan di tona, di hvo di laa kwɛlɛ lɛɠa kalaan, di hvo di kpɔwɔ mąą nwąną.

Lomaŋ 9:26

Ɛlɛɛ, ɓɛi di kɛi kulɔ laa yɛ kɛ mą: «Ká hvo a nwɔ nu huwu», di kaa pai kɛi laa diɛ: «Yálá húlúmąą lonnii.»

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Lomaŋ 8:16

Gilii tii yaa kpinįi ɓə a nɛ gu nįį pɔ, yɛ gu kaa a Yálá lonnii.

Ɉaan 1:12

Kɛlaa, ə mą kɛ tii, nu tɛi-tɛiɠaai di yee hee mui, di laa na, ə huwalawala tɛɛ di pɔ, ə gɛ, di kɛ a Yálá lonni.

Ɉeremi 41:5

Nuą di həɠə Sisɛmə da Silo, da Samari, di kɛ a nu pow mɛ̨ihaaɓa, daa di kpɛlɛ pu, di mąąhəɠəɠaa huɓɛlaa, pala teɛ diɛ, di kɛi pa a haláá hɛnŋaa da lansan a Yálá hee pɛlɛ́ nwɔɔ.

Ɉeremi 16:6

Nɔi ŋɛ̨i hu nu kpɛa kpɛaa, da bɛlɛɛɠaa di kaa pai haai, di powa loo mun hva hɔlɔɓo, wɔlɔ woo hva tɔɔ di mɛ̨i; nu ta hva gbɔwɔ mąą ɓɛla, nu ta hva nwun gbəlaan mo.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Ɉaan 11:52

Hvo lɛɛ lɔ a nɔi tii mąą mɛ̨nį, kɛlaa, Yálá lonni yiiɠaai di taɠa-taɠa, di ŋąąkpɔn mɛ̨nį di kee ɓa di kɛ tɔ̨nɔ̨ mąą haa ɓə ə kɛi pa moi.)

Ɉeremi 3:19

Ɲą́ą́, ŋį́ kɛi mo gwə́i, gɛ́ kɛ diɛ: «Ŋą́ kɛ kpɔ bɔ ŋį́ ə́ kɛ nón ɉinąąlɔwai a lon ɉulɔnu tɔlɔɔ, lɔi yii nu kəlee ɲɛ̨i kaa kulɔi bɔ, ŋį́ dɛɛ kɛ ə́ pɔ; a lɔi yii nɛlɛɛ mɛlaa lɔiɠaa lɔwai. Ə kɛ gwəi, ka káá pai kɛi mą́ą́: ‹Ku Nán!› Ka hva kɛa ka pulu tɔɔ mą́ą́.»

Zɛnɛse 6:4

Nąąlɔwai tii hu, nu kwɛa-kwɛa di kɛ lɔi mɛ̨i. Nuąi tii di hɔlɔɓo Yálá lonnii da lɔi mɛ̨i nɛ̨ąą di wɔ hilɛtaa yii hu. Nuąi tii ɓə wɔlɔ kɛ di laa tɛɛ lɔi mɛ̨i.

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Zɔ̂ŋ Maa-ŋuŋ 5:2

Yili hu ɓə, gwa gbaɠala kɔlɔn na guɔ; Yálá lonnii wɛli kaa guɔ, akɛ, gwa Yálá wɛlila kɛ, guɔ ŋą tíɓoɠaai pɔ yíiɓo.

Tɛsalonikə dɔlɔɔ 4:13

Ku hvo bɔ, ną́n nonnii, ká hvo lɛɛ kwəi pili mąą hu, yii hvilɛn na haa nuą diɛ, əgɛ, ká hvo pa kɛ liikələn gwəi hu, yɛ nuą yiiɠaa ti, kilitɔɔ mąą laa hvo di yəi.

Ɉeremi 47:5

Daa Gaza nwun galaan, daa laa lɔ Askelɔn la. Ka káá lɛɛi a nu gbəli ka wɔ lɔi hu, ka mąą kaa pai lɛɛi a mɛlaa, əlɛɛɉu lə yələ?

Lomaŋ 9:4

Diɛi a Israɛlə lonnii, Yálá ə di kɛ a ŋą ɲąąkɔn-nonnii ə di mąąɲįnɛ̨n gɛ diɛ, da diɛni di mįnɛ̨ həɠə, ə tɔ́n dɛɛ di pɔ, da ɉalaa kulɔ pələ, ɛlɛɛ, ə mɛ̨nįɠaa laakwɛlanmo diɛ

Dutɛrɔnome 13:18

Mąą hvo nɛ̨ɛ̨li ka hvo ka yee tunwɔ̨n ɉɛnŋąąi kpɔ di di kalaɠalai da ɓa. Ka wala tunwɔ̨n da ɓa, Yai-Laa kaa pai nwɔ liiholi kɛnɛ̨i kpɛlai bələi. Yɛ nwɔ wɛlikɛmąąlaa tɛɛ ka pɔ, yɛ ka mąąwɛli kaa, yɛ ka ɓuwuɓo yɛ bələi ə naakwɛlanmo la ka nąnni diɛ.

Tɔɔɓɛlaa dɔlɔɔ 18:28

Di kɛi tomą kpɔ a nwalawalaa, ɛlɛɛ, yɛ bələi da kɛ gɛi la a bɔlɔ, diɛ di mąą nwąną a ɓɔwa da kpalaɠaa; ə lɛɛ kpɔ ɉu ɲąmą yɛ kulɔ di kɔ́lɔ nąą kəlee.

Dutɛrɔnome 32:6

Akɛ tii, bələ ɓə mɔ̨ɔ̨ ka Yai-Laa hvɛla kulɔ la? Ka nu huwu ɓowɔɔ kili ŋąą pɛlɛɛ ŋɛ̨i; kɛlɛi ə́ nąn ŋɛ̨i yɛnɛ̨ɛ̨ tɛɛ ə́ pɔ yaa li-e? Yaa tii ɓə ə́ pɛli, yɛ ə́ heei kulɔ.

Azaya 63:16

Yii mą: Ku Nąn mąą a yɛ́, Abrahamə nwɛi, yii mą, hvo ku kɔ́lɔn, Israɛlə yaa kpɛlimąn, hvo kpɛli ku kɔ́lɔn, Yɛ́, Yai-Laa, Yɛ́ lɔ ɓaa a ku Nąn, Ə́ laai yɛ́ a yələ kəlee, ya ɓaa, ku Nwun mąąɓomun.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.