Dutɛrɔnome 13:10 - Yálá laawoo hɛɓɛ (dc)

¹⁰ Kɛlaa yaamun, hvo kɛ li ka baa, gwɛni tɔlɔɔ pili mą, ɛlɛɛ nɔi nuą di gbəli laa kulɔ.

Yálá laawoo hɛɓɛ

¹⁰ Kɛlaa yaamun, hvo kɛ li ka baa, gwɛni tɔlɔɔ pili mą, ɛlɛɛ nɔi nuą di gbəli laa kulɔ.

Bible

¹⁰ Ka zɔɔ a kɔni é lɛ́ɛ la zu é sáa, kpɛ́ni fêi, a ŋ̀wɛ̂lii é kákula Káɣâlai Yâwɛɛ pôlu nyii kákùla ǹuɛ-laai su Izei.

Dutɛrɔnome 13:10 Referans Kwoze

Zasua 7:25

Ɉosue ə mo laa yɛ Akan ɓa: «Lə mɛ̨nį ɓa ə́ gbaloi ŋɛ̨i ɓɛla kuɔ? Yai-Laa kaa kpalo ɓɛlai yɛ́ háákəlei.» Israɛlə nuą kəlee di di hɔɔ a kwɛni, di haa, di di kələn; di kwɛni hįį tɔɔ di mɛ̨i.

Kɔlɔnikɔ Veerɛi 24:21

Nɔi lonnii ɲąba lɔ Zakaria ɓa, tɔɔmun ə mo, di ɉɔɔ a kwɛni, di baa Yai-Laa ŋą pɛlɛ́i laaləi, gwəli hąąi.

Dutɛrɔnome 21:21

Mąąnɛ̨ɛ̨ daai tii hu nuą kəlee di ɉɔɔ a kwɛni ə haa. Bələ ɓə mąąnɛ̨ɛ̨ ka mɛ̨nį ɲɔ̨n gulɔ la ka lɔwai. Israɛlə nuą kəlee kaa pai bələ mɛ̨n ɉii, diɛ ɲɔw.

Levetekɔ 24:23

Moisə ə mɛ̨nįɠaai tii kəlee laa həli Israɛlə lonnii diɛ. Nui tii Yálá lalan, di kulɔ la daa pulu, di ɉɔɔ a kwɛni. Mɛ̨nįi Yai-Laa ə Moisə tí la, Israɛlə lonnii di gɛ.

Levetekɔ 20:27

«Nui lɔpee, ə kɛ a hulɔnu ə kɛ a nɛ̨ɛ̨nu a nwɔ mɛ̨nį laa həli ɲąmuątaa tɔlukpɛ nuą diɛ, mąąnɛ̨ɛ̨ di mąą nui paa; da lɛɛ ɉɔɔi a kwɛni, ə lɛɛ ɉu ə haa. Di ɲąmą wulu a lɛɛ di kpɔwɔ nwuɔ̨.»

Levetekɔ 20:2

«'Mo Israɛlə lonnii diɛ, yɛ diɛ: «Nui lɔpee, ə kɛ a Israɛlə lon, ə kɛ a nwɛ̨ąi heeni Israɛlə lɔi hu, a Molɛkə kɔ́ a non da, mąąnɛ̨ɛ̨ di mąą nu paa, nɔi nuą da baa a kwɛni.

Lɛɛ gbɔwɔ ɓa 20:2

«Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Dutɛrɔnome 4:19

Hvó ə́ ɲɛ̨i tɛ yələi, yá, hvóló, ɲąnin da pɛmɛ̨lɛ̨n-gɔw, ə mą kɛ yələ kwəi hɛnŋąą kaa, hvó pa nəi nɛɛ laa di hvo ə́ ɓowo, yɛ́ kwɛli hvilɛn diɛ. Yai-Laa ka wɔ Yálái ɓə ɉɛnŋąą tii pɛli lɔi mɛ̨i hee ɓo nuą kəlee mąą mɛ̨nį ɓa.

Dutɛrɔnome 13:5

Yai-Laa ka wɔ Yálá ɓə mąąnɛ̨ɛ̨ ka hvilɛn bulu, ya ɓə mąąnɛ̨ɛ̨ ka ɲɔw mą. Nwɔ tɔ́n mə mąąnɛ̨ɛ̨ ka ɉon; nwoo ɓə mąąnɛ̨ɛ̨ ka ka wəli tɔɔ mą. Yai-Laa ɓə mąąnɛ̨ɛ̨ ka tí mą, ɛlɛɛ, yaa ɓə mąąnɛ̨ɛ̨ ka kanąn mą.

Lɛɛ gbɔwɔ ɓa 32:27

Yɛ diɛ: «Mɛ̨nį Yai-Laa Israɛlə nwɔ Yálá kaa moi ya ka. ‹Nu kəlee ə nwɔ kɔ-kɔ ɓɔwai kpulɔn ɉąą, ka tɛɛ daa kwəi, bɛlɛ́ɠaa laaləi, ka ka kaayɔwɔɠaa paa da ka ɓɛlaa.›»

Dutɛrɔnome 17:5

ɉulɔnui tii, a wala kɛ tii, nɛ̨ɛ̨nui tii dúwɔ́ pələ ɲɔ̨n tii kulɔ, ka kulɔ la ɉįi pulu. Ə kɛ a hulɔnu-o, ə kɛ a nɛ̨ɛ̨nu-o, ka ɉɔɔ a kwɛni ə haa.

Dutɛrɔnome 17:7

Gəlaɠaa ɓə da gbɛa di yee pɛlɛ baa mɛ̨nį ɓa, yili pulu, nuą kəlee diɛ tɛɠa di laa too ɉu. Ka mɛ̨nį ɲɔ̨n gbɛɛ tii ka lɔwai.

Tɔɔɓɛlaa veelɛ 11:18

Nu kpului tii kəlee di lɔ Baalə nwɔ pɛlɛ́i mu, di bu, di nwɔ haláá kulɔi taɠa, di mąąnįnįnŋaa kala, di Baalə nwɔ haláá laa həli mun Matan paa ɉaláá kulɔiɠaa lííla. Ɉaláá laa həli mun Yohoyada ə gulááɠaa tɔɔ Yai-Laa yəi bɛlɛ́ laaləi.