Dutɛrɔnome 12:21 - Yálá laawoo hɛɓɛ (dc)

²¹ Gɛɛnąąi Yai-Laa kaa pai ɲee kpuwɔ lɛi mą, yɛ naa hee laa. Akɛ nąą a kɛ a gwɛaa kaa, ka pɛli mą ka nįŋɛ̨ ta paa, awala kɛ tii ɓɛlaa da ɓolu ta, yii lɔpee Yai-Laa ka wɔ Yálái kaa pai dɛɛi ka pɔ, ka gɛ lɔ yɛ bələi gáá pai moi la kaa; ɛlɛɛ ka da mįi ka wɔ taaɠaa hu, yɛ bələi ka káá pai kɛi la bɔ.

Yálá laawoo hɛɓɛ

²¹ Gɛɛnąąi Yai-Laa kaa pai ɲee kpuwɔ lɛi mą, yɛ naa hee laa. Akɛ nąą a kɛ a gwɛaa kaa, ka pɛli mą ka nįŋɛ̨ ta paa, awala kɛ tii ɓɛlaa da ɓolu ta, yii lɔpee Yai-Laa ka wɔ Yálái kaa pai dɛɛi ka pɔ, ka gɛ lɔ yɛ bələi gáá pai moi la kaa; ɛlɛɛ ka da mįi ka wɔ taaɠaa hu, yɛ bələi ka káá pai kɛi la bɔ.

Bible

²¹ À kɛ̀ ƃɛ́ ká Yâwɛɛ fɛli naai ǹaa koyâai kâa, daa-tulɛ-ŋai è dɛ̀ɛ kápɔi ka pɔ̂ri da paâi kátaa-ŋai da su yɛ̂ɛ berei ŋá mò la kâai ká mii yɛ̂ɛ berei ka ŋ̀wɛ̂lii lai.

Dutɛrɔnome 12:21 Referans Kwoze

Dutɛrɔnome 12:5

Kɛɛnąą lɔpee Yai-Laa ka wɔ Yálá kaa pai ɲeekpiɛ lɛi nąą, Israɛlə huwu kəlee lɔwai, yɛ naa hee laa, yɛ daa tɔɔ laa, gɛɛnąą tii lɔ ɓə ka káá pai kɛi lii laa, kaa hvaa bɔ.

Ɛsdrasə 6:12

Ɲą́ą́ Dariusə, gɛ́, Yálá yii naa kaa gɛɛnąąi tii, tɔɔmun a wala kɛ tii lɔi lɔpee a muhəɠə nwɔ pɛ́lɛ́i laa ɓa Ɉerusalɛmə daai, Ɲálái tii ə mąą nu nwun na pili. Gɛ́, mɛ̨nįi ŋɛ̨i ŋį́ mo, ə kɛ kpɔlɔ tii, da hvo həɠə mą.»

Kɔlɔnikɔ Veerɛi 12:13

Roboamə nwɔ tɔɔlaai hu ə walawala Ɉerusalɛmə. Ə tɔɔlaa kɛ; gaa kwɛlan ə kɛ pow nąąn gɔw tanɔ̨n ɓɛlɔwai ə dɔɔlaa hɔlɔɓo la. Ə tɔɔlaa kɛ a kwɛlan bow gɔw mɛ̨ihveelɛ yee mu Ɉerusalɛmə daai. Daa tii ɓə Yai-Laa ə ɉəɠə ɉu Israɛlə taaɠaa kəlee lɔwai, ə naa hee mą. Roboamə nee laa ɓaa kɛ a Naama, nɛ̨ɛ̨nui tii ə kɛ a Amɔn nɛ̨ɛ̨nu.

Tɔɔɓɛlaa dɔlɔɔ 14:21

Salomɔn lon Roboamə ə kɛ a tɔɔmun Ɉuda lɔi hu, Roboamə kaa kwɛlan ə kɛ pow nąąn, ɓɛlɔwai ə dɔɔlaa hɔlɔɓo la. Ə dɔɔlaa kɛ kwɛlan bow kɔ́w mɛ̨ihveelɛ yee mu Ɉerusalɛmə. Nąą ɓə Yai-Laa ə ɉəɠə ɉu Israɛlə lɔi nąą kəlee, ə gɛ ə naa hee laa. Roboamə nee laa ɓaa kɛ Naama, yai kɛ a Amɔn mun.

Dutɛrɔnome 26:2

ka wɔ hihɛnŋąą má dɔlɔɔ-tɔlɔɔɠaa ka ɉɔlɔɓo nɔi tii hu, yai Yai-Laa ka wɔ Yálái ə dɛɛ ka pɔ, ka da həɠə ɉu ka gbili kɛ; ɓɛi Yai-Laa ka wɔ Yálái kaa pai ɲeekpiɛ lɛi laa, yɛ naa hee mą; ka li la laa.

Dutɛrɔnome 16:11

Gɛɛnąą tii Yai-Laa ka wɔ Yálái kaa pai ɲeekpiɛ lɛi laa, yɛ naa hee laa, ka káá pai kɛi laa kwəinɛ̨ɛ̨ hu, Yai-Laa ka wɔ Yálái lííla, ka ka lonnii ɉinąą mąn nɛ̨ąą mąn, ə mą kɛ ka wɔ luwɔɠaa, ɉinąą mąn, nɛ̨ąą mąn, ə mą kɛ, Leviɠaai di kaa ka lɔwai ka wɔ taaɠaa hu, da ka wɔ nwɛ̨ąą, təliɠaa, da galaninŋąąi ka lɔwai.

Dutɛrɔnome 16:6

Ɓɛi lɔ ka bu laa nąą ɓaa, gɛɛnąą ŋɛ̨i Yai-Laa ka wɔ Yálá ə ɲeekpiɛ lɛ mą, ə naa hee laa, nąą lɔ ɓə ka ɉaláá kulɔ laa yələwulii pɔ, a hvóló kɔ́w tooi lɔwai, a ɓɛlɔwai kpɔlɔ tii ka kulɔ la Eziptə lɔi hu.

Dutɛrɔnome 12:15

Kɛlaa, ka pɛli mą ka huwɔ paa, ka huwɔ mįi taa kəlee hu, yɛ bələi Yai-Laa ka wɔ Yálá ə mąą lúwɔ́ too la kaa. Nui tɔ́n gaa mą, nui tɔ́n və mą, da pɛli di ɉuwɔi ti ta mį́i; yɛ bɛlɛi lomą kaa la, a wala kɛ ti lan.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Lɛɛ gbɔwɔ ɓa 20:24

Ka nwɔ́ haláá kulɔi pɛli a pɔlɔ, kaa haláá kulɔ laa mą́ą́, a haláái da gəlee kələn, da ponaa kulɔ haláá, a ka wɔ taatɛlɛɛɠaai bɛlɛ-pɛlɛɛɠaa da gbɛa-kpɛaɠaa, ɓɛi lɔpee gáá pai hvaai mą, diɛ náá mąąwiɛ laa. Ŋą́ pa ka pɔ, gɛ́ lúwɔ́ too kaa.

Dutɛrɔnome 12:20

Yai-Laa ka wɔ Yálái a pa ka wɔ lɔi hu kɛnɛ̨i yɛ bələi ə naakwɛlan mo la kaa, ɲələi ka kɛ la diɛ: «Ku kaa bɔ ku huwɔ mįi» mąąhɔlɔɓo, huwɔ mįi wɛli kaa kaa, ka mįi a ka liiɓa.

Dutɛrɔnome 12:22

Ka pɛli da mįi lɔ yɛ bələi lomą kaa la, awala kɛ tii lan. Nui tɔ́n gaa mą, awala kɛ tii nui tɔ́n və mą, da pɛli di mįi gee pɔ.