Dutɛrɔnome 11:25 - Yálá laawoo hɛɓɛ (dc)

²⁵ Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Yálá laawoo hɛɓɛ

²⁵ Nui lɔpee ta hvo pai tɔɔi ka la. Mąąhɔlɔɓo, Yai-Laa kaa pai gɛi nuą diɛ ɲɔw kaa kɛɛnąą kəlee ɓa, di mąą yɛ kpɛlin ka tɔwɔ yɛ bələi ə naakwɛlanmo la kaa.

Bible

²⁵ Núu da líi fé pâi kpelêi é kɔ́ pɛ́lɛ kâa. Káɣâlai Yâwɛɛ a pâi kámaa kɔ̃ɔ̂i ƃɛ́i kélee kà lì naai.

Dutɛrɔnome 11:25 Referans Kwoze

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Dutɛrɔnome 7:24

Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Lɛɛ gbɔwɔ ɓa 23:27

«‹Gáá ka mąą tin dooi, nɔi ŋɛ̨i ka káá pai lii ɉu, nąą nuą hu ə pu diɛ, ka yowoɠaa da pu ka tɔwɔ.

Zasua 5:1

Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Dutɛrɔnome 2:25

Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Zasua 2:9

Yɛ diɛ: «Ŋį́ gɔlɔn gɛ́ diɛ Yai-Laa aa nɔi ŋɛ̨i tɛɛ ka pɔ, ka pa mɛ̨nį ɓɛ, mąą tín aa too, kpɛlin aa too nɔi nuą kəlee hu.

Kɔlɔnikɔ Maa-ŋuŋ 14:17

Davidə laa ə tɛ nɔi kəlee hu, Yai-Laa ə Davidə yee kɔ̨nwɔ̨n ɉu ɓɛlɛ lɔi kəlee diɛ ɲɔw mą.