Dutɛrɔnome 11:16 - Yálá laawoo hɛɓɛ (dc)

¹⁶ Ka gɛ a nɛlɛɛ, ka hvo nɛɛ laa di hvo ka kili ŋąąpɛlɛ; di hvo ka nwun ɉu lan; kaa li tɔɔi kaa tí haliɠaa diɛ; kaa kwɛli hvilɛn diɛ.

Yálá laawoo hɛɓɛ

¹⁶ Ka gɛ a nɛlɛɛ, ka hvo nɛɛ laa di hvo ka kili ŋąąpɛlɛ; di hvo ka nwun ɉu lan; kaa li tɔɔi kaa tí haliɠaa diɛ; kaa kwɛli hvilɛn diɛ.

Bible

¹⁶ Ka kámɛi káa. À wàla kɛ́ tí, kálii a pâi penêi ká kɛ́ tíi kɛ̀ Ɣâla da kpɛ́ni-ŋai dîɛ.

Dutɛrɔnome 11:16 Referans Kwoze

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Hebreu 2:1

Yili ɓə gaa mą:, dɛ̨ą woo ŋɛ̨i gu mɛ̨n, ká gu ɉon a gu nwąnąi, akɛ, gu hvo bɔ, gu nwun na hvo pa pili.

Zôo 31:27

akɛ yili ta ə́ níí hon, gɛ́ di kaa a nwɔ́ yálá, gɛ́ kwɛli hvilɛn diɛ,

Zĩi 1:26

Kɛlaa, nu ta a gbɔwɔ kɛ a Yálá kɔ́lɔn mun, a wala nɛ̨n dɔɔ vaa woo tɔwɔ, akɛtii gaa gbɔwɔ ɓowoi, hvo Yálá kɔ́lɔn.

Dutɛrɔnome 29:18

Ɛlɛɛ, mąą nu a nolo woo ŋɛ̨i mɛ̨n, yɛ gbɔwɔ kaa yɛ mąątɛ̨nɛ̨ gwəi pələ, yɛ kɛ mą: ‹Ŋą́ mą kanąn gwə́i kiliŋąhiɛ ɓa, ŋą́ pɛli mɛ̨nį kəlee hɔlɔɓoi, mąąhɔlɔɓo, lɔi tulɔ a pu mą, kpələ wɛli hvo laa.›

Zɔ̂ŋ Maa-ŋuŋ 5:21

Nónnii pɛlɛɛɠaa, 'ká ká kpɔwɔ mɛ̨i kaa haliɠaa mąą mɛ̨nį ɓa.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Dutɛrɔnome 30:17

Kɛlaa, akɛ, ka ka pulu tɔɔ mą, ka ka kili kulɔ nwoo hu, ka nɛɛ laa di ka ɲąąhɛŋi kaa kwɛli hvilɛn haliɠaa diɛ, kaa tí diɛ;

Dutɛrɔnome 8:19

Kɛlaa, Ka lɛ̨ą Yai-Laa ka wɔ Yálái ɓa, kaa hvilɛn haliɠaa pulu, kaa tí diɛ, kaa pɛlɛ di lííla; gáá moi kaa, gɛ́ gwɛla ɉu! Ka nwun na a pili kpɔ tɛ̨ɛ̨tɛ̨ɛ̨.

Dutɛrɔnome 4:23

Mįnɛ̨i Yai-Laa ə naa ka lɔwai ka diɛni, ka gɛ a nɛlɛɛ, ka hvo lɛ̨ą mą. Ɉɛnŋąą kpɔ tii Yai-Laa ə tɔ́n dɔɔ kaa mąą mɛ̨nį hu, yɛ kɛ ka hvo da mąą nįnįn ɉəɠə, ka hvo kɛ ka káá da pɛlii.

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Hebreu 12:15

Ká gɛ a nɛlɛɛ, nu ta hvo bulu tɔɔ Yálá nwɔ nɛ̨ɛ̨laai ɓa, hvo kɛ a kala nwąną mɛlaa lɔwai, yɛ pilimąą, yɛ gbɔn ɉu taɠa.

Hebreu 4:1

Yili ɓa tii, ɲɔw ə kɛ kani gu hu, hvo gaai, gu lɔ mɛ̨nį vįitɔɔ tii hu laakwɛlanmoɔi guɔ, ɲɔw ə kɛ kani gu hu, guɔ kɛ, nu ta hvo lɛɛ pulu, nąą mɛ̨nį hu.

Lukə 21:36

Ka hvo yii, ka Yálá hvɛli a lɔwai kəlee; ya ɓə a gɛ, huwalawala ə hɔlɔɓo ka yəi, mɛ̨nįɠaa ŋɛ̨i pai pai ka kulɔ ɉu, ə lɛɛ, ka tɔɔ kpaan tinąą Nu Lon lííla.»

Lukə 21:8

Jesus yɛ diɛ: «Ka gɛ a nɛlɛɛ, ka hvo nɛɛ laa nu ta hvo ka ɓowo, mąąhɔlɔɓo, nu tamąą kaa pai pai náá hu diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́!› Ə lɛɛ: ‹Lɔwai aa ɉəli!› Kɛlaa, ka hvo hvilɛn di pulu.

Dutɛrɔnome 13:3

ɛlɛɛ mɛ̨nį ɲɛ̨i kɛnɛ̨i tii, awala kɛ tii, gbalo mɛ̨nįi tii ə nɛɛ kwɛala yɛ ɉukulɔ, mąą mɛ̨nį yɛ kɛ; mąą nu ə tɔɔ kɛa, yɛ kɛ diɛ: «Gu hvilɛn haliɠaa pulu, gu di mąąwiɛ» diɛi di kaa a hɛnŋąąi ka hvo di kɔ́lɔn.

Dutɛrɔnome 4:9

Ka ka kpɔwɔ hon a nɛlɛɛ, mɛ̨nįɠaa kpɔ ka gaa a ka ɲɛ̨ikɔw, nąą kili hvo kpɛɛ ka ŋą ka yíi hvóló kəlee hu; ka hvo lɛ̨ą mą, ka mɛ̨nįɠaa tii hukulɔ ka lonnii diɛ da ka mąnįn bulu mąnįnŋąą kəlee.

Dutɛrɔnome 31:20

Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Samuɛlə dɔlɔɔ 12:20

Samuɛlə yɛ nɔi lonnii diɛ: Ka hvo ɲɔw, tɛ̨ą li kaa ɓə mɛ̨nį ɲɔ̨n ŋɛ̨i kəlee kɛ, ə mą kɛ tii, ka hvo ka pulu tinɛ̨n Yai-Laa ɓa, ka tí Yai-Laa ɓa kwəi tɔ̨nɔ̨ laa hu.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.

Tɔɔɓɛlaa dɔlɔɔ 8:35

«Akɛ nɔi lonnii da nɛ̨ŋɛ̨n ɉəɠə yɛ́, di kɛ nɛ̨ŋɛ̨n mąą mɛ̨nį ɓa, yələkɔlən ɉu a kpala, tulɔ a kpəla mą, da di ɲɛ̨i haŋą gɛɛnąą ŋɛ̨i ɓa pələ, di di yee kulɔ di kɛ nɛ̨ŋɛ̨n ɉu, diɛ ə́ laa mąąwiɛ, diɛ ə́ hvɛli, mąąhɔlɔɓo, yáá mɔ̨nɔ̨ laa di mɛ̨i;

Dutɛrɔnome 5:7

«Hali ta hvo kɛ Ɲą́ą́ gwa kaani gu lɔwai.

Dutɛrɔnome 12:30

Ka ka kpɔɔ hon a nɛlɛɛ nɔi ti hu. Ka hvə kɔ́ a di wɔ hɛlɛn, daa nuą tii huwu pu ka ɲɛ̨i tɔwɔ, ka hvo di yíi pələ pɔɔ kɔ́ɔn, ka gɛ a nɛlɛɛ, ka hvo hvilɛn di wɔ haliɠaai pulu, kaa kɛ diɛ: «Nu huwui ŋɛ̨i di kɛi di wɔ haliɠaai mąąwiɛ ləi? Ɲą́ą́ gbɛli mąn ŋį́ gɛ yɛ diɛ.»

Dutɛrɔnome 17:3

mąą nu yɛ haliɠaa mąąwiɛ, yɛ pɛlɛ di lííla, yɛ pɛlɛ hvóló da ŋąnin, da yələ kwəi hɛnŋąą lííla; ɲą́ą́ hvəi dí la.

Dutɛrɔnome 28:14

akɛ nwɔ pələɠaa ŋɛ̨i gáá dɛɛi ka pɔ háákələi, ka wala həɠə mɛ̨i, kaa li ɓa mįi yee hu, a wala kɛ tii, kɔ́ɓɛyee hu; ɛlɛɛ, akɛ ka wala hvilɛn haliɠaa pulu, kaa kwɛli hvilɛn diɛ.

Dutɛrɔnome 29:17

Yálá hvo gɛ! Ə kɛ a hulɔnu ə kɛ a nɛ̨ɛ̨nu, a wala kɛ tii pɛlɛ ta ɓə, ə kɛ a huwu ta, hvo hɔlɔɓo ka lɔwai nwɔ kiliŋąhiɛ hvo həɠə Yai-Laa gu wɔ Yálái ɓa, yɛ hvilɛn nu huwuɠaa tii di wɔ haliɠaa pulu, ka kpuwun da hvo kɛ ka lɔwai, yii nwɔ kɛ pələ a kɛ yɛ pili mąą, a wala kɛ tii, yɛ kala ɲɔ̨n.