Biblia Todo Logo
Bib sou entènèt

- Piblisite -




Dutɛrɔnome 11:1 - Yálá laawoo hɛɓɛ (dc)

1 Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Gade chapit la Kopi

Yálá laawoo hɛɓɛ

1 Ka Yai-Laa ka wɔ Yálái wɛli la kɛ, nwɔ tíɓoɠaa nwɔ yɛnɛ̨ɛ̨ mąą tɔ́nŋąą, da nwɔ yɛnɛ̨ɛ̨ hon bələɠaai gáá dɛɛi ka pɔi, ka di kɛ a yələ kəlee.

Gade chapit la Kopi

Bible

1 “Ka Káɣâlai Yâwɛɛ wɛ́li ká ŋɔtɔ̂ŋ-ŋai mɛi káa a tãi kélee.

Gade chapit la Kopi




Dutɛrɔnome 11:1
22 Referans Kwoze  

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.


Yii hu kɛa, Israɛlə lonnii, ə həli kaa! Lə ɓə Yai-Laa ka wɔ Yálái kaa bɔ ka gɛ mą? Mɛ̨nįi ɲɛ̨i kaa dɔwɔ, ya ɓaa: ka ɲɔw Yai-Laa ka wɔ Yálái ɓa, a, lɛɛi ka mo nwooɠaa pulu; kaa Yai-Laa ka wɔ Yálái wɛli la kɛ, kaa tí mą a kwəi kwələ laa, a ka wɔ huwalawala kəlee, da ka wɔ yɛnɛ̨ɛ̨ kɛ pələ kəlee.


Yai-Laa Mɛ̨nį Kəlee ŋą Hééɓomun woo ka: «Yá hiɛ nwɔ́ pələɠaai mɛ̨i, ya nwɔ́ tíɓoɠaai kɛi, yɛ́ kpįnįi ə́ kaa pai nwɔ́ pɛlɛ́i ɲąąwooɓoi, yɛ́ ə́ ɲɛ̨i kɛ nwɔ́ kwəlii ɓa, ɛlɛɛ, nuąi tɔɔni ɓɛ, ŋą́ ə́ too di pɔ.»


Ka káá pai lɛɛi gee kaa kələ laaləi hvóló mɛ̨ihveelɛ yee mu, hvóló da kpinį, yili pulu, ka pɛli kɛa Yai-Laa nwɔ kólói kɛi. Mɛ̨nįɠaa da kɛ tii, ka hvo kɛa pai haai, bələ ɓə di dí la.»


Yai-Laa wɛli kaa mą́ą́, mąąhɔlɔɓo a ɲee hee nwɔ́ nɛ̨ɛ̨mąąhvə woo mu.


Əgɛ, di di yee kanąn lɔ nwɔ tɔ́n nwooɠaai diɛ, diɛ nwɔ tíɓoɠaai kɛ. 'Kánikookwəi!


Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.


Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.


Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.


Yii hu kɛa, Israɛlə nuą, ka ka wəli tɔɔ dɔ́nŋąą da yɛnɛ̨ɛ̨ yíi ɓo pələi gáá dɛɛi ka pɔ mą. Mɛ̨nįɠaa tii pɔ pələ ɓə ka pɛli lamui la yɛnɛ̨ɛ̨; ɛlɛɛ, nɔi tii Yai-Laa ka nąnni di wɔ Yálá kaa dɛɛ ka pɔ, ka ɉɔlɔɓo a ka wɔ.


«'Ka lɛɛ nwɔ́ tɔ́n nwooɠaa pulu, ka hvo gɛɛ kala túwɔ́ taaləi tii ta ɓo, yai di kɛi gɛ ɓɛ nɔi ka tɔwɔ. Ka hvo ka mąąliɓi a mɛ̨nį taaləi tii ta. Ɲą́ą́ ɓə gáá a Yai-Laa ka wɔ Yálá.»


«Mąąnɛ̨ɛ̨ di di yee kɛ nwɔ́ tɔ́n nwooɠaai diɛ, di hvo di kpɔwɔ too nɛ̨ŋɛ̨n ɉu kɔ̨nɔ̨n mɛ̨nį hu. Da nwɔ́ɔ́ tɔ́n nwooɠaai mąą kala, da nəi haa. Ɲą́ą́ ɓə gáá a Yai-Laa, yai a di mąąhəɠə.


Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.


A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,


Mąąhɔlɔɓo, dɔnŋaa ŋɛ̨i gaa dɛɛi ka pɔ, ka ka yee kɛ mą kpɔ a nelee, a ɲąą pɛliɛ, kaa Yai-Laa ka wɔ Yálái wɛli la kɛ, kaa lɛɛ la nwɔ pələɠaai kəlee mɛ̨i, kaa kanąn mą a woo tɔ̨nɔ̨ laa;


Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.


Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.


Mąą hvo nɛ̨ɛ̨li, ka hvo ka wəli tɔɔ mɛ̨nį hukulɔ mun tii ɓa, a wala kɛ tii, ɉįi kaamun tii. Mąąhɔlɔɓo, Yai-Laa ka wɔ Yálá ka tii pai kɛi ka hukɔɔn ɉii, ə gɛ, ə ka káá a nuąi da Yai-Laa ka wɔ Yálái wɛlilakɛ a di kwəi tɔ̨nɔ̨, a di nwąnąi kpɔ-kpɔɔ.


Mąąnɛ̨ɛ̨ kaa pa kɛi ka wəli tɔɔi Yai-Laa ka wɔ Yálái woo ɓa nwɔ tɔ́n nwooɠaa da nwɔ tíɓo wooɠaai gáá dɛɛi ka pɔ, kaa bɔ mɛ̨nį kɛ.»


«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.


Swiv nou:

Piblisite


Piblisite