Dutɛrɔnome 10:8 - Yálá laawoo hɛɓɛ (dc)

⁸ Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Yálá laawoo hɛɓɛ

⁸ Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Bible

⁸ Maa tãi tí ƃé Yâwɛɛ è Liiva-ŋai sìɣe la a gɛɛ dí kɛ́ sìa a gbana-woo-kɛɛ maa gãlai, dí kɛ́ tíi kɛ̀ mì, dí kɛ́ lûwa làa nûa dîa ǹyaa Yâwɛɛ ǹáai su. Ǹyaŋ bere ƃé gáa la sâa.

Dutɛrɔnome 10:8 Referans Kwoze

Dutɛrɔnome 21:5

Nąąlɔwai, Levi lonnii ŋɛ̨i a ɉaláá kulɔ nuą, da pa. Levi lonnii tii ɓə Yai-Laa ka wɔ Yálái ə di həɠə ka lɔwai, diɛ haláá kulɔ kólóɠaa kɛ, diɛ lúwɔ́ too Yai-Laa laa hu. Di woo ɓə a hvaa kpɛɛ, da nu mąą nwąną mɛ̨nį.

Dutɛrɔnome 18:5

Mąąhɔlɔɓo, Levi ɓə Yai-Laa ka wɔ Yálá ə ɉəɠə ɉu da nonnii ka huwu kəlee lɔwai, diɛ ɓo la Yai-Laa lííla a yələ kəlee, diɛ haláá kulɔ Yai-Laa laa hu.

Lonon mo 4:15

Ɓɛlɔwai nuą da kɛ di muhəɠə la, Aarɔn lonnii da di yee laa kulɔ a gee kaa kələ mąą kpinįn gɛɛ, mu hɛnŋąą kəlee. Yili pulu, Kehatə lonnii da pa kɛa di ɉəɠə, di hva tunwɔ̨n bɛlɛ́ mąąhəɠɛɛ ɓa; ə gɛ di hvo pa nəi haa. Gee kaa kələ nwɔ hɛnŋąą hu, yii Kehatə lonnii da ɉəɠə, ya ka tii.

Lonon mo 3:6

«Levi lonnii lɛɠɛ ɓɛ, ə́ di tɛɛ Aarɔn pɔ, diɛ ɓə pai lɛɛi a bɔɔ tɔɔi.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉeremi 15:19

Yii Yai-Laa ə bulu pənə la, ya ka; yɛ mą: Akɛ pənə pulu kiliŋąhiɛ a too yɛ́, ŋį́ pənə ŋį́ pa a yɛ́, yá kɛ nííla, yɛ́ tí mą́ą́, ə lɛɛ, ya wala hviikpɛɛ wooɠaa ɓo, yɛ́ woo walawalaɠaa ɓo, ə́ laaləi a kɛ a nááləi. Di kaa pai pənəi diɛ pa ə́ pɔ, Kɛlaa, yɛ́ hvəi mąąnɛ̨ɛ̨ ə́ li di pɔ.

Kɔlɔnikɔ Veerɛi 30:27

Yili pulu, ɉaláá laa həli nuą da Levi lonnii di di muhəɠə, di lúwɔ́ too nɔi lonnii diɛ, di woo mąn, di wɔɔ hvɛliɓo ə həli yələ kɔ́lɔn mą, Yálá nwɔ mąąhəɠə laa hee pɛlɛ́.

Kɔlɔnikɔ Maa-ŋuŋ 15:26

Ə gɛ Yálá ə kpɔnmąą tɛɛ kɛ Levi lonnii kɛi Yai-Laa nwɔ mįnɛ̨ kəhi həɠə di pɔ, di niŋɛ̨ mɛ̨ihveelɛ da ɓɛlaa hilɛ mɛ̨ihveelɛ kulɔ a haláá.

Levetekɔ 9:22

Aarɔn ə ɲee haŋą nuą mɛ̨i, ə lúwɔ́ too nuą diɛ, ə yɛɛ. Aa kɛ ɲee laa kulɔ a nɛ̨ŋɛ̨n mąąhvaalɛɛ haláá kulaa da ɉaláá yii da gəlee kələn da liilaa haláá.

Galatə 1:15

Kɛlaa, nui ɉə́ɠə ɉu, néé kwəi, ə ɉéé a déé, yai də́li ŋą nɛ̨ɛ̨laa pɔ pələ, ə naa gwəi,

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Lomaŋ 12:7

Akɛ ə́ wɛi ɓaa yɛ tínuą diɛ, 'yili kɛ. Nui nwɛi a kɛ a nuą mąąkwɛliɛ, ə gɛ.

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Izikiɛ 44:15

«Ɉaláá laa həli nuą, diɛi a Levi huwu, a Sadɔkə lonnii, diɛi tii kɛi nwɔ́ kɛɛnąą mąąhəɠɛɛi mąą kólóɠaa kɛ, ɓɛlɔwai Israɛlə lonnii di lan na, diɛ di mąą kwɛa mą́ą́, diɛ ɓə pai kɛi di mąą lɛɠɛi mą́ą́, diɛ mą́ą́ mɛ̨nįɠaa ɲɛ̨i kulɔ. Di kaa pai kɛi tɔɔni nííla; di ɉuwɔ wulɔ da ɲąmą di laa həli mą́ą́. Mɛ̨nį kəlee ŋą Hééɓomun Yálá woo li.

Izikiɛ 44:11

Di kaa pai kɛi nwɔ́ kɛɛnąą mąąhəɠɛɛi ɓa a tínuą; diɛ di ɲɛ̨i kɛ bɛlɛ́ laaləiɠaa diɛ, di ɓo a bɛlɛ́n góló kɛ nuą, diɛ ɓə pai kɛi gɔ́ haláá taatɛlɛɛɠaa nwun deei, da nɔi lonnii di wɔ halááɠaai. Di kaa pai kɛi laa nɔi lonnii mąą mɛ̨nį ɲɛ̨i kulɔ mɛ̨nį ɓa.

Mąątɛ̨nɛ̨ 135:2

Kaai tii Yai-Laa yəi bɛlɛ́n, ku wɔ Yálái yəi bɛlɛ́n, ɲəi gwəlii!

Mąątɛ̨nɛ̨ 134:2

'Ka ká yee haŋą nwɔ pɛlɛ́i pɔ pələ, 'ka Yai-Laa mąąwiɛ!

Kɔlɔnikɔ Veerɛi 29:11

Nónnii, 'ká hvo ká nwun gulɔ goló mu, mąąhɔlɔɓo, káá ɓə Yai-Laa Ə ká həɠə ɉu ká ɓo tɔɔnin nií la, káá mąą mɛ̨nį ɲɛ̨i kulɔ, ká ɓo a nwɔ tínuą, káá lansan laa hələ mą.»

Kɔlɔnikɔ Maa-ŋuŋ 23:26

Yili a li a kɛ tii, Levi lonnii di hvo kɛa pai kɛi Yai-Laa nwɔ pɛlɛ́ lon gbəŋəi diɛ hiɛ la da bɔ hɛnŋąą.»

Tɔɔɓɛlaa dɔlɔɔ 8:6

Ɉaláá laa həli nuą di Yai-Laa nwɔ mįnɛ̨ kəhii hee ɉeei, gɛɛnąą mąąhəɠɛɛ gəlee ɓa, mąąkpɛ malakaɠaa koon mu.

Dutɛrɔnome 17:12

Kɛlaa, akɛ, nu ta a gbɔwɔ ŋąą kɛnɛ̨, ɉaláá laa həli nuą ŋɛ̨i di kaa kóló kɛi Yai-Laa ka wɔ Yálá hee pɛlɛ́ mu, mąą nu hvo túwɔ́ li yɛ bələi di mo la, awala kɛ tii, yɛ bələi giti tee mun ə mo la, mąąnɛ̨ɛ̨ di mąą nu paa. Ka mɛ̨nį ɲɔ̨n gulɔ Israɛlə lɔi hu.

Lonon mo 3:31

Diɛ ɓə mįnɛ̨ kəhi mąą mɛ̨nį ə kɛ di nwuɔ̨, da daɓali, nwɔ̨n ɉee hɛn, ə mą kɛ, ɉaláá kulɔ kəhi, da yiiɠaa kpɔ mąąnɛ̨ɛ̨ ə kɛ a gólói tii kɛ hɛn, ə mą kɛ, ɉəɠəi da ɉɛlɛn naa, da ɉɛnŋąą pɛli kóló kəlee.

Levetekɔ 8:9

Ə mɔlɔ lɔ nwuɔ̨, ə nwulu powa mąą nįnįn tii a ɉɛni, ə ɉee mɔlɔ ɓa dɔwɔ pələ. Bələ ɓə da gɔlɔn na, diɛ kɛ gaa a Yálá nwɔ nu mąąhəɠɛɛ, yɛ bələi Yai-Laa ə Moisə tí la.

Dutɛrɔnome 31:9

Levi lonnii ŋɛ̨i kɛ a ɉaláá kulɔ nuą, diɛi kɛi mįnɛ̨ kon ɉəɠə, yii gwɛni ɓɛla hveelɛi ə kɛ laani ɉu, Moisə ə dɔ́n nwooɠaa tii pɛ̨ɛ̨ ə dɛɛ di pɔ, da Israɛlə kalanɉonŋąą kəlee.

Kɔlɔnikɔ Maa-ŋuŋ 15:2

Davidə ə mo kɛa yɛ diɛ: Levi huwuhu nuą lɔ ɓə Yálá nwɔ mįnɛ̨ kəhii həɠə mɛ̨nį mąą laa tɛɛ di pɔ, mąąhɔlɔɓo, diɛ ɓə Yálá ə di həɠə ɉu, diɛ gbəŋə, əlɛɛ diɛ naa hɔn mo.

Mąątɛ̨nɛ̨ 134:1

Ɲee mąąhəɠɛɛ tɛ wələ. 'Ka Yai-Laa mąąwiɛ! Kaai a Yai-Laa nwɔ tínuą.

Dutɛrɔnome 21:3

daai nɛɠɛɛ nui di baa mą, di gaa; da gaai mąąnɛ̨ɛ̨ daa tii hu kalanɉonŋąą di nįŋɛ̨ kpəla tɔ̨nɔ̨ həɠə, yii di hvo ni tíi kɛ li la;

Kɔlɔnikɔ Maa-ŋuŋ 23:13

Amramə lonnii ɓaa: Aarɔn da Moisə. Di Aarɔn həɠə ɉu a dee, yɛ kólo kɛ gɛɛnąą mąąhəɠɛɛ ɓa a yələ kəlee, yaa da nonnii, diɛ haláá hɛn gun nɛ̨ɛ̨ laa həli Yai-Laa ɓa; diɛ tí mą, ə lɛɛ, diɛ luwɔ too naa hu a yələ kəlee.