Dutɛrɔnome 10:22 - Yálá laawoo hɛɓɛ (dc)

²² Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Yálá laawoo hɛɓɛ

²² Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Bible

²² Kánuu-pɔlɔ-ŋai dí kɛ̀ buu lɔ́ɔlu mɛi feerɛ. Kɛ́lɛ Káɣâlai Yâwɛɛ è gɛ̀ kátamaa ká kɛ́ yɛ̂ɛ bɛmɛlɛŋ-kao-ŋai díkaa ŋelei sui.

Dutɛrɔnome 10:22 Referans Kwoze

Zɛnɛse 46:27

ə pɛlɛ Ɉosɛfə lon ɉinąą hveelɛi ə ɉɔlɔɓo Eziptə lɔi hu diɛ. Ɉakɔbə huwu kəlee pɛlɛɛ gee ɓa, di kɛ a: nu pow mɛ̨ihveelɛ. Diɛ ɓə kɛ Eziptə lɔi hu.

Lɛɛ gbɔwɔ ɓa 1:5

Ɉakɔbə lonnii pɛlɛɛ di wɔɔ lonnii diɛ, di kɛ a nu pow mɛ̨ihveelɛ. Yii ɓaa, Ɉosɛfə nwɛi ə gbɛa kɛ Eziptə.

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Nehemi 9:23

Ə́ lɔiɠaa tɛɛ di pɔ, yɛ́ yələkɔlɔn ɉu pɛmɛ̨lɛ̨n gɔwɠaa, nɔi ə́ kɛ di nąnni diɛ də li di hee ɉu, də li di hee mąą lɔi hu.

Dutɛrɔnome 28:62

Ka lɔwai nu kpulu wolo tííkpə lɔ ɓə pai lɛɛi, kaa kpɔ ŋɛ̨i ka wɔ taaɠaa tamąą yɛ yələkɔlɔn ɉu pɛmɛ̨lɛ̨n-gɔwɠaa, ka wala pa gɛ ka hvo ka wəli tɔɔ Yai-Laa ka wɔ Yálái woo ɓa,

Gɛlaɠaa 7:14

Ɉosɛfə ə nɛɛmą ə nuą tɔɔ diɛ li pa a nąn Ɉakɔbə da ɲəi bɛlɛ́n nuą kəlee, di pɛlɛɛ di kee ɓa di kɛ a nu pow mɛ̨ihveelɛ gɔw lɔɔli.

Lonon mo 26:51

Israɛlə lonnii kəlee pɛlɛ di kee ɓa, di kɛ a: Nu waa nwun mɛ̨ida kɔ́w tanɔ̨n pulu nwun mɛ̨ihveelɛ ɲee haaɓa (601.730).

Hebreu 11:12

Yili ɓə gɛ, nu tanɔ̨n gbən, yai haa ə kɛ bulu, ə lon gbulu tamąą kaa, di kpulu hu kɛnɛ̨ɛ̨ ə ɓo yɛ, yələkɔlɔn ɉu pɛmɛ̨lɛ̨n-gɔw da gboloyá kwɛlɛ ɲɛ̨ą kɔw.

Lonon mo 26:62

Levi lonnii pɛlɛɛ gee ɓa, di kɛ a nu waa pow hveelɛ kɔ́w haaɓa (23.000) diɛi kɛ a Levi lon ɉinąą kəlee; diɛi di kaa kwɛlan ə gɔwɔ tɔɔ ɲąnin dɔ̨nɔ̨ ɓa. Di wɛi di hvo di lonon da Israɛlə lonnii. Mąąhɔlɔɓo di hvo lɔi tɛɛ di pɔ Israɛlə lonnii lɔwai.

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Dutɛrɔnome 26:5

Yili pulu, Yálá kɔ́ mun tii a nwooɠaa ŋɛ̨i ɓo Yai-Laa ka wɔ Yálái lííla. Yɛ kɛ mą: «Ną́n ə kɛ a Aramə mun, yɛ ɓo a toonwun mamun, ə li Eziptə lɔi hu; da nwɔ nuą, di hvo kɛ tamą li; yɛ li mąąkilɛi laa. Kɛlaa, di lɛɛ laa di tamą, di kɛ a nu kpulu kɛnɛ̨; di hvaŋą ə kɛnɛ̨.

Zɛnɛse 46:26

Ɉakɔbə yəi bɛlɛ́n nuą pɛlɛɛ ɉuwuhu nuą diɛ, diɛi li Eziptə lɔi hu, di kɛ a nu pow mɛ̨ida kɔ́w mɛ̨ida, bɛlɛɛ kɛa non nɛ̨ąni diɛ,

Dutɛrɔnome 1:11

Gɛ́ Yai-Laa ka nąnni di wɔ Yálái ə ka tamą nwɔ̨nɔ̨ gee mɛ̨i waa tamąą, ə lúwɔ́ too kaa yɛ bələi ə naakwɛlanmo la.