Dutɛrɔnome 10:14 - Yálá laawoo hɛɓɛ (dc)

¹⁴ Yai-Laa ka wɔ Yálái ɓə yələkɔlɔn da yələkɔlɔn mɛ̨i pələ kaa a nwɔɔ, ə mą kɛ, lɔi da ɉu hɛnŋąą kəlee.

Yálá laawoo hɛɓɛ

¹⁴ Yai-Laa ka wɔ Yálái ɓə yələkɔlɔn da yələkɔlɔn mɛ̨i pələ kaa a nwɔɔ, ə mą kɛ, lɔi da ɉu hɛnŋąą kəlee.

Bible

¹⁴ Ǹɔii da ŋ̀elei díkaa a Yâwɛɛ pɔ́ɔ da dísu sãa kélee.

Dutɛrɔnome 10:14 Referans Kwoze

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Mąątɛ̨nɛ̨ 24:1

Davidə nwɔ Yálá mąątɛ̨nɛ̨ wələ. Yai-Laa nwɔɔ ɓaa, a lɔi da ɉu hɛn gɔwɠaa kəlee, nwɔɔ ɓaa, a yɛnɛ̨ɛ̨ da ɉu hee ɓo nuą!

Mąątɛ̨nɛ̨ 115:16

Yələ kɔ́lɔn gaa a Yai-Laa nwɔɔ, lɔi nwɛi, ə dɛɛ nu kanŋaa pɔ.

Nehemi 9:6

Yálá! Yɛ́ ɓə ə́ kaa a Yai-Laa yɛ́ tɔ̨nɔ̨! Yɛ́ ɓə yələkɔlɔn bɛli da yələkɔlɔn mɛ̨i yələkɔlɔn, da di wɔ kɔlaɠaɠaa kəlee. Lɔi da di ɉu hɛnŋąą kəlee; gboloyá da ɉu hɛnŋąą kəlee, yɛ́ ɓə ya yɛnɛ̨ɛ̨ kpɛɛ hvo mą tɛɛ gəlee pɔ, ə lɛɛ, yələkɔlɔn ɉu, kɔlaɠai gaa laa, da pɛlɛ ə́ kɔ́wɔ mu.

Mąątɛ̨nɛ̨ 148:4

Yələ kɔ́lɔn mɛ̨i pələɠaa! 'Ka mąątɛ̨nɛ̨! Yáɠaa kaai yələ kɔ́lɔn mɛ̨i pələ! 'Ka mąątɛ̨nɛ̨!

Tɔɔɓɛlaa dɔlɔɔ 8:27

«Akɛti, Yálá a pɛli mą heei lɔi mɛ̨i? Bələi mąn Yələkɔlɔn ɉu kɛnɛ̨ la, aa nąą kəlee laahvɛɛ, gu hvomun kɛ bɛlɛ́ logolo ŋɛ̨i ŋą́ dɔɔ mąi?

Mąątɛ̨nɛ̨ 50:12

Ə mą kɛ kɛ pulu aa ɉón, vá mo yɛ́, mąąhɔlɔɓo lɔi da ɉu hɛnŋąą kəlee di kaa a nwɔ́ɔ́.

Kɔlɔnikɔ Veerɛi 6:18

Yálá a pɛli mɔ̨ɔ̨ heei nuą lɔwai ɓɛ yɛnɛ̨ɛ̨ kpɔ a neelee? Yələ kɔ́lɔn yaa kpįnįle, da yələ kɔ́lɔn mɛ̨i pələ, di hva pɛli Ə́ mu! Gu hvo mun kɛ bɛlɛi ɲɛ̨i ŋį́ dɔɔ yɛ́i!

Lɛɛ gbɔwɔ ɓa 9:29

Moisə yɛ mą: «Ya lɔ ɓaa ŋą́ kulɔ daa pulu, gáá pai ɲéé tɛi Yai-Laa pɔ pələ, ɲələgbąnąą kɔ́lɔ kaa pai haai mą, hanwon va kɛa pu, ya ɓə a gɛ, ə́ gɔlɔn yɛ́: Yai-Laa pɔɔ ɓaa lɔi.

Korɛntə dɔlɔɔ 10:28

Kɛlaa, akɛ nu ta a kɛ káá; haláá kɔ̨nɔ̨n ga, 'ká hvo da mįi, nui tii ka kilaa pono mąą mɛ̨nį ɓa, da ká kwəi kili mąą mɛ̨nį ɓa.

Korɛntə dɔlɔɔ 10:26

Gba la ə tɔɔ, «lɔi da ɉu hɛnŋaa kəlee kaa a Yálá nwɔɔ.»

Azaya 66:1

Yai-Laa woo ka, yɛ diɛ: Yələ kɔ́lɔn mə gaa a nwɔ́ tɔɔ kpəlin, lɔi ə ɓo a gɔ́wɔ tɔɔi. Pɛlɛ́ lə kɛɛ kpɔ ɓə kɛa ka pɛli dɔɔi mą́ą́? Kɛɛnąą wolo lə kɛɛ kpɔ ɓə, ŋą́ pɛli vįi tɔɔi laa?

Zɛnɛse 14:19

Ə lúwɔ́ too Abramə ɓa, yɛ mą: «Huwalawala Kəlee Nąmu Yálá, yai yələkɔlɔn da lɔi di pɛli, ə lúwɔ́ too yɛ́.

Gɛlaɠaa 17:24

Yálái yɛnɛ̨ɛ̨ bili-bili geemɛ̨i kəlee pɛli, da ɉu hɛnŋaa, yai a yələkɔlɔn da lɔi di Nąmu, hva hee pɛlɛ́i nu kan a dɔɔ a ɲee mu.

Korɛntə veelɛ 12:2

Ŋą́ Kristə ŋą nu ta kɔlɔn, gwɛlan bow kɔw nąąn ga, kɛlɛ ə kɛ nu kɔlɔ hu, kɛlɛ hvo kɛ ɉu? Gbaɠala hvo mą́ą́, Yálá ɓə gbaɠala kɔlɔn! Nui tii, di dɛ kpɔ yələkɔlɔn mɛ̨i yələkɔlɔn ɉu.

Dutɛrɔnome 10:13

Ka Yai-Laa nwɔ tíɓoɠaa kɛ, ka nwɔ tɔ́n nwooɠaa hon; yii gáá dɛɛi ka pɔ háákələi ka ɓalo mɛ̨nį ɓa.

Dutɛrɔnome 33:26

Moisə yɛ nwɔ̨nɔ̨ diɛ: «Yesurun, hɛn da hvo laa da, ə́ mąąkpɔmąą ɓo Yálá di pɛliɛ, yaai mąąwia, yɛ hiɛ tulɔ kpinįnŋąą lɔwai a vaŋą yələkɔlɔn ɉu.

Zôo 41:11

Mąlą mąlą yɛ kulɔ na, nwɔ̨n gbalənŋąą diɛ kulɔ laa.

Mąątɛ̨nɛ̨ 68:33

Yɛnɛ̨ɛ̨ tɔɔlaaɠaa, 'ka wələ too Yálá ɓa, 'ka hvɛ́li kɛ Nąmu ɓa.

Zɛnɛse 14:22

Abramə ə nwoo ŋąąpənə yɛ mą: «Ŋą́ą́ ɲee tɛ Huwalawala Kəlee Nąmu Yálá ɓa, yai yələkɔlɔn da lɔi di pɛli,