Dutɛrɔnome 1:45 - Yálá laawoo hɛɓɛ (dc)

⁴⁵ Pənəi ka mo ka pa, ka wɔlɔ Yai-Laa ɓa, kɛlaa, Yai-Laa hvo nwəli tɔɔ ka woo ɓa.

Yálá laawoo hɛɓɛ

⁴⁵ Pənəi ka mo ka pa, ka wɔlɔ Yai-Laa ɓa, kɛlaa, Yai-Laa hvo nwəli tɔɔ ka woo ɓa.

Bible

⁴⁵ Ká lène pôlu ká pá Yâwɛɛ pɔ́ naa ká wɔ́lɔ ma. Kɛ́lɛ vé ŋ̀óli tɔ̀ɔ ní kâa.

Dutɛrɔnome 1:45 Referans Kwoze

Hebreu 12:17

Mąąhɔlɔɓo, káá kpinįi ká gbaɠala kɔlɔn káá, ɉu kwɛa kɛa, ɓɛlɔwai ə kɛ la bɔ, di lúwó too mą, naa hvo mun kɛa laa ɉu, ɛlɛɛ, yili mąą hvo pɛli hvalin ɉii, bələi mąn ə ɉuhvɛli la a ɲɛ̨iyá wɔlɔ, hvo ɉɔlɔɓo.

Mąątɛ̨nɛ̨ 78:34

Yálá a kɛi di paa ti, di kɛi gwɛli, diɛ di hɔn mąąpənə, diɛ tinɛ̨n bɔ pələ.

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Ɉaan 9:31

Gu gɔlɔn kpɔ guɔ diɛ: Yálá hva nɛ̨ŋɛ̨n ɉəɠə nuą woo pulu pənə. Kɛlaa, nui a Yálá mąąwiɛ, yɛ niiɓa kɛ, ya ɓə Yálá a nwoo pulu pənə.

Zôo 27:8

Kɛlɛi ka kɛ kɛi ma: «Tɔnɔ lə kɛɛ ɓə nwąnąlɔ mun a pɛli gilitɔɔi ma, mąąhɔlɔɓo, Yálá kaa pai nwɔ yɛnɛ̨ɛ̨ kulɔi ɲəi?

Zôo 27:9

Kaa kɛ diɛ, Yálá kaa mɔ̨ɔ̨ pai nwəli tɔɔi domɔ̨ woo ɓa ɓəi, ɓɛlɔwai mɛ̨nį ŋąąnwąnąą a laa la ma?

Mąątɛ̨nɛ̨ 66:18

Əli kɛ kiliŋąhiɛ ɲɔ̨nwɔ̨ɔ̨ ɓə kɛ gwə́i, Nąmu hvəli kɛ nwəli tɔɔ nwóó ɓa.

Hanwon 1:25

Yii kaa ka kili kulɔ nwɔ́ liɛwooɠaa hu, ka hvo ka wəli tɔɔ li nwɔ́ kilaa pɔ̨nɔ̨ woo ɓa,

Hanwon 1:28

Mąą yələ, da də́li, vá di woo mu hon, da gwɛ́li, di hva gáá.