Dutɛrɔnome 1:19 - Yálá laawoo hɛɓɛ (dc)

¹⁹ Yili pulu, nɔi pun gɛnɛ̨ɛ mąą ɲɔuwɔ ŋɛ̨i Horɛbə, ku həɠə laa, yaai ka gaa Amɔrə yeeɠaa lɔwai, gu tɛɛ ɉu; yɛ bələi Yai-Laa gu wɔ Yálái ə mo la guɔ. Ka gu pa gu həli Kadɛsə-Barnea.

Yálá laawoo hɛɓɛ

¹⁹ Yili pulu, nɔi pun gɛnɛ̨ɛ mąą ɲɔuwɔ ŋɛ̨i Horɛbə, ku həɠə laa, yaai ka gaa Amɔrə yeeɠaa lɔwai, gu tɛɛ ɉu; yɛ bələi Yai-Laa gu wɔ Yálái ə mo la guɔ. Ka gu pa gu həli Kadɛsə-Barnea.

Bible

¹⁹ “Kú kùla Sanai kú lí kú tɛ́ɛ vɛ̃ɛ-kpâlaŋ kɛ́tɛi su nyii káa kpîŋ ká gâai, é lɛ́ɛ la zu kú seri Amora-ŋai ma ǹyéei su, yɛ̂ɛ berei Kúɣâlai Yâwɛɛ è mò la kûai, ǹyaŋ kú pà Kedɛ Bania.

Dutɛrɔnome 1:19 Referans Kwoze

Dutɛrɔnome 1:2

hvóló pow kɔ́w tɔ̨nɔ̨ ɓə nu ya gɛ hiɛ hu, ə həɠə Horɛbə yee ɓa yɛ li Kadɛsə-Barnea Seirə yee pɔ pələ.

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Dutɛrɔnome 8:15

Ya ɓə gɛ, kaa ɉiɛ kulɔ nɔi pun mąą ɲɔwuɔ kɛnɛ̨ɛ̨ hu, ɓɛi kaalə ɲɔ̨nwɔ̨ɔ̨ɠaa di kɛ laa, da ɲɔ̨ngaaləɠaa; ɓɛi kpələ wɛli a nu paa laa, yaa tii ɓə yá kulɔ kwɛni kpuwulu hu, yɛ tɛɛ a gboloon gɛnɛ̨.

Dutɛrɔnome 32:10

Yai-Laa da nwɔ nu huwui di di kee kaa nɔi pun ɉu, ɓɛi nu hvo laa, hvo kɛli lɔ lɔwɔ huwɔɠaa hvaa woo. Ə ɲee koloon gɛ diɛ, ə di mąą kwəli, ə ɲɛ̨i kɛ diɛ, yɛ di mɛ̨i kaa yɛ ɲɛ̨ilon gbɔ-kpɔɔ.

Lonon mo 13:26

Di pənə di pa di həli Moisə ɓa, da Aarɔn, ə mą kɛ Israɛlə lonnii kəlee, ɓɛi di kɛ laa Paran nɔi pun ɉu, Kadɛsə daai. Di di kwɛlanmo Moisə da Aarɔn diɛ nu kpulu kəlee ɲɛ̨i ɓa. Nɔi tii hu hihɛnŋąąi di paa la di nɛ diɛ.

Lonon mo 10:12

Israɛlə lonnii di həɠə Sinai nɔi pun ɉu, diɛ li. Paran nɔi pun ɉu ɓə dulɔ kpinįn ə tɔɔ laa.

Lonon mo 32:8

Mɛ̨nįi lɔ ka nąnni di gɛ ɓɛlɔwai ŋį́ kɛ la Kadɛsə-Barnea, gɛ́ di tɛɛ nɔi hu kaai, da lɔ ka ŋɛ̨i ka laa ɓa.

Dutɛrɔnome 1:7

Ka ka muhəɠə, ka ɉon a Amɔrə yee hu pələ, da gwɛlɛ nuą kəlee di wɔ lɔi hu, Ɉurdɛn ɲá-ɓoloon bɔ pələ, ɲee lɔi hu, nɛ̨ŋɛ̨ hu lɔi, Negɛvə nɔi pun ɉu, gboloyá kwɛlɛ, Kanaan lɔi hu, da Liban lɔi, ə həli kpɔ ɲá kɛnɛ̨ Eufratə ɓa.

Dutɛrɔnome 1:20

Ŋą́ mo kaa, gɛ́ kaa: «Kaa həli Amɔrə yee ɓa, a yaai Yai-Laa ka wɔ Yálái kaa dɛɛi ka pɔi.

Dutɛrɔnome 2:7

Mąąhɔlɔɓo, Yai-Laa aa lúwɔ́ too yɛ́ ə́ kɛ mɛ̨nįɠaa kəlee hu. Ɉiɛi yáá gulɔ nɔi pun gɛnɛ̨i hu, gbaɠala kaa mą. Gwɛlan bow nąn ga, Yai-Laa ə wɔ Yálái kaa lɔ ə́ pɔ hɛn da mąąkpaan və ta hee li yɛ́.

Lonon mo 13:13

Asɛrə huwu hu nuą Mikaɛlə lon Seturə ɓə di gulɔ.

Lonon mo 14:14

Nɔi ŋɛ̨i ku kaa ɉu, Eziptə nuą daa mɛ̨nį tii hukulɔ diɛ. Daa bələ mɛ̨n diɛ; yɛ́ Yai-Laa, ə́ kaa nuąi ŋɛ̨i lɔwai, ɛlɛɛ, yɛ́ ə́ kpɔɔ lɛ diɛ, kaa ka kee kaa. Di gɔlɔn diɛ; yɛ́ Yai-Laa, yɛ́ ɓə ə́ kaa di mɛ̨i a tulɔ kpinįn, hvóló ŋą yɛ́ ɓo di ɲɛ̨i tɔwɔ, kpinįi, yɛ́ ɓo di mɛ̨i nwɔ̨n nən ɉu.

Zasua 10:41

Ɉosue yee ə tɛɛ diɛ, ə həɠə Kadɛsə-Barnea, ə həli la Gaza, ə həli Gosɛn lɔi ɓa, ə həli la Gabaɔn.