Dutɛrɔnome 1:15 - Yálá laawoo hɛɓɛ (dc)

¹⁵ Yili ɓa, ka ɲɛ̨itɔwɔ nuą lɔwai, ŋį́ mɛ̨nį kɔ́lɔn nuą, da mɛ̨nį hu kpɛ nuą həɠə ɉu a kɔlaɠa nwun nąmįną; ŋį́ daɠaa hee nu waa tɛi tɛi nwun na, nu nwun dɛi tɛi nwun na, nu pow lɔɔli lɔɔli nwun na; Da nu pow pow nwun na; da hɛɓɛ́ kɛ nuą yɛ bələi ka huwu hee pələ kaa la.

Yálá laawoo hɛɓɛ

¹⁵ Yili ɓa, ka ɲɛ̨itɔwɔ nuą lɔwai, ŋį́ mɛ̨nį kɔ́lɔn nuą, da mɛ̨nį hu kpɛ nuą həɠə ɉu a kɔlaɠa nwun nąmįną; ŋį́ daɠaa hee nu waa tɛi tɛi nwun na, nu nwun dɛi tɛi nwun na, nu pow lɔɔli lɔɔli nwun na; Da nu pow pow nwun na; da hɛɓɛ́ kɛ nuą yɛ bələi ka huwu hee pələ kaa la.

Bible

¹⁵ Nya ƃe ŋá ǹûai ŋí sìɣe ŋá dítɔɔ dílaa-tuɛ. Da-ŋa dí kɛ̀ núu wála tɔnɔ (1,000) mɛi, da-ŋa dí ƃò núu ŋuŋ tɔ̂nɔ (100) mɛi, da-ŋa dí ƃò núu buu lɔ́ɔlu mɛi, da-ŋa dí ƃò núu puu mɛi.

Dutɛrɔnome 1:15 Referans Kwoze

Dutɛrɔnome 16:18

Ka káá pai mɛ̨nįɓo kɛ nuą heei, da nɔi nuą mɛ̨i kaa nuą, ka wɔ taaɠaai hu, yii Yai-Laa ka wɔ Yálái kaa pai dɛɛi ka pɔ, nu huwu tɛitɛi kəlee mɛ̨i, diɛ di kɛ kóló kɛ a tələnmolaa nuą lɔwai.

Ifisiɛŋ 4:11

Ɛlɛɛ, ə mɛ̨inɛ̨ɛ̨ɠaa kɛ, diɛ ɓaa: Gɛlaɠaa, Yálá kwəi mɛ̨nį hukulɔ nuą, Nwɛlɛɛ lɛlɛɛ laa həli nuą, gbɔn mɛ̨ikaa nuą, da mąąkwɛli kɛ nuą;

Samuɛlə dɔlɔɔ 22:7

Saulə yɛ nwɔ tínuą tii kɛ gwɛlɛ tɔɔni diɛ: «Ə həli kaa Bɛnɉamɛn lonnii! Akɛti, Ɉɛse lon gaa mɔ̨ɔ̨ pai tíi kɛi da viɲə yɛɛɠaa tɛɛi ka kəlee ka pɔ? Gaa mɔ̨ɔ̨ pai ka kɛi a kɔ́kulááɠaa kɔlaɠa pɛlɛɛ da gbɛa-kpɛaaɠaa nwun na? Kpaa-oo!

Samuɛlə dɔlɔɔ 17:18

Fromazə powi ŋɛ̨i, ə́ yili tɛɛ di ɲɛ̨itɔwɔ mun gɛnɛ̨ pɔ. Ə́ nąą kaa, bələi ə́ liɛni kaa gɛi la, ə́ pa ə́ mo mą́ą́ a di yəi hɛn da.

Samuɛlə dɔlɔɔ 8:12

Gaa pai di həɠəi yɛ di kɛ a nwɔ kɔ́kulááɠaa da kɔlaɠaɠaa ɲɛ̨i tɔwɔ nuą, di nwɔ kɛɛɠaa hin, diɛ nwɔ mɔ̨nun dee, diɛ nwɔ kɔ́ kɔ́ hɛnŋaa yɔw, da nwɔ hoo kpəlin bɛli nuą.

Lonon mo 31:14

Moisə ə níiholi gɔ́kulaa nwun nąmįnąąi kɛ a gɔ́laɠa ɲɛ̨itɔwɔ nuą di pɔ, diɛi tii kɛi həɠə gɔ́i tii ɓa.

Lɛɛ gbɔwɔ ɓa 18:21

Ɛlɛɛ, ə́ ɲɛ̨i laa nuą lɔwai, ə́ nu ɓɛlɛmąąɠaa həɠə, diɛ ɲɔw Yálá ɓa; nuą diɛ pɛli laai di la, di hvo kɛ a nɔ gwəi hɛn ɉon nuą, ə́ di hee nuą nwun na. Ə́ daɠaa hee nu waa tɛitɛi nwun na, ə́ daɠaa hee nunwun dɛitɛi nwun na, ə́ daɠaa hee nu pow lɔɔli lɔɔli nwun na, ɛlɛɛ, ə́ daɠaa hee nu pow pow nwun na.

Lonon mo 1:4

Nu tɛitɛi həɠə nu huwu kəlee lɔwai diɛ ɓo a pɛlɛ́ nąmįną di hvilɛn ka pɔ.

Dutɛrɔnome 1:14

Ya ɓə ka kɛ mą: «Mɛ̨nii tii ə́ mo nɛlɛɛi.»

Dutɛrɔnome 1:16

Ya ɓə ŋį́ kɛ ka wɔ mɛ̨nįɓo-nuą diɛ: «Ka kaa pai kɛi ka wəli tɔɔi ka nąn nonnii woo ɓa. Kaa nuą lɔwai mɛ̨nįɠaa hutɔɔ a tɛ̨ą, ə mą kɛ nwɛ̨ąąi heeni ka kɔ́wɔ mɛ̨i.

Lɛɛ gbɔwɔ ɓa 24:1

Yai-Laa yɛ Moisə ɓa: «'Tɛ ɲee nwuɔ̨, ka Aarɔn, Nadavə, Avihu da Israɛlə kalanɉon pow mɛ̨ihveelɛi. Ka lɛɛ kwɛa la ka pɛlɛ ka liiɓa.