Dutɛrɔnome 1:11 - Yálá laawoo hɛɓɛ (dc)

¹¹ Gɛ́ Yai-Laa ka nąnni di wɔ Yálái ə ka tamą nwɔ̨nɔ̨ gee mɛ̨i waa tamąą, ə lúwɔ́ too kaa yɛ bələi ə naakwɛlanmo la.

Yálá laawoo hɛɓɛ

¹¹ Gɛ́ Yai-Laa ka nąnni di wɔ Yálái ə ka tamą nwɔ̨nɔ̨ gee mɛ̨i waa tamąą, ə lúwɔ́ too kaa yɛ bələi ə naakwɛlanmo la.

Bible

¹¹ Yâwɛɛ, kánâŋ-ni Díɣâlai é gɛ́ ká kɛ́ a wála seêi támaa. É tée nyíŋi ma, è lûwa làa kâa yɛ̂ɛ berei è góno tèe lai.

Dutɛrɔnome 1:11 Referans Kwoze

Mąątɛ̨nɛ̨ 115:14

Yai-Laa ə hɛn gəlee ɲąąnɛ̨ɛ̨ ka yəi, kaa mąn, ka lonnii mąn.

Zɛnɛse 22:17

gáá lúwɔ́ tooi yɛ́, ŋį́ ə́ huwu ɓɛɛlɛ; gbulu hu a kɛnɛ̨ yɛ gboloyá kwɛlɛ ɲɛa kɔ́w. Ə́ huwuhu nuą yee a tɛɛ di yowoɠaa diɛ, diɛ di wɔ taaɠaai həɠə di yəi.

Zɛnɛse 26:4

Gáá pai ə́ huwuhu kɛnɛ̨i yɛ yələkɔlɔn ɉu pɛmɛ̨nɛ̨n gɔw. Gáá Nɔi ŋɛ̨i kəlee tɛɛi ə́ tɛɛi ə́ huwu pɔ, diɛi tii di haalai ɓə gáá pai lúwɔ́ tooi la hį́i kəlee ɓa.

Lonon mo 6:27

«Da Yai-Laa təli tii a naa, Israɛlə lonnii mɛ̨i, yaa tii a Yai-Laa a lúwɔ́ too Israɛlə lonnii diɛ.»

Samia Veerɛi 24:3

Ɉoabə yɛ tɔɔmun ma: «Gɛ́ Yai-Laa ə́ wɔ Yálá ə nuą kpulu hu kɛnɛ̨ gee mɛ̨i waa tamąą, ɛlɛɛ, nwɔ́ mɛ̨nį nąmu tɔɔmun ə di kaa a gbɔɔ-kpɔɔ ɲɛ̨ikɔw! Kɛlaa, lə mɛ̨nį ɓa nwɔ́ mɛ̨nį nąmu tɔɔmun gaa bɔ yili ə kɛ?»

Zɛnɛse 49:25

Ə́ nąn nwɔ Yálá, Ə tɔɔ ə́ pulu, Huwalawala Kəlee Nąmu Yálá Ə lúwɔ́ too yɛ́, lúwɔ́ ə həɠə yələi ə yɛɛ ə́ mɛ̨i, lúwɔ́ ə həɠə lɔi kponɉu ə həli yɛ́, ə́ huwuhu nɛ̨ąą kwəi ə nwun ə́ wɔ taatɛlɛɛɠaai di di kaa.

Lonon mo 22:12

Yálá yɛ Balaamə ɓa: «Mąą hvo nɛ̨ɛ̨li hvó lɛɛ di pulu, ka diɛni ka hvo li, ɛlɛɛ, hvó nu huwui tii nɛ̨ŋɛ̨n naa, mąąhɔlɔɓo, lúwɔ́ kaa diɛ.»

Lɛɛ gbɔwɔ ɓa 32:13

Ə́ kiliŋąhiɛ ə́ wɔ tínuąi diɛ, diɛi ɓaa: Abrahamə, Isaakə, da Israɛlə, diɛi wɔlɔ ə́ ə́ kwɛla diɛ a ə́ kpɔwɔ, yɛ́ kɛ diɛ: ‹Ŋą́ ka huwu ɓɛlɛ, ŋį́ damą yɛ yələkɔlɔn ɉu pɛmɛ̨lɛ̨n-gɔw, ɛlɛɛ, nɔi ŋɛ̨i ŋą́ vaa ɓo kaa, ŋį́ gəlee tɛɛ ka huwu pɔ, ə kɛ a di kwɛlin a yələ kəlee da nwɔɔ.›»

Zɛnɛse 15:5

Yili pulu, Yálá yɛ Abramə ɓa: «Gu kulɔ ɲɛnɛ̨ɛ̨! Ə́ ɲɛ̨i hee yələkwəi, ə́ bɛmɛ̨lɛ̨n-gɔwɠaai tii lonon, akɛ ya pɛli mą.» Yálá yɛ mą: «Pələi tii damąą la yələkwəi, pələ ɓə ə́ huwuhu kaa pai kɛi la.»

Kɔlɔnikɔ Maa-ŋuŋ 21:3

Ya ɓə Ɉoabə a kɛ mą: «Gɛ́ Yai-Laa ə nwɔ nuą tamą a ɉeei waa tamąą! Di kəlee di hvo mɔ̨ɔ̨ a nwɔ́ mɛ̨nį nąmu tɔɔmun, nwɔ tí nuą? Lə ɓə kɛ yai ə́ kaa nonon mo yili kɛi? Israɛlə kaa pai nɛ̨ŋɛ̨n yili həɠəi lə mɛ̨nį ɓa?»

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 1:10

Yai-Laa ka wɔ Yálái aa ka ɓuwuɓo, ka tamąąi háákələi, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 1:12

Ɲą́ą́ dɔ̨nɔ̨ gbən ŋą́ mɔ̨ɔ̨ pɛli ka wɔ liiholiɠaa mu, ka wɔ mɛ̨nįɓoɠaa da ka lɔwai mɛ̨nįɠaa mu?

Dutɛrɔnome 10:22

Ɛlɛɛ, ya pa, ka nąnni di hvo kɛ tɛɛ li nu pow mɛ̨ihveelɛ hu, ɓɛlɔwai di kɛi li la Eziptə lɔi hu; ya ka ŋɛ̨i Yai-Laa aa ka kpulu hu kɛnɛ̨, yɛ yələkɔlɔn ɉu pɛmɛ̨lɛ̨n-gɔwɠaa.

Dutɛrɔnome 28:62

Ka lɔwai nu kpulu wolo tííkpə lɔ ɓə pai lɛɛi, kaa kpɔ ŋɛ̨i ka wɔ taaɠaa tamąą yɛ yələkɔlɔn ɉu pɛmɛ̨lɛ̨n-gɔwɠaa, ka wala pa gɛ ka hvo ka wəli tɔɔ Yai-Laa ka wɔ Yálái woo ɓa,

Izikiɛ 16:7

Ŋą́ ə́ huwalawala, yɛ kpomói kala tiliin; ə́ gbala tɔɔ kɛa ə́ hu yɛ hvɛɛ, yɛ́ kɛnɛ̨; ə́ lɛlɛ kɛa naai və kɛ mą; ə́ ɲįnįɠaa di tɔɔ kɛa, ə́ ləɠaɠaa di kulɔ; kɛlaa həɠə hvo kɛ yɛ́; ə́ kɛ lɔ a ə́ kpuɠulu.