Bib sou entènèt

Danîa 9:5 - Yálá laawoo hɛɓɛ (dc)

⁵ Kwaa kulɔ ə́ woo mu, kwaa nɛ̨ŋɛ̨n ɉəɠə yɛ́, kwaa kɛ a hɔn mąą nuą, kwaa ku kwɛli tee yɛ́, kwaa ku pulu tɔɔ ə́ wɔ tɔ́n da bɔ liɛwooɠaa diɛ.

Gade chapit la Kopi

Yálá laawoo hɛɓɛ

⁵ Kwaa kulɔ ə́ woo mu, kwaa nɛ̨ŋɛ̨n ɉəɠə yɛ́, kwaa kɛ a hɔn mąą nuą, kwaa ku kwɛli tee yɛ́, kwaa ku pulu tɔɔ ə́ wɔ tɔ́n da bɔ liɛwooɠaa diɛ.

Gade chapit la Kopi

Bible

⁵ “Kwa sɔnyɔ̂ŋ kɛ́ a yá. Kwa mɛni nyɔ́mɔɔ-ŋa kɛ́ kwa tɔɔ yâ. Kwa tɔɔ mɛni-ŋai dîa í mò kûai, kúfe ŋɔ́nɔ siâi a ítɔ̂ŋ-ŋai lá-woo.

Gade chapit la Kopi

tounen moute ⬆

Danîa 9:5
31 Referans Kwoze

Malasi 3:7

Ə həɠə kpɔ ka kalaɓɔlɔni diɛ, ə həli la káá, kaa ká pulu tɔɔ nwɔ́ liɛwooɠaai diɛ, ka hvo ɉon ni. 'Ká pənə ka pa bɔ́, ŋą́ pənə ŋą́ pa ka pɔ. Ɲą́ą́ Yai-Laa Mɛ̨nį Kəlee ŋą Hééɓomun nwóó li. Kɛlaa, yii ka kɛ moi, ya ka, káá kɛ mą: «Kwá pa pələ kɛ ləi?»

Danîa 9:11

Israɛlə lɔi hu nuą kəlee daa ə́ wɔ tɔ́n kala, daa di pulu tɔɔ yɛ́, ə gɛ, di hvo pa ə́ wɔ liɛwooɠaai mɛ̨n. Yili ɓa, ku wɔ kulɔ nwoo mu laai tii ma mɛ̨nį ɓa, nɛ̨ŋɛ̨n naai ŋɛ̨i bɛ̨ɛ̨ Moisə nwɔ hɛɓɛ́i hu, aa too ku mɛ̨i.

Danîa 9:15

«Ku Ną́mu Yálá, ɓɛlɔwai ə́ ə́ wɔ nu huwuɠaai kulɔ la Eziptə lɔi hu a ə́ wɔ yee walawala laa, yili ə́ ə́ laa lɛlɛɛ tɛ, háá ɓa háá, ə́ laa kaa ni nuą la. Kɛlaa, ku wɛi, ku kulɔ ə́ woo mu, ku kaa a hɔn mąą nuą.

Mąątɛ̨nɛ̨ 106:6

Kwaa nɛ̨ŋɛ̨n ɉəɠə lɔ yɛ bələi ku nąnni di ɉəɠə la yɛ́i, kwaa lan, kwaa ku hɔn gɛ.

Hebreu 3:12

Ną́n nonnii, ka gɛ kani a nɛlɛɛ, nu ta hvo kɛ ka lɔwai, kili walawala laa ɲɔ̨nwɔ̨ɔ̨ hvo mąąkwɛa Yálá hvulúmąą ɓa.

Osia 1:2

Yai-Laa ə pələ ɓo Ose ɓa, Yai-Laa yɛ Ose ɓa: «'Li nɛ̨ɛ̨nui a gbɔwɔ lɔwɔ́tɔɔ hinąą diɛ, bɔ, ɉəɠə a ə́ nɛ̨ą, ə́ wɛli lonnii kaa mą, mąąhɔlɔɓo nɔi yee kaa lɔ túwɔ́ pələ ɲɔ̨n ɉu; a bulu tinɛ̨n aa mo Yai-Laa ɓa.»

Izikiɛ 6:9

Nuąi pai kulɔi ɉu, gíli kaa pai tooi di ɲą nɔiɠaai ti di kaa pai li laa a diɛ ɉu; di wɔ tuwɔ pələ ɲɔ̨n gulɔ kili ti lənə mą́ą́i, gáá pai ɉu kalai di kwəi, da di ɲɛ̨i kɔ́wi ti haliɠaa mąąwiɛi. Di ɓɛlɛ kaa pai kpɛɛi di kpɔwɔ kwəi, nɛ̨ŋɛ̨ŋąąi di ɉəɠə mąą mɛ̨nį ɓa, da di wɔ kili kpɛɛ gwəi mɛ̨nįɠaa kəlee.

Woolaa 1:20

Yai-Laa! Ə́ ɲɛ̨i hee tai mɔ̨nɔ̨i ŋɛ̨i aa laa mą́ą́ ə́ gaa! Níí kaa kpɛlaan ɉii gwə́i. Yɛ kpɔ ə tee; Mąąhɔlɔɓo, ɲą́ą́ gulɔ nwoomu taaləi tii kɛ a yɛ́, Ɲɛnɛ̨ɛ̨ pələ, ɓɔwa kwɛaa aa nónnii kulɔ ɲə́i, bɛlɛ́n bələ, haa aa naa tɔɔ tin!

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Mąątɛ̨nɛ̨ 18:21

Yai-Laa a ɉón yɛ bələi nwɔ́ tələnmolaa kaa la, bələi lɔ ɲéé mąąhəɠɛɛ la, bələ lɔ ɓə a və́la kulɔ la;

Ɉeremi 3:25

Ka gu pɛlɛ, mąąhɔlɔɓo, gwaa nwumɛ̨! Ka guɔ ɓɛlɛkpɛɛmąą túwɔ́ aa gu ɲɛ̨i paa! Hvo gaai, kwaa nɛ̨ŋɛ̨n ɉəɠə Yai-Laa kuɔ Yálái ɓa; kuɔ mąn, ku nąnni mąn, ə həɠə ku muhəɠə yələ ɓa, ə həli la háákələi ɓa. Ku hvo ku wəli tɔɔ li Yai-Laa kuɔ Yálái woo ɓa.

Azaya 59:13

Diɛ ɓaa: Ku nwun dɛ mɛ̨nį Yai-Laa pɔ, kuɔ lənə mą, ku pulu tínɛ̨n mɛ̨nį kuɔ Yálái ɓa a ɉukwɛaa, toomɛ̨i da nwuɔ̨-mɛ̨ni mąą kili tee mɛ̨nį ku kwəi, kuɔ lɛɛ mɛ̨nį mąą kiliŋąhiɛ kɛ, ɛlɛɛ kuɔ mo.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Mąątɛ̨nɛ̨ 119:102

Və́ nwún gulɔi mɛ̨nįɠaai ə́ mo mu, mąąhɔlɔɓo, yɛ́ ɓə kili tɛɛ bɔ́.

Ɛsdrasə 9:6

Ŋą́ Yálá hvɛli, gɛ́ mą: «Nwɔ́ Yálá, nwumɛ̨ kaa ɲɛ̨́i! Ɛlɛɛ, ɲɛ̨́i aa paa! Vá pɛli nwún muhəɠəi ə́ pɔ pələ, yɛ́i ə́ kaa ɓaa nwɔ́ Yálá. Mąąhɔlɔɓo, kuɔ nɛ̨ŋɛ̨nŋąą daa tamą, daa laŋin ku nwun mɛ̨i. Ku wɔ hɔn ɲɔ̨n, ɉu aa kɛnɛ̨, aa tɛ yələkɔlɔn ma.

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Ɉeremi 44:3

Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Woolaa 3:42

Kuɔ ɓə nɛ̨ŋɛ̨n ɉəɠə, kuɔ ɓə nwoo lɛɛ, yaan, hvo ku mąąwɛli kaa li.

Danîa 9:9

Kɛlaa, yɛ́ ku Ną́mu ku wɔ Yálá, ə́ wɔ ɲɛ̨imąąwɛli kaa hu, ya ku mąąhvaalɛɛ, pələi mąn kwaa ku kwɛli tee la kɛ yɛ́.

Tɔɔɓɛlaa veelɛ 18:12

Yili ə kɛ tii, mąąhɔlɔɓo, di hvo di wəli tɔɔ Yai-Laa di wɔ Yálái woo ɓa. Di Yai-Laa nwɔ mįnɛ̨i hu woo lɛɛ, mɛ̨nįi kpɔ Yai-Laa nwɔ tímun Moisə ə mo diɛ, di hvo di wəli tɔɔ mą.

Tɔɔɓɛlaa veelɛ 21:15

Mąąhɔlɔɓo, mɛ̨nįi ɲɔ̨nwɔ̨ɔ̨ ɲɛ̨i ɓa, daa gɛ, daa mɛ́lɛ kpɛɛ mą́ą́ da di nąnii; ə həɠə kpɔ volói ŋą́ di kulɔ la Eziptə lɔi hu mą, ə həli la háákələi ɓa, di hvo ta túwɔ́ li a nɛlɛɛ›.»

Azaya 64:4

Nui gwəinɛ̨ɛ̨ mɛ̨nį ɓaa a təlimo yii ɓoɔ, da nuąi ə́ wɔ pələɠaai mɛ̨i, diɛ di kilitɔɔ yɛ́, da ka diɛni ka kwiɛn a Yɛ́. Ɓɛ kaa, Yáá ə́ líiholi, mąąhɔlɔɓo, kwaa həɠə bələ mɛ̨i, tɔwɔ tɔwɔ pələɠaai tii mɛ̨i ɓə, ku kaa pai ɓalo hɔlɔɓoi laa.

Ɉeremi 14:20

Yai-Laa! Ku kili kaa ku hɔn ɉu, da ku nąnni di wɔ túwɔ́ pələ ɲɔ̨n. A tɛ̨ą kwaa ku hɔn gɛ a yɛ́;

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Izikiɛ 5:6

Ə kulɔ nwɔ́ tɔ́n nwooɠaai mu a kili ɲɔ̨nwɔ̨ɔ̨ dɛɛ nɔiɠaai ti diɛ; ə nwɔ́ tiɓoɠaa lɛɛ laa dɛɛ nɔiɠaai ti gwɛlɛ diɛ. Di nwɔ́ tɔ́n nwooɠaai pili di pulu; di hvo gɛ di hvo lɛɛ nwɔ́ tiɓoɠaai pulu.

Swiv nou:

Lyen patwone

Piblisite

Piblisite