Danîa 9:24 - Yálá laawoo hɛɓɛ (dc)

²⁴ Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Yálá laawoo hɛɓɛ

²⁴ Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Bible

²⁴ “Góraŋ lɔ́ɔlu mɛi feerɛ seêi buu lɔ́ɔlu mɛi feerɛi kpɛɛ-ŋa tãi ƃé pâi kɛ̂i a káŋuŋ ma ƃò m̀ɛnii kɔ́ɔ pîlaŋ tãi da kátaa-lee maa waai. Zĩai ŋaa-see a pâi kɛ̂i. Ɣâla a pâi kásɔnyɔ̂ŋ su-mɛni lɛɛ̂i, é tɔ̃yâ-laa mɛni ƃóɔɔ kɔ́ɔ pîlaŋ kámɛni ma. A pâi gɛ̂i káa kpîŋ ka Ŋɔpɛ́rɛ Maa Waai tɛ́ɛ ŋɔ́nɔ bɔ́ pôlu.

Danîa 9:24 Referans Kwoze

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Lonon mo 14:34

Hvóló pow nąąn ɓə ka gɛ kaa nɔi tii hu hiɛ, kaa mąąkpɛɛ; yili ɓa, hvóló tɔ̨nɔ̨ kaa a kwɛlan dɔ̨nɔ̨. Kwɛlan bow nąąn ɓə ka káá gɛi, kaa ka wɔ mɛ̨nį ɲɔ̨n tii ɉu mɔ̨nɔ̨ mįi. Yili pɔ pələ ɓə ka gaa la, kaa diɛ, nu a gili kulɔ ɉú, ɲɔ̨nwɔ̨ɔ̨i.›

Levetekɔ 25:8

«Ka hvįįtɔɔ hvóló lonon mɛ̨ihveelɛ, kwɛlan ba pələ tɛitɛi, ka gwɛlan mɛ̨ihveelɛi tii heei kɛ mɛ̨ihveelɛ. A kɛ tii kwɛlan bow nąąn kɔ́w mɛ̨inąąn ga tii.

Gɛlaɠaa 3:22

Moisə ə wɔlɔ kɛ diɛ: ‹Nąmu ka wɔ Yálá, kaa pai Yálá kwəi mɛ̨nį hukulɔ mun da tɔɔi, ə pa ka pɔ, yɛ pələi gáá la, yɛ ɓo a ka huwu ta, yii lɔpee gaa pai moi, ka káá pai ka wəli tɔɔi ma.

Azaya 56:1

Yai-Laa woo ka, yɛ diɛ: «'Ka hiɛ a ɉaŋąą, ka tələnmo yii ɓo, mąąhɔlɔɓo, nwɔ́ ɓalo mɛ̨nįi pa hiɛ li, nwɔ́ tələnmolaai yɛ pa kulɔi pɔ̨nɔ̨ ŋą.

Azaya 51:6

'Ka ka ɲɛ̨i hee yələkɔlɔn mą, yili pulu ka lɔi ɓa kaa, yələkɔlɔn gaa lɔ pai lɔi gbąi yɛ nwɔ̨n nulu, lɔi yɛ haɠa yɛ həɠə; ɉu nuą diɛ haa yɛ koo koon ɉɛnŋąą. Kɛlaa nwɔ́ ɓalo mɛ̨nįi nwɛi gaa lɔ laa a yələ kəlee, nwɔ́ tələnmolaai hva too.

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Azaya 51:8

mąąhɔlɔɓo, hvili kaa pai di mįi yɛ həɠə, di hviliin yɛ huwɔ ləɠa. Kɛlaa nwɔ́ tələnmolaa nwɛi, gaa laa a yələ kəlee, ɛlɛɛ nwɔ́ ɓalo mɛ̨nįi ə ɓo laa a yələ kəlee da nwɔɔ.

Mąątɛ̨nɛ̨ 45:7

Ee kə Yálá! Yɛ́i yɛ́ Heeɓolaa kpɛlai hvo mą, yɛ́ tɔɔ-hvilii, tələnmo hvili li!

M̀ɛni-lɛɛi 14:6

Ɛlɛɛ, ŋį́ ɲɛ̨́i hee, ŋį́ malaka ta kaa, yɛ koon gbɔ ɲələ kwəi. Yálá-taa wɛlɛɛ lɛlɛɛ ə kɛ ɲəi, yɛ pa naa həlii lɔi mɛ̨i nuą diɛ: hįi lɔi kəlee, nu huwu kəlee, hįi wooɓo nuą kəlee.

Hebreu 2:17

Yili ɓə gɛ, hvo kɛli kɛ ə gbɔwɔ kɛ yɛ nąn nonnii, ə gɛ, ə kɛ a haláá laa həli mun gɛnɛ̨ɛ̨i ɲɛ̨i mąąwɛli kaa hu, tələnmolaa hu, Yálá kwɛlɛ, yɛ ŋą nuą di wɔɔ nɛ̨ŋɛ̨nŋaa waa diɛ.

Izikiɛ 4:6

Yá volóɠaai ti laa kulɔ, ə́ pənə, ə́ laa ə́ ɓa-mįi-yee hu pələ, Ɉuda nu huwu nwɔ nɛ̨ŋɛ̨n həɠə hvóló pow nąąn ɲeemu; hvóló tɔ̨nɔ̨ kwɛlan dɔ̨nɔ̨.

M̀ɛni-lɛɛi 3:7

Malakai gbɔn nwun na Filadelfi, hɛɓɛ́ kɛ ə́ dɛɛ mą: «Mąąhəɠəmun, Dɛ̨ą, yai Davidə nwɔ pɛlɛ́ gbon gwɛli kaa ɲəi, a naaɓo, ɛlɛɛ, nu ta hva naa kpulu, a naa kpulu ɛlɛɛ, nu ta hva naa ɓo, yɛ:

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Korɛntə dɔlɔɔ 1:30

Yai ɉáálai ɓə ka káá la Jesus Kristə hu, yai gaa a ku wɔ kilikɛɲəi laai həɠə Yálá pɔ, a təlimolaa, a mąąhəɠəlaa da ɓalo mɛ̨nį,

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Kɔlɔnikɔ Veerɛi 29:24

Ɉaláá laa həli nuą di di paa, di ɲąmą taɠa Yálá kɔ́i a nɛ̨ŋɛ̨n mąąhvaalɛɛ hɛn. Diɛ nɛ̨ɛ̨mąą hvə Israɛlə lonnii mąą mɛ̨nį ɓa. Mąąhɔlɔɓo, Israɛlə lonnii kəlee mąą mɛ̨nį ɓa ɓə tɔɔmun ə mo la, diɛ ɉaláá hɛn daa gəlee kələn da nɛ̨ŋɛ̨n mąąhvaalɛɛ haláá kulɔ la.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Hebreu 10:14

Gbɔwɔ gulɔ lɔ tii ə mo a haláá taanɔ̨n gbən, nuąi a nwɛiɠaa, ə pɛli di mąąhəɠəi, di mąą mɛ̨nį ɲɛ̨i kulɔ a yələ kəlee mɛ̨nį.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Kolosə 2:14

mɛ̨nįɠaa kpɔ dɔ́n nwoo ə kɛi gu kalamąɓo la, yɛ giti kala guɔ, ə yili kəlee lɛɛ guɔ a kpɛli; aa nwaa kpɔ laa hva-hva, ə gbanwo kolɔwa ɓa.

Kolosə 1:20

ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Ɉaan 1:41

Andre ə gbɛa li tɔlɔɔ ə həli niɛ Simɔn ɓa yɛ mą: «Nwun mąąɓomun Yálá ə naakwɛlanmo kwaa gaa. (Yai da kɛ mą: Kristə.)»

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Maafîu 11:13

Yálá kwəi mɛ̨nį hukulɔ nuą, da Moisə nwɔ tɔ́n, di kɛi Yálá-taa tɔɔlaa mąą mɛ̨nį ɓo, ə lɛɛ la ɉu, ə həli la Ɉaan-Batistə nwɔ yələi ɓa.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Izikiɛ 28:12

«Nu lon ɉulɔn, gɔwɔ tɔɔ, yɛ́ wɔlɔ Tirə tɔɔmun mɛ̨i, 'kɛ mą, Mɛ̨nį kəlee ŋą Hééɓomun Yálá woo ka; yɛ: Yɛ́ ɓə di kɛi lɛlɛ kəlee kɔɔn ɲɛ́, ə́ kili kɛnɛ̨, ə́ lɛlɛɛ pələ, mąą kulɔi hvo mą.

Woolaa 4:22

Siɔn nɛ̨ɛ̨kpɛla, ə́ wɔ hɔn ɲɔ̨n, aa kpɛɛ, di hvo kɛa pai ə́ həɠəi ə́ heei. Edɔmə hee ɓo nuą, ka wɔ hɔn mə Yai-Laa kaa pai ɉutɔɔi, ə́ kɛ nɛ̨ŋɛ̨n mə gaa pai kulɔi pono ɲą.

Levetekɔ 8:15

Moisə ə nwun dee, ə ɲąmą həɠə, ə da lɔ ɉaláá kulɔi ɓa a ɲeekpiɛ,

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Maafîu 4:5

Yili pulu nąnį ə ɉəɠə, ə li la Ɉerusalɛmə, daa mąąɠəɠɛɛ hu, ə dɛ, ə dɔɔ Yálá hee pɛlɛ́ kɛnɛ̨i tona,

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.

Gɛlaɠaa 4:26

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.›

Izikiɛ 4:5

Gáá hvólóɠaa pɛ̨ɛ̨i ə́ nwuɔ̨, di lononŋaa yɛ həli di wɔ nɛ̨ŋɛ̨nŋąąi di wɔ kwɛlan bɔ: nwun ɉaaɓa yee mɛ̨inąąn, ə́ kaa pai Israɛlə nu huwu nwɔ nɛ̨ŋɛ̨n heei ə́ nwuɔ̨.

Zakari 4:14

Yɛ mą́ą́: «Nu hveelɛi nwulɔ mɛ̨nį nwun na, di ɓo tɔɔni lɔi pilɛɛ gee mɛ̨i Nąmu lííla, diɛ li.»

Azaya 42:4

Nwɛi, vįi hvo pai kpɛɛi, di hva ɲee pɛlɛ lɔi ɓa, hvo kɛ li a kiti mɛ̨nį hee gban ɲą lɔi mɛ̨i, ɛlɛɛ, gboloyá hɛ̨ąi lɔiɠaa ɲɛ̨i kaa nwɔ tɔ́n nwooɠaa tɔwɔ.