Danîa 9:21 - Yálá laawoo hɛɓɛ (dc)

²¹ Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Yálá laawoo hɛɓɛ

²¹ Ɓɛlɔwai ŋą́ kɛi mɛ̨nįɠaai tii laa həli la, malaka Gabriɛlə tii ŋą́ gaa nwɔ́ hįi dɔlɔɔ hu, ə koon, ə lɛɠɛ mą́ą́ a mąąhulaa, ɓɛlɔwai ŋɛ̨i di kɛi yələwulii pɔ haláá kulɔ la.

Bible

²¹ È kɛ̀ nɔ́ tí, ŋá Ŋ̀âla-taa-kelai Geƃɔlɔ, nyii ŋá gàa zĩ̂ai su a maa ŋuŋ, káa gɛ́ kòoŋ gɛ́ pà é kúla kpɔ́ nɔ́ ŋ́ɛi ŋ̀á ma a ŋ̀ele-wulii salai kula tãi.

Danîa 9:21 Referans Kwoze

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Danîa 8:16

ŋą́ nu ta woo mɛ̨n ɲa lee kɛnɛ̨i tii da kɛ mą Ulai ɉamai yɛ tomą, yɛ kɛ mą: «Gabriɛlə ɉįi tii hukulɔ nui tii ɓa.»

Danîa 10:16

Kɛlaa, ŋą́ hɛn da kpɛli kaa, gɛ pələ ə ɓo yɛ nu, ə pa, ə ɲee hee náá wulun ma, gɛ́ tɛɠa pɛli hvaai. Nui ŋɛ̨i kɛ tɔɔni ɲɛ̨i tɔwɔ, ŋą́ mo mą, gɛ́ mą: «Nwɔ́ mɛ̨nį Nąmu, gɛɛ ɲɛ̨i ŋą́ą́ gaa, aa gwə́i pili mą́ą́, hvaŋą hvo kpɛli lɛɛ li ɲə́i.

Tɔɔɓɛlaa dɔlɔɔ 18:36

Yələ wulii haláá kulɔi lɔwai, Yálá kwəi mɛ̨nį hukulɔ mun Eli ə lɛɠɛ laa, ə nwoo tɛ yɛ diɛ: «Yai-Laa! Abrahamə Isaakə, da Ɉakɔbə ni di wɔɔ Yálá, nɛ háákələi Israɛlə nuą diɛ, yɛ́ diɛ yɛ́ ɓə a Yálá Israɛlə lɔi hu, ɛlɛɛ, gɛ́ ɓo a ə́ wɔ tímun. Ɛlɛɛ, ə lawoo pɔ ɓə ŋą́ mɛ̨nįɠaa kəlee kɛ la.

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Gɛlaɠaa 10:3

Yələ ta, hvóló mąąlaa, ə malaka ta kaa a mąą ponɔɔ, ə lɔ ɲəi bɛlɛ́n, ə dəli, yɛ mą: «Kɔrnɛyɛ!»

Danîa 10:18

Ɲąąɓa, yii tii gɛ pələ ə kɛ ɲɛ nu, ə ɲee hee mą́ą́, ə gɛ, ŋą́ pənə ŋą́ hvaŋą hɔlɔɓo.

Danîa 8:18

Ɓɛlɔwai tii ə kɛi hvaa la bɔ́, ŋą́ kɛ pɛlɛ ni nɔi ɓa, gwə́i pilɛɛ mą́ą́. Nąąlɔwai, ə ɲee too ɉú, ə muhəɠə ə dɔɔ ɓɛi tii ŋą́ kɛ laa.

Azaya 6:2

Malaka kpɛa-kpɛa hveelɛ di kɛ tɔɔni gbəlin nwun mɛ̨i, di tɛi tɛi, di koon ə kɛ diɛ mɛ̨ida mɛ̨ida. Diɛ di ɲɛ̨ilai gbulu a veelɛ, diɛ di kɔ́wɔ mɛ̨i kpulu a veelɛ, diɛ kɛa koon a veelɛ.

Mąątɛ̨nɛ̨ 103:20

Kaai a nwɔ malakaɠaa, 'Ka Yai-Laa laa mąąwiɛ, kaai a nwɔ kuláá kpɛa kpɛaɠaai, 'ka nwoo pɔ mɛ̨nį kɛ, 'ka nwoo mɛ̨n nɔ, 'ka nɛɛ mą ka bɔ mɛ̨nį kɛ.

Lɛɛ gbɔwɔ ɓa 29:39

Yá mɛlaa lon dɔlɔɔ paa yələwala, ə́ veelɛnąą paa hvitili ɓa.

Hebreu 1:7

Yii ɓaa malakaɠaa di wɛi, nwoo ka, yɛ mą: «Yaa ɓə a ŋą malakaɠaa kɛ a hvaŋą, ə ŋą kɛlaɠaai kɛ a nwɔ̨n nən.»

Gɛlaɠaa 12:7

Gu Ną́mu nwɔ malaka ta ə kulɔ lɔ mą wúlú, gaho pɛlɛ́ mu kəlee ə pono. Malaka ə Piɛrə mąą kɛlɛ, ə ɲɛ̨ilaa ɓo yɛ mą: «'Ə́ muhəɠə ɉa!» Ɲɔwɔnŋąą kəlee di tee ɲee ɓa di pu.

Gɛlaɠaa 10:9

Mąą yələ laaɓoɔ, ɓɛlɔwai di kɛi li la Ɉope daai, di lɛɠɛɛ kɛa daa kpala, ə kɛ a hvoló tɛɛ nwun ma lɔwai, Piɛrə ə tɛ ɲələi pɛlɛ́ ɲįmąn mu, yɛ Yálá hvɛli.

Gɛlaɠaa 3:1

Hvóló mąąlaa pɛlɛ kɔ́n nįnįn da wolo kwɛa, Piɛrə da Ɉaan də li Yálá hee pɛlɛ́ mu Yálá hvɛli mɛ̨nį ɓa.

Maafîu 27:46

Voló kɔ́wɔ kulaa mu kɛa, Jesus ə tómą kpɔ a nwoo kɛnɛ̨, yɛ mą: «Eli, Eli, lema sabaktani?» (Mukulaa ɓaa: «Nwɔ́ɔ́ Yálá, nwɔ́ɔ́ Yálá, lə mɛ̨nį ɓa ə́ ə́ kili kulɔ ɉú?»)

Danîa 10:10

Nąąlɔwai, nu ta ə ɲee too ɉú, ə múhəɠə, bɛlɛɛ nɔi ɓa yɛ nu a kɛi tala, mą́ą́ yɛ kpɛlin.

Izikiɛ 1:14

Ɉɛn vulúmąąɠaai tii, di kɛi wean ɓɛ pələ, diɛ wean ɓɛ pələ yɛ yələgbąnąą a kɛi gɛ.

Izikiɛ 1:11

Di ɲɛ̨ilai gɛ pələ ka tii kɛ. Di koonŋaa di wɛi, veelɛ tɛɛi kɛ di mɛ̨i, diɛ di kee kaa. Ɛlɛɛ, veelɛ yɛ di kɔ́lɔ mąą kpulu.

Mąątɛ̨nɛ̨ 104:4

Yɛ hvaŋąɠaa kɛ a nwɔ tí nuą, nwɔ̨n nənŋaa di ɓo a nwɔ kɛlaɠaa.

Lukə 1:26

Ɓɛlɔwai Elisabɛtə koo ə kɛ la a ɲąnįn mɛ̨ida koo, nąąlɔwai ɓə Yálá ə nwɔ malaka Gabriɛlə tɔɔ la Galile taa ta hu, diɛ kɛ nąą laa ɓa: Nazarɛtə.

M̀ɛni-lɛɛi 9:17

Bələi ɉooɠaa da ɉoo mɛ̨i nuąi, ɲɛ̨́i ə di kaa, gbɛlɛɛn gɛɛi hui, bələ ka: Di kəŋə mɛ̨i kpulɔɔ kɛ a nwɔ̨n, daɠaa kpɔluɔ, daɠaa mutɛɠiɛ, daɠaa ɓáhiɓoɔ. Ɉooɠaa nwun ganin ə kɛ yɛ yala nwun, ɛlɛɛ diɛ ɓáɠi a nwɔ̨n, a lulu, ɛlɛɛ a máhiɓoɔ.

Mąątɛ̨nɛ̨ 141:2

Nwɔ́ hvɛli wooi ə kɛ ə́ lííla yɛ lansan, Ɛlɛɛ, ŋą́ ɲééɠaa hąŋąn, ə ɓo yɛ yələ wilii haláá.

Izikiɛ 14:14

Ə mą kɛ, nu haaɓai ɲɛ̨́i a Noe, Daniɛlə, da Ɉobə, da kɛ kɛ nɔi ti hu, diɛ lɔ ɓə li pɛli di kpɔwɔ nwun mąąɓoi a di wɔ tələnmolaa. Mɛ̨nį kəlee ŋą Hééɓomun Yálá woo li.

Tɔɔɓɛlaa dɔlɔɔ 18:29

Hvóló paa kɛa nwun ma, di kɛi lɔ tomą, ə lɛɛ ɉu ə həli la yələwulii haláá kulɔi lɔwai ɓa. Kɛlaa woo ta hvo tɔɔ, di hvo woo ɲąą pənə hɔlɔɓo, mɛ̨nį ta hvo kɛ.