Danîa 9:19 - Yálá laawoo hɛɓɛ (dc)

¹⁹ Ną́mu Yálá, ə́ wəli tɔɔ kuɔ! Ną́mu Yálá, ku mąąhvaalɛɛ! Ną́mu Yálá, ə́ kiliŋąhiɛ kuɔ! Ə́ laa mąą mɛ̨nį ɓa, Ną́mu Yálá, daai ŋɛ̨i da ɉu nuą, diɛi di kaa a ə́ wɔɔ, ə́ wɔ naa kɛ di mąą mɛ̨nį hu, hvo ɉu kwɛa.»

Yálá laawoo hɛɓɛ

¹⁹ Ną́mu Yálá, ə́ wəli tɔɔ kuɔ! Ną́mu Yálá, ku mąąhvaalɛɛ! Ną́mu Yálá, ə́ kiliŋąhiɛ kuɔ! Ə́ laa mąą mɛ̨nį ɓa, Ną́mu Yálá, daai ŋɛ̨i da ɉu nuą, diɛi di kaa a ə́ wɔɔ, ə́ wɔ naa kɛ di mąą mɛ̨nį hu, hvo ɉu kwɛa.»

Bible

¹⁹ Óo Ǹuu-namui, íwoli tɔ́ɔ kûa í kúsu-mɛni lɛɛ. Kúwoo mɛni í mɛni da kɛ́ a maa félaa a gɛɛ nûa dí gɔ́lɔŋ a gɛɛ yá ƃa Ǹuu-namui. Ífe tãi támaa sìɣe, kpɛ́ni fêi ílaa káa daa-leei ma da ínûai.”

Danîa 9:19 Referans Kwoze

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Lukə 11:8

Jesus yɛ diɛ: «A tɛ̨ą kpɔ-kpɔ gáá moi kaa, ə mą kɛ, hvo muhəɠə li, hvo mɛlan gɔ́, mɛlan naa mɛ̨nį ɓai, a muhəɠə, mąąwələən bələ ɓa mɛlan ɲəi, yii lɔpee yili mąą kpaan gaa mą, ə gəlee tɛɛ bɔ.

Amɔsə 7:2

Ɓɛlɔwai beeleɠaa tii di gala tiliin gəlee mįi la nɔi mɛ̨i, ŋį́ mo Yálá ɓa, gɛ́ mą: «Ną́mu Yálá! Nɛ̨ɛ̨ yɛ́, ə́ wɔ nuąi mąąhvaalɛɛ. Akɛti Ɉakɔbə huwuhu nuą ŋɛ̨i di hvo tamą li, di kɛɛ lɔ pai lɛɛi yɛnɛ̨ɛ̨ lɔ li?»

Ifisiɛŋ 3:10

Bələ ɓə, ə həɠəla yiihu ɓa, ɲąąwooɓo laa da huwalawala laai yələkɔlɔn ɉu pələ, Yálá ŋą kpɔn háálai ɓə, da Yálá ŋą kilikɛɲəi tamąąi tii gbaɠa la gɔlɔn naa.

Ifisiɛŋ 1:12

Guɔi gbɛa gu kilitɔɔ Kristə ɓa tɔwɔi, 'ká gu Yálá mąątɛ̨nɛ̨ wələ too.

Ɉeremi 14:9

Lə mɛ̨nį ɓa ə́ kaa túwɔ́i yɛ nui aa kpɔlɔɔn? Yɛ kɔkulaai ɲee hva kɛa lɔ nu kulɔi mɛ̨nįi? Ə lɛɛ yaan, ə́ kaa ku lɔwai Yai-Laa! Diɛ ə́ laa noloɓo ku mɛ̨i! Hvo kɛ ə́ kaa ə́ yee teei kuɔ.

Ɉeremi 14:7

Yii kuɔ nɛ̨ŋɛ̨nŋaa kaa ku hɔn moi, Ə́ wɛ́i Yai-Laa ə́ kɛ mɛ̨nį kɛ ɉu; ə́ laa mąą mɛ̨nį ɓa A tɛ̨ą, kwaa lənə yɛ́ gee mɛ̨i pow lee pow, kwaa ku hɔn gɛ a yɛ́.

Lonon mo 14:19

Yili ɓa tii, nuą ŋɛ̨i ɲɛ̨imąąwɛli kaa, yɛ bələi Ə́ wɔ lii nɛ̨ɛ̨ kwəi laa hu kɛnɛ̨ɛ̨ la, yɛ bələi Yáá ə́ yee lɛɛ la diɛ, ə həɠə Eziptə lɔi hu ə pa ɓɛ.»

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Izikiɛ 39:25

Kɛlaa, Mɛ̨nį kəlee ŋą Hééɓomun Yálá yɛ diɛi: Yii hu kɛa, gáá Ɉakɔbə nwɔ yɛnɛ̨ɛ̨ ɲɛ̨́i mąą pənəi; gáá pai Israɛlə nwɔ pɛlɛ́i kəlee hon ɉi a wɛlikɛmąąlaa; gɛ́ ɲɛ̨́i kɛ́ Náá mąąhəɠɛɛ ɓa a tóló.

Izikiɛ 36:22

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ka mąą mɛ̨nį hvəi gáá mɛ̨nįi ŋɛ̨i kɛi la, kaai a Israɛlə lonnii; kɛlaa, gáá gɛi tii, náá mąąhəɠɛɛi ka mɛlɛ too nɔiɠaai ka li di hu, mąą mɛ̨nį ɓa.

Izikiɛ 20:22

Kɛlaa, ŋą́ ɲéé yali bulu, ŋą́ gɛ́ mɛ̨nį kɛ, náá mąą mɛ̨nį ɓa; náá hvo pa ləi pu, nɔiɠaai tii di kɛ ɉu, gɛ́ di kulɔ laa, yiliɠaai ɲɛ̨i ɓa.

Izikiɛ 20:14

Kɛlaa ə mą kɛ tii, ŋą́ gɛ́ mɛ̨nį kɛ ɉu; náá mąą mɛ̨nį ɓa, mɛ́lɛ hvo pa lee kpɛɛ mą́ą́, lɔiɠaa ɲɛ̨i ɓa; a diɛi tii ŋą́ Israɛlə kulɔ nuwɔ laa hu di ɲɛ̨i ɓai.

Izikiɛ 20:9

Kɛlaa ə mą kɛ ti, ŋą́ gíliŋa hiɛ náá mąą mɛ̨nį ɓa, ə gɛ mɛ́lɛ hvo pa lee kpɛɛ mą́ą́ ɉįi takpɛɠaa di wɔ lɔi hu nuą ɲɛ̨i ɓa. Ŋą́ gbɔ́ɔ́ lɛ diɛ nɔiɠaa tii ɲɛ̨i ɓa, a di kulɔi ŋą́ mo Eziptə lɔi hu.

Ɉeremi 25:29

Gáá mɛ̨nį ɲąąnwąnąą tɛɛi, gáá gbala tɔɔi daai da Náá ɓo ɉu, mą. Ɛlɛɛ, káán ka nwun yɛ kulɔ ɉu, yili hva kɛ tii, gáá kɔ-kɔ ɓɔwa təlii yɛnɛ̨ɛ̨ nąą kəlee mɛ̨i. Mɛ̨nį Kəlee ŋą Hééɓomun Yai-Laa woo li.»

Kɔlɔnikɔ Veerɛi 6:39

Lɛɛ yələ kɔ́lɔn ɉu, ɓɛi tii Ə́ kaa laa, Ə́ wəli tɔɔ di woo ɓa; Ə́ wəli tɔɔ di wɔ hvɛli wooi da di wɔ nɛ̨ɛ̨mąąhvə wooi ɓa; 'di nwąną kulɔ, ɛlɛɛ, yɛ́ nu huwui a nɛ̨ŋɛ̨n ɉəɠə Yɛ́, Ə́ di mąąhvaalɛɛ.

Kɔlɔnikɔ Veerɛi 6:21

Ə́ mąąnɛ̨ɛ̨ wooɠaai yɛ́ tímun da yɛ́ nu huwui Israɛlə di kaa moi yɛ́, gɛɛnąą ŋɛ̨i ɓa, nɛ̨ɛ̨ Yɛ́! Ə́ wəli tɔɔ mą! Ɓɛi tii Ə́ kaa laa yələ kɔ́lɔn ɉu, Ə́ wəli tɔɔ laa diɛ, Ə́ ku mąąhvaalɛɛ.

Gɛlaɠaa 15:17

Ə həɠə ɲələ ɓa, nuą kəlee da gu Ną́mu Yálá kwɛli da nɔiɠaa kpɔ tii Náá kaa diɛ. Mɛ̨nįi gu Nąmu Yálá kaa moi ya ka tii, gwəi kiliɠaa ka ti gaa di pɔ mɛ̨nį kɛi.

Lonon mo 6:27

«Da Yai-Laa təli tii a naa, Israɛlə lonnii mɛ̨i, yaa tii a Yai-Laa a lúwɔ́ too Israɛlə lonnii diɛ.»

Azaya 43:7

Nuąi kpɔ tii náá kaa diɛ, a diɛi tii ŋį́ di pɛli, gɛ́ di kɛ yɛnɛ̨ɛ̨, gɛ́ di pɛli nwɔ́ mąąwiɛ mąą mɛ̨nį ɓa!