Danîa 9:13 - Yálá laawoo hɛɓɛ (dc)

¹³ Yɛ pələ kpɔlɔ bɛ̨ɛ̨ la Moisə nwɔ tɔ́n ɉɛɓɛ́i hu, mɛ̨nį nwąnąąi tii kəlee ə həli kuɔ. Pələi mąn ə kɛ la tii, yɛi ŋɛ̨i a kuɔ Yálá, ku hvo kɛ wɔlɔ li yɛ́, ku hvo ə́ mąąnɛ̨ɛ̨, ku hvo nwɔ̨nɔ̨ kɛ həɠə li ku kɛ nɛ̨ŋɛ̨nŋaa pulu, ku hvo kɛ ku kili lɛɛ li ə́ wɔ tɛ̨ą mɛ̨nį hu.

Yálá laawoo hɛɓɛ

¹³ Yɛ pələ kpɔlɔ bɛ̨ɛ̨ la Moisə nwɔ tɔ́n ɉɛɓɛ́i hu, mɛ̨nį nwąnąąi tii kəlee ə həli kuɔ. Pələi mąn ə kɛ la tii, yɛi ŋɛ̨i a kuɔ Yálá, ku hvo kɛ wɔlɔ li yɛ́, ku hvo ə́ mąąnɛ̨ɛ̨, ku hvo nwɔ̨nɔ̨ kɛ həɠə li ku kɛ nɛ̨ŋɛ̨nŋaa pulu, ku hvo kɛ ku kili lɛɛ li ə́ wɔ tɛ̨ą mɛ̨nį hu.

Bible

¹³ M̀ɛni kpɔ̂lui kélee m̀ɛni pɔ̃yɛɛ̂i Mose Ŋɔtɔ̂ŋ Kɔlɔi sui, gélee a kɛ́ a kúa, kɛ́lɛ kúfe wɛ̂lii kú kúyee kúla kúsɔnyɔ̂ŋ-ŋai su kú tínaŋ ípɔ naa pere kú ítɔ̃yâi kɔ́ri.

Danîa 9:13 Referans Kwoze

Danîa 9:11

Israɛlə lɔi hu nuą kəlee daa ə́ wɔ tɔ́n kala, daa di pulu tɔɔ yɛ́, ə gɛ, di hvo pa ə́ wɔ liɛwooɠaai mɛ̨n. Yili ɓa, ku wɔ kulɔ nwoo mu laai tii ma mɛ̨nį ɓa, nɛ̨ŋɛ̨n naai ŋɛ̨i bɛ̨ɛ̨ Moisə nwɔ hɛɓɛ́i hu, aa too ku mɛ̨i.

Ɉeremi 2:30

Ŋą́ą́ ka lonnii kɛlɛ, aa lɛɛ a kpɛli-kpɛli, di hvo di wəli tɔɔ li niɛwoo ɓa. Kaa Yálá kwəi mɛ̨nį hukulɔ nuą paa a ɓɔwa kwɛa, yɛ bələi kɛɛ kala yala a gɛ la.

Azaya 9:13

Yili ɓə gɛ, Yai-Laa ə Israɛlə nwun dee da nwon, ə mɛ̨nį ɲąąnwąnąą laa diɛ a voló tɔ̨nɔ̨i tii.

Osia 7:10

Israɛlə nwɔ kpɔwɔ ɲąąkɛnɛ̨ ɓə giti kala mą, Kɛlaa, di hvo pənəi di hvo pa Yai-Laa di wɔ Yálái pɔ pələ; mɛ̨nįɠaai tii di mą kɛ kɛi, di hvo di wɔ Yálái kwɛlii.

Ɉeremi 31:18

Gáá woo ta mɛ̨n ɉii! Gáá Ɛfraimə wɔlɔ woo mɛ̨n ɉii; yɛ kɛ diɛ: Yáá ɉón a ɉútɔɔ pələ, ŋą́ą́ gbɔ́ɔ́ lɛɛ laa diɛ ɉútɔɔ yɛ nįŋɛ̨ hilɛ lon ɉon naa walaa. Bə́nə pulu, əgɛ, ŋą́ bənə búlú ŋą́ pa. Mąąhɔlɔɓo, yɛ́ Yai-Laa, yɛ́ ɓə a nwɔ́ Yálá.

Ɉeremi 5:3

Yai-Laa! Kɛlɛi tɛ̨ą mɛ̨nį ɓə ə́ ɲɛ̨i a tɔɔ ɉu-e? Yáá di kɛlɛ, Kɛlaa yili hvo diɛ a mɛ̨nį ta. Yáá damąą paa, kɛlaa mɛ̨nį ə́ kaa nɛi diɛ di hvo di yee heei mu, daa di nwun nwalawala yɛ kwɛni di hvo gɛi di hvo həɠə di hon ɲɔ̨n bulu, di hvo pa ə́ pɔ.

Mąątɛ̨nɛ̨ 119:27

Ə́ wɔ tɔn nwooɠaai hu yíi ɓo pələ lɛ mą́ą́, gɛ́ pɛli ə́ kɛ mɛ̨nį kpɛa kpɛaɠaa lɛɛi gíli pɔ.

Zôo 36:13

Nɛ̨ŋɛ̨n ɉəɠə nuąi da kanąn líiholi ɓa, di hva di woo laa, ɓɛlɔwai da kɛ la yɔwɔn ŋą.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Ifisiɛŋ 4:21

Akɛ kpɔ Kristə ɓə ká mąą mɛ̨nį mɛ̨n, akɛ kpɔ yaa ɓə ká mąą mɛ̨nį mąąkwɛlii, yɛ bələi gaa la a tɛ̨ą Jesus hui:

Ɉaan 10:35

Ku gɔlɔn gbɔ yii Yálá laawoo a mo, mąą hvo nɛ̨ɛ̨li ku hvo ɉəɠə ma. Nuą ŋɛ̨i Yálá laawoo ə həli diɛ, ə di laa hee a Yálá pɛlɛɛɠaa.

Ɉaan 8:32

Ka káá pai tɛ̨ą kɔ́lɔn ɉii, dɛ̨ą tii kaa pai ka nwun mąąɓoi.»

Ɉaan 6:45

Yálá kwəi mɛ̨nį hukulɔ nuą di bɛ̨ɛ̨ diɛ mą: ‹Yálá ɓə pai di kilaa pono.› Nui pai ną́n nwoo mąn ɉi, ə ɲąą kaa, ə ɲee hee mu, a pa bɔ́.

Lukə 24:45

Nąąlɔwai, Jesus ə di wɔ kilaa pono ɲɛ̨i hvólóon, əgɛ, di Yálá laawoo hɛɓɛ́ kpaɠala kaa

Osia 7:14

Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Osia 7:7

Di kəlee di hu kələn ŋąąi yɛ nwɔ̨n dinįi, di kaa giti tee nuą mįi, di wɔ tɔɔɓɛlaai kəlee daa too; ɛlɛɛ, nu hvo hɔlɔɓoi di lɔwai, yɛ vɛ́li.

Woolaa 5:21

Yai-Laa! Pələ laa ɓo ku tɔwɔ, ku pa ə́ pɔ. Pənə ə́ kuɔ yɛnɛ̨ɛ̨i pu nįnɛ̨ kɔ́lɔi, yɛ bələi ə kɛ la a tɔlɔɔ-tɔlɔɔ yələ.

Ɉeremi 44:27

Gáá ɲɛ̨i ɲɔ̨nwɔ̨ɔ̨ heei káá, gɛ́ ká mɔ̨nɔ̨ ɓo. Ɉuda nuąi heeni Eziptə lɔi hu, di kaa pai haai a kɔ́ da pulu, əlɛɛɉu, gəlee di kpɛɛ.

Azaya 64:7

Ɛlɛɛ yaan, yɛ́ lɔ ɓə ə́ kaa a ku Nąn, ləɠi pɔlɔ ɓaa a kuɔ, yɛ́ lɔ ɓə ku tɔɔi, ku kəlee, ku kaa a ə́ yee ŋą koló.

Azaya 42:9

Tɔwɔ-tɔwɔ mɛ̨nįɠaa di wɛi, daa tɛɛ, ɲą́ą́ nwɛ̨́i, mɛ̨nį nįnɛ̨ɠaa ɓə gáá di lɛɛi tɔwɔ, gɛ́ di hukulɔ; gɛɛ di hvo teɠa kɛ pai həlii, diɛ ka tii gáá di mąą mɛ̨nį hukulɔi kaa.

Mąątɛ̨nɛ̨ 119:73

Ə́ bɛ́li a ə́ yee, ə́ ɉúwala wala, 'gɔ́ a kili, gɛ́ pɛli ə́ wɔ tiɓoɠaai hukpɛi.

Mąątɛ̨nɛ̨ 119:18

Ɲɛ̨́i hvoloon, gɛ́ pɛli, ə́ wɔ tɔn nwooi lɛlɛ pələ kaai.

Mąątɛ̨nɛ̨ 85:4

Yáá ə́ wɔ liiholii kpɛla bələi, yáá ə́ wɔ liiholi kɛnɛ̨ɛ̨i yali bulu.

Dutɛrɔnome 29:4

«Kwɛlan bow nąąn ɲee mu, ŋį́ tɔɔ ka ɲɛ̨i tɔwɔ nɔi pun ɉu. Ka mąą həɠəɠaa di hvo haɠa, ka kɔ́ɔŋą kɔ́lɔɠaa di hvo haɠa.

Azaya 31:1

Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.

Tɔɔɓɛlaa veelɛ 22:16

Mɛ̨nii Yai-Laa ə mo ya ka, yɛ: Gáá pai mąąwɛli mɛ̨nį laai gɛɛnąą ŋɛ̨i ɓa, da nąą nuą, kpɔlɔɔ yɛ bələi ŋɛ̨i ɉɛɓɛ́i ŋɛ̨i Ɉuda tɔɔmun ə gaa ɉu woo kaa la.

Azaya 43:22

Ɉakɔbə, yili kulɔ ə́ wɔ kiliŋąhiɛ hu kpɔ tɛ̨ɛ̨ tɛ̨ɛ̨, yɛ́ hvəi də́li, ɛlɛɛ, Israɛlə, hvo kpɛli kpaan nɔpee da paa li, mą́ą́ mɛ̨nį hu.

Azaya 64:6

Nu ta hvo tómąi a Ə́ laa, nu ta hvo mun kpɛli nwun ɉi, yɛ mɛ̨nįi tii too Yɛ́, mąąhɔlɔɓo, Yáá ə́ ɲɛ̨ilai now kuɔ, Yáá ku wɔ túwɔ́ pələ ɲɔ̨n lɛɛ laa ɲee aa tɛɛ kuɔ, yɛ ku kala kpɔ tɛ̨ɛ̨ tɛ̨ɛ̨.

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Ɉeremi 44:23

Ɉalááɠaa tii ka kɛi gulɔi, da ka hɔn tii ka gɛ a Yai-Laa, a gɛ mɛ̨nį ka hvo nwoo mɛ̨n ni, ka hvo lɛɛ nwɔ tɔ́n nwoo pulu, da nwɔ tíɓoɠaa, da mɛ̨nįɠaa ə naa ka nwuɔ̨, kɛlɛi yili ɓə gɛ, mɔ̨nɔ̨ yɛ laa kaa, yɛ bələi gaa la yiihu-ee?»

Izikiɛ 16:43

Hvó gɛ hvó ə́ kili lɛɛ ə́ muhəɠə yələ hu, yɛ́ nwą́nąlɔ lɔ mɛ̨nįɠaai tii hu. Yili ɓə pai gɛi ɲą́ą́ gbɛli mąn, gɛ́ ə́ túwɔ pələi tii gbolo yɛɛ a ə́ nwun. Mɛ̨nį kəlee ŋą Hééɓomun Yálá woo li. Hvo mɔ̨ɔ̨ ɓowo mɛ̨nį kɛi a gili kpɛɛ ɲəi túwɔ pələɠaai tii kəlee?