Danîa 9:12 - Yálá laawoo hɛɓɛ (dc)

¹² Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Yálá laawoo hɛɓɛ

¹² Mɛ̨nį ŋɛ̨i wɔlɔ ə́ mo yɛ hvilɛn kuɔ da ku nwun nąmįnąa yiiɠaai di kaa ku ŋɛ̨itɔwɔ, yaa naahvɛɛ. Ya ɓaa: Kpalo tamąą aa ɓɛla kuɔ Ɉerusalɛmə daai, yii ɲɔ̨nwɔ̨mąn və ta kɛ li lɔi mɛ̨i.

Bible

¹² M̀ɛni kpɔ̂lui í mò a gɛɛ a pâi kɛ̂i a kûa kwa kúmɛi-ƃelai gélee ŋàa-see a kɛ́. Mɛni kpɔ̂lu da fé tá kɛ́ ní ɣele ma é kɛ́ yɛ̂ɛ m̀ɛnii kɛ̀ a Zerusâlɛŋ-ƃelai.

Danîa 9:12 Referans Kwoze

Izikiɛ 5:9

Yɛ́ tuwɔ pələ ɲɔ̨nŋaa kəlee mąą mɛ̨nį ɓa, gáá pai mɛ̨nį ta lai yɛ́, vɛ́ ta ɲɔ̨nwɔ̨mąn ta kɛ li, a mɛ̨nį yii vá kɛa pənə və́ da kpɛli kɛ.

Woolaa 1:12

Káái ka tɛɛ a bələi ŋɛ̨i, ka ká ɲɛ̨i hee tai, ka kɛɛ kaa! Akɛ, mɔ̨nɔ̨i ŋɛ̨i Yai-Laa aa naa mą́ą́, a ta da laa nu ta ɓa a yələ ta; nwɔ liiholi hvóló hu!

Azaya 44:26

Gɛ́ nwɔ́ tímun hvaa woo pɔ mɛ̨nį lɛɛ mą, gɛ́ nwɔ wɛlɛɛɓo nuą, woo hu nɛ̨ɛ̨, ɲą́ą́ ɓə kɛ Ɉerusalɛmə ɓa: «'Ə́ laa ə hvɛɛ a nu kan», gɛ́ Ɉuda taaɠaa diɛ: «'Ka pɛ̨nɛ̨ ka tɔɔ a nįnɛ̨», yii kpɔ kala, ŋį́ gəlee pu nįnɛ̨ kɔ́lɔi.

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Woolaa 2:13

Lə kpɔ ɓə ŋą́ ə́ kɔ́ɔn mą? Lə kpɔ ɓə gulaa yɛ́; Ɉerusalɛmə, taalee lɛlɛɛ? Gbɛɛ ɓə pai ə́ mąąkɔ̨nwɔ̨i, ə́ ə́ laapilɛ, taalee lɛlɛɛ? Mɛ̨nii naai yɛ́, ɉu kɛnɛ̨i yɛ gboloyá; Gbɛɛ ɓə a pɛli ə́ ɓaloi?

Zôo 12:17

A mɛ̨nį kɔ́lɔn nuą kpɛa kpɛa kili həɠə di yəi, Yɛ kiti tee nuą kɛ a ɓowo nuą.

Lomaŋ 15:8

Gáá moi kaa, Yálá ŋą kulɔ nwoo ɓa laa laa hu ɓə Kristə ə kɛ a Ɉuifəɠaa di wɔ tímun, ə gɛ, mɛ̨nįɠaai Yálá ə naakwɛlanmo di kalaɓɔlɔni diɛ bɔ mɛ̨nį ə kɛ.

Lukə 21:22

Volóɠaa tii hu ɓə Yálá kaa pai nwąną kulɔi la, əgɛ, mɛ̨nįɠaai Yálá laawoo hɛɓɛ́ ə mo nąą ə hvɛɛ.

Markə 13:19

Ə həɠə yɛnɛ̨ɛ̨ pɛli hvóló ɓa ə həli la volói tii ɓa, nuą da mɔ̨nɔ̨ mį́i a nɔwai tii, yii ɲɔ̨nwɔ̨mą hvo ta kɛ li, əlɛɛ, ɲɔ̨nwɔ̨mą hvo pai kɛa kɛi.

Maafîu 24:21

Mąąhɔlɔɓo, mɛ̨nį nwąnąą kpɛa-kpɛaɠaa da kɛ a volói tii, yii ɲɔ̨nwɔ̨man hvo ta kɛ li ə həɠə yɛnɛ̨ɛ̨ kɔ́wɔ tɔɔi lɔwai ɓa, ə həli la ma yələi tii ɓa. Ɛlɛɛ da hvo nwɔ̨nɔ̨ pai kɛi kɛa yili pulu.

Maafîu 5:18

Gáá tɛ̨ą ɓoi kaa, a kɛ yələ kɔ́lɔn, da lɔi da wala ni tɛɛ, mɛ̨nį yiiɠaai bɛ̨ɛ̨ dɔ́n ɉɛɓɛ́ hu, ɉɛɓɛ́ gɔw dɔ̨nɔ̨ kpɛli hva ɉəɠə mą. Gəlee ka kɛ, yɛ pələi bɛ̨ɛ̨ la, ə lɛɛ la ɉu, hvo kɛ li yɛnɛ̨ɛ̨ ɲąą kpɛɛi lɔwai.

Zakari 1:8

Ŋą́ kwɛlɛɛn gɛɛ kaa háá kpįnįi: hulɔnu ta ə ɓo hoo kpɔlu mɛ̨i. Ə kɛ tɔɔni ɓoloon ɉu, wuluɠaa lɔwai, ɛlɛɛ, hooɠaa di kɛ bulu pələ, daɠaa kpɔluɔ, daɠaa hviliiɓoɔ, daɠaa kwəlɛɛ.

Zakari 1:6

Ɛlɛɛ yaan, váá wooɠaa, da gwə́i mɛ̨nįɠaa, a diɛi tii ŋą́ di laa nwɔ́ tínuąi a gwə́i mɛ̨nį hukulɔ nuą di nwuɔ̨, di hvo mɔ̨ɔ̨ həli ka nąnni diɛ? Nąąlɔwai, di yali di pulu, di hvaa mą, diɛ kɛ: Yai-Laa Mɛ̨nį Kəlee ŋą Hééɓomun, ə naa gwəi, yɛ: gaa pai ku hon ɉi, yɛ bələi ku gwɛli la, a ku hiɛ pələ, da ku tuwɔ́ pələ; ɛlɛɛ yaan, bələ kpɔlɔ ɓə aa ku hon na.»

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Izikiɛ 13:6

Gɛɛi da gaa, gaa a lɛɛ, diɛ hvaa a nuą ɓowo pələ, a diɛi tii da kɛ diɛ: ‹Yai-Laa woo ka!› Ɛlɛɛ yaan, Yai-Laa hvo di tí li. Ɛlɛɛ da hee diɛ kɛ Yálá ə di woo pɔ mɛ̨nį kɛ.

Woolaa 4:6

Nwɔ́ nu huwui hɔn aa ɲɔ̨n aa tɛɛ Sodomə nwɛi ɓa. Yai nwun ɲąą ə lɔ a nu ɲɛ̨i yalii mą tanɔ̨n, nu ta hvo pɛli gulɔi ɉu.

Hanwon 8:16

Ɉáálai ɓə ɲɛ̨itɔwɔ nuą da ŋąąwooɓo kɛ la. Ɉáálai ɓə kalanɉonŋąą, nwun nąmįną, da di kɛ mɛ̨nį kɛ la.

Mąątɛ̨nɛ̨ 148:11

yɛnɛ̨ɛ̨ tɔɔɓɛlaa da nu huwu kəlee, ɲɛ̨itɔwɔ nuą da lɔi ɲąąwooɓo nuą kəlee,

Mąątɛ̨nɛ̨ 2:10

Ə həli kɛa kaa, kaai a tɔɔɓɛlaa, 'ka kili hɔlɔɓo, 'ka ka hɔn mąąhvalin, kaai a lɔi ɲąąwooɓo nuą.

Tɔɔɓɛlaa dɔlɔɔ 3:9

Yii mąą nɛ̨ɛ̨ ə́ dɛɛ ə́ wɔ luwɔi pɔ, ya ɓaa: Ə́ kili tɛɛ bɔ, da mɛ̨nį ɲąą kaa, yɛ pɛli mɛ̨nįɠaa gulɔ nɔwai kɔ́lɔn ɉii la, ə gɛ, ə́ wɔ nu kpului ŋɛ̨i mąą mɛ̨nį nwąną yɛ́, ə tɔɔ la di ɲɛ̨itɔwɔ.»

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Ɉeremi 39:16

«'Li, yɛ́ Nubi mun Ɛvɛd-Melɛkə: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálái yɛi: Gáá pai nwóóɠaa pɔ mɛ̨nį kɛi daa ŋɛ̨i ɓa, gɛ́ mɛ̨nį laa mą, nɛlɛɛ hvei, mɛ̨nįɠaai tii kaa pai kɛi ə́ ɲɛ̨i ɓa.

Ɉeremi 44:23

Ɉalááɠaa tii ka kɛi gulɔi, da ka hɔn tii ka gɛ a Yai-Laa, a gɛ mɛ̨nį ka hvo nwoo mɛ̨n ni, ka hvo lɛɛ nwɔ tɔ́n nwoo pulu, da nwɔ tíɓoɠaa, da mɛ̨nįɠaa ə naa ka nwuɔ̨, kɛlɛi yili ɓə gɛ, mɔ̨nɔ̨ yɛ laa kaa, yɛ bələi gaa la yiihu-ee?»

Danîa 12:1

Malaka ə mo mą́ą́, yɛ mą: nąąlɔwai a pa həli, malaka Misɛlə yii gaa a ə́ huwuhu nuą mɛ̨i kaa mun, yɛ ɓo a malaka nwun nąmu, a pa. Nąąlɔwai, a kɛ a liihɛlɛn yii ɲɔ̨nwɔ̨mąn hvo ta kɛ li, ə həɠə yɛnɛ̨ɛ̨ pɛli hvóló ɓa, ə həli la yiihu ɓa. Nąąlɔwai ə́ huwuhu nuą yiiɠaai di laa pɛ̨ɛ̨ yɛnɛ̨ɛ̨ kpɛɛ hvo mą hɛɓɛ́ hu, di nwun maa a ɓo.

Zakari 7:12

Di di kili walawala yɛ Kúwɔ́-kwɛni, di hvo pa nəi di mąąkwɛli woo mɛ̨n, di Yai-Laa Mɛ̨nį Kəlee ŋą Hééɓomun wooɠaa pili, yai gwəi mɛ̨nį hukulɔ nuą di naa həli diɛ. Yai-Laa Mɛ̨nį Kəlee ŋą Hééɓomun lii ə holi kpɔ di pɔ kɛnɛ̨.

Tɔɔɓɛlaa veelɛ 22:16

Mɛ̨nii Yai-Laa ə mo ya ka, yɛ: Gáá pai mąąwɛli mɛ̨nį laai gɛɛnąą ŋɛ̨i ɓa, da nąą nuą, kpɔlɔɔ yɛ bələi ŋɛ̨i ɉɛɓɛ́i ŋɛ̨i Ɉuda tɔɔmun ə gaa ɉu woo kaa la.

Azaya 43:28

Yili ɓə gɛ, ɲą́ą́n gɛ́ ə́ wɔ tɔɔɓɛlaa mąąwiaaɠaai ɓɛlɛ kpɛɛ diɛ, ŋį́ Ɉakɔbə kulɔ a haláá, ŋį́ Israɛlə kɛ a laa puɉu hɛn.