Danîa 8:26 - Yálá laawoo hɛɓɛ (dc)

²⁶ Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Yálá laawoo hɛɓɛ

²⁶ Ɉįi tii ə́ gaa yɛ hvilɛn na yələ wuliiɠaa da yələwalaɠaa diɛ, yili kaa a tɛ̨ą. Ə́ wɛi, mąąnɛ̨ɛ̨ ə́ mɛ̨nįɠaai tii lɛɛ ə́ kwəi, mąąhɔlɔɓo, vilɛn ŋaai mɛ̨nį hu kwɛa ɓa, yii gaa pai kɛi.»

Bible

²⁶ Ŋ̀ele-wûlii da ŋ̀ele-wala zĩ̂ai ŋí, dísu kulâ káa a tɔ̃yâ. Dílɛɛ nɔ́ íkili-ŋa ífe mò núu da ma kpɛ́ni fêi, tãi su-kôyaa a pâi tɛɛ̂i m̀ɛni-ŋai ŋí dílɛɛ pâi kɛ̂i.”

Danîa 8:26 Referans Kwoze

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Danîa 12:9

Ə mo mą́ą́, yɛ mą: «Daniɛlə, yili hvo ə́ liihɛlɛn, nwɛlɛɛ tii mąąnɛ̨ɛ̨ kpɔ ə lɛɛ a noɔ ə lɛɛ la ɉu, ŋaakpɛɛi lɔwai.

Danîa 12:4

Daniɛlə, nwɛlɛɛ ŋɛ̨i lɛɛ yɛ́ tɔ̨nɔ̨ ə́ kwəi; hvo ɉɛɓɛ́ ŋɛ̨i hu mɛ̨nį kulɔ pɔ̨nɔ̨ŋa, gɛɛ ŋaakpɛɛi lɔwai hvo kɛ ɉəlii. Nąąlɔwai a ɉəli nu tamąą da gɔlɔn, di wɔ mɛ̨nį kɔ́lɔn ŋąą ta a pɛlɛ ma kɛnɛ̨.

Danîa 10:14

Yii hu kɛa, ŋą́ pa, ə gɛ, mɛ̨nį pai həlii ə́ huwu ɓa, ŋą́ ɉukulɔ yɛ́, mąąhɔlɔɓo, ɉįi ŋɛ̨i yaa gaa, vilɛn ŋąą nɔwai tii mąą mɛ̨nį ɓa.»

M̀ɛni-lɛɛi 22:10

Yili pulu, yɛ mą́ą́: «Yálá kwəi mɛ̨nį hu wooɠaai ɉɛɓɛ́i ŋɛ̨i hu, 'hvó noo, mąąhɔlɔɓo, ɲələ aa lɛɠɛ.

Izikiɛ 12:27

«Hulɔnu lon, Israɛlə nwɔ pɛlɛ́i a kɛ kɛi diɛ; mɛ̨nįi ə́ ɉulɔnui ŋɛ̨i kaa gaai, tínąą mɛ̨nį hvəli, mɛ̨nį hu kwɛa mɛ̨nį ka tii gaa moi.

M̀ɛni-lɛɛi 10:4

Yii kɛa tii ɲələgbąnąąɠaa woo ə tɔɔ, ŋą́ kɛ bɔ ŋą́ bɛ̨ɛ̨, ŋį́ woo ta mɛ̨n ɲələi, yɛ kɛ mą́ą́: Nwɛlɛɛi ɲələgbaąnąą mɛ̨ihveelɛi di mo, nɛɛ ə́ kwəi a loo mɛ̨nį, 'hvó bɛ̨ɛ̨.

Azaya 24:22

Di kaa pai di pui di kee mɛ̨i nowa hu, di ɓo a luwɔɠaa; diɛ di lɔ gaho ŋą, ɛlɛɛ, ɉu a kwɛa, di di kiti tee.

Danîa 11:2

«Nwɛlɛɛi ŋɛ̨i gáá pai moi yɛ́, mąąnɛ̨ɛ̨ nu ə la na, ya ɓaa: Tɔɔɓɛlaa haaɓa kaa pai di kee mąąhvalin ɉii, Pɛrsə lɔi nwɔ tɔɔ kpəlin hu, nąąn gɛɛnąą kaa pai kɛi a hɛn gɔw Nąmu kɛnɛ̨, ə tɛɛ dɔlɔɔɠaai tii diɛ. Ɓɛlɔwai nwɔ hɛn gɔw kaa pai huwalawala kɛni tɛɛ la bɔ, gaa pai gɛ pələ pɛli, ə gɛ, ə kɔ́ pɛlɛ Grɛkə tɔɔmun ma.