Danîa 7:21 - Yálá laawoo hɛɓɛ (dc)

²¹ Ɲɛ̨́i ə lɛɛ mįnɛ̨i tii ɓa, ə kɔ́ pɛlɛ Yálá nwɔ nuą diɛ, ə yeetɛɛmąą kɛ di mɛ̨i,

Yálá laawoo hɛɓɛ

²¹ Ɲɛ̨́i ə lɛɛ mįnɛ̨i tii ɓa, ə kɔ́ pɛlɛ Yálá nwɔ nuą diɛ, ə yeetɛɛmąą kɛ di mɛ̨i,

Bible

²¹ Tãi ŋá kɛ̀ ǹaa maa kpɛɛ̂i lai, è kɔ́ pɛ̀lɛ Ŋ̀âla-ƃela maa waa-ŋai dîa é díyee mɛi ɣále.

Danîa 7:21 Referans Kwoze

Danîa 12:7

Nui ŋɛ̨i ɉəɠə kwəlɛɛ ə kɛ mą, ə ɲee hveelɛi tɛ yələi, ŋą́ nwoo mɛ̨n yɛ kɛ diɛ: «Ŋą́ gwɛla a Yálái ŋɛ̨i gaa lɔ a vulú yələ kəlee naa hu, gɛ́ diɛ: Hvo kɛli kwɛlan ɉaaɓa da gbulɔ. Mɛ̨nįɠaa ŋɛ̨i kaa pai kpɛɛi a kɛ Yálá nwɔ nuąi di wɔ huwalawala a kala kpɔ tɛ̨ɛ̨tɛ̨ɛ̨.»

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

Danîa 8:24

Nwɔ huwalawala kaa pai kɛnɛ̨i, kɛlaa, ɉuwalawalai tii hva kulɔ gbɔwɔ kpinį hu. Gaa pai kɛi kɛɛ kalai, yii nuą kili hva kɛ mą. Yi lɔpee a ɲee too ɉu, a kɛ, gaa pai huwalawala nuą tamąą tooi, ə lɛɛ, ɲee ə tɛɛ Yálá nwɔ nuąi diɛ.

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.

M̀ɛni-lɛɛi 19:19

Ɛlɛɛ, ŋį́ ɉuwɔi tii kaa, lɔi mɛ̨i tɔɔɓɛlaa da di wɔɔ kɔlaɠaɠaa, di ɲąąkpɔnŋąą diɛ pa kɔ pɛlɛi, ɉoo mɛ̨imun da nwɔ kɔlaɠai ɓa.

Danîa 8:12

Yálá nwɔ nu kpului tii da ɉaláái ŋɛ̨i di kɛi gulɔ a hvoló kəlee, di lɛɛ mįnɛ̨i tii yee mu, nwąnąlɔi tii ə kɛi gulɔ mąą mɛ̨nį ɓa. Mįnɛ̨i tii ə tɛ̨ą too lɔi ɓa, ə yeetɛɛmąą hɔlɔɓo gɛ mɛ̨nįɠaa hu.

Danîa 11:31

Yai tii, gaa pai kɔ́kulááɠaa tɔɔi, ə gɛ, di kɔ́ pɛlɛ Yálá nwɔ taai ŋɛ̨i mąątínɛ̨n ŋąą a hįi ma, di kaa pai mɛlɛkpɛɛ ma. Ɉaláái ŋɛ̨i da gulɔ Yálá ɓa a hvoló kəlee, di kaa pai tɔ́n dɔɔi yili ɓa, di ‹mɛ̨nį kɔ́hɔɓoɔ laa ɉaláá kulɔi.›

Danîa 7:20

Ŋą́ kɛ nwɔ̨nɔ̨ bɔ ŋą́ mɛ̨nį ta kɔ́lɔn yɛ hvilɛn na ɉuwɔi tii mįnɛ̨ kaa pow ma. Ə lɛɛ, dɔ̨nɔ̨i ŋɛ̨i tɔɔ nwun ma, ɉaaɓa diɛ too, ə lɛɛ, mįnɛ̨ tɔ̨nɔ̨i tii ɲɛ̨ikɔw ə kɛ mą yɛ nu, laaləi yɛ ɓo mą, yɛ woo kpɛa-kpɛaɠaa ɓo, yai kɛnɛ̨ ə tɛɛ mɛlaa diɛi.

Danîa 8:9

Mįnɛ̨ nąąn tii, dɔ̨nɔ̨ maapoo ə tɔɔ mą a mįnɛ̨ logolo, mįnɛ̨ lon tii ə kɛnɛ̨ yɛ yɛɛ ɉɛɠɛɛ pələ, yɛ li voló həɠəi pələ, ə lɛɛ yɛ li nɔi lɛlɛɛ hu pələ.