Danîa 6:4 - Yálá laawoo hɛɓɛ (dc)

⁴ Daniɛlə kpinį tii, nwɔ mɛ̨nį kɔ́lɔn ŋąą tɛɛi kɛ nɔi nwun nąmįnąa da nɔi nu kpɛa-kpɛaɠaa diɛ, mąąhɔlɔɓo, gili kɛnɛ̨i kɛ, ə lɛɛ, tɔɔmun ə giliŋąhiɛ yɛ: ə ɉee nwɔ lɔi kəlee nwun na.

Yálá laawoo hɛɓɛ

⁴ Daniɛlə kpinį tii, nwɔ mɛ̨nį kɔ́lɔn ŋąą tɛɛi kɛ nɔi nwun nąmįnąa da nɔi nu kpɛa-kpɛaɠaa diɛ, mąąhɔlɔɓo, gili kɛnɛ̨i kɛ, ə lɛɛ, tɔɔmun ə giliŋąhiɛ yɛ: ə ɉee nwɔ lɔi kəlee nwun na.

Bible

⁴ M̀ɛnii ŋí è gɛ̀ ǹûai ŋí dí tɔ́ɔ Danîa ma. Dí pere sîi támaa kɔ̀ri a gɛɛ líi nyɔ́mɔɔ é pá gâloŋ líi su Danîa mɛni ma, kɛ́lɛ dífe pɔri ní. Dífe wôya mɛni da kélee káa ní gbonôi. Tɔ̃yâ mɛni támaa è kɛ̀ gbonôi, gɛ́ ŋɔtíi-ŋai kɛ̀ ǹɛ́lɛɛ.

Danîa 6:4 Referans Kwoze

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Filipə 2:15

Ə gɛ ka kɛ a nuąi hɔn və diɛ, ka kɛ a Yálá lonni leelee, yiiɠaai di mąą kulɔi hvo diɛ yɛnɛ̨ɛ̨, hulu nuą da nu ɲɔ̨nwɔ̨ɔ̨ɠaa lɔwai. Mąąnɛ̨ɛ̨ ka lən di lɔwai yɛ yələkɔlɔn ɉu pɛmɛ̨lɛ̨n-gɔw.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Lukə 20:20

Di kɛi Jesus mąą hɛŋi, nuą tii kɛi di kpɔɔ kaa yɛ nu mąą nwumɛ̨ɛ̨ɠaa, di nuą tɔɔ Jesus hon mɛ̨nį ɓa vaa woo hu, a mąąni kɛ ta, əgɛ di dɛŋɛn gwɛlɛ nɔi nąmįną da ɲąąwooɓo kɛ nuą?.

Taitɔ 2:8

ə́ hvaa woo mąąhəɠɛɛ mąąkulɔi hvo mą, əgɛ, gu yowo hvo dɔɔi hɔlɔɓo, hvo woo ɲɔ̨n mo gu laa mɛ̨i, nwumɛ̨ ə yɛɛ a nwun.

Maafîu 27:18

Mąąhɔlɔɓo, Pilatə ə gɔlɔn yɛ nuą tii di Jesus hon a tolo, diɛ paa la bɔ.

Ɉeremi 20:10

Gáá nu kpulu nwɔ lalan nwoo mɛ̨n ɉii, ɲɔw kaa həɠəi pələ kəlee. Diɛ kɛ diɛ: «'Ká ɉɔn nwolo mą, ka gu ɉɔn doo mą.» Mɛ́laaɠaa kpɔ kwa diɛni ku kɛ yɛnɛ̨ɛ̨ ɓa, di kaa dóói lɔwai mąąhɛŋii, diɛ kɛ diɛ: «Gaa pai kiɛ gbɔwɔ lɛɛi laa di mowo yɛ nu tunun, gu yee a pɛli kɛa mą; guɔ kɛa gu nwąną kulɔ ma.»

Timote dɔlɔɔ 5:14

Gáá kani bɔ, galaninŋaai a nu nwunuɠaa di pənə, di hilɛ həɠə, di lon gaa, di di wɔ pɛlɛ́i laahɔnmo, di hvo pa nəi pələ tɛɛ gu yowoɠaa di wɔ laa pu ɉu pɔ.

Ikilisiati 4:4

Ŋą́ą́ nwɔ̨nɔ̨ mɛ̨nį takpɛli kaa, ya ɓaa: Mɔ̨nɔ̨i nuą da mįi di kɛ kóló hu, gaa a tolo kulaa, ə gɛ, yii gaa gɛi, ə lɛlɛɛ ə tɛɛ mɛlaa di wɛi ɓa. Yili kaa a kpɛli-kpɛli mɛ̨nį, yɛ nu aa kɛi hvaŋą tənən dɔɔ.

Hanwon 29:27

Bələi lɔ nu ɲɔ̨nwɔ̨ɔ̨ wɛli kpɛɛ la tələnmo nuą diɛ, bələ lɔ ɓə tələnmomun nwɛli kpɛɛ la nwąnąlɔ nuą diɛ.

Nwun mąąɓo 14:4

Samsɔn nee da nąn di kili hvo kɛ ɉu diɛ kɛ Yai-Laa nwɔ mɛ̨nį pɛliɛ li, ə gɛ, Samsɔn ə li ə hvaa tee Filisti nuą diɛ. Nąąlɔwai, Filisti nuą ɓə kɛ di heɛ Israɛlə nuą mɛ̨i.

Zɛnɛse 43:18

Ɓɛlɔwai Ɉosɛfə nwɔ nui tii ə kɛ la diɛ: «Ka lɔ bɛlɛn», di ɲɔw kpɔ kɛnɛ̨, diɛ kɛ di kee ɓa: «Nwali hiɛ lɛɛ gu tiɛ̨ɠaa hu, mąą mɛ̨nį ka ŋɛ̨i daa gu lɔ la ɓɛ bɛlɛ́n, əgɛ, di gu hon a luwɔɠaa.»

Korɛntə veelɛ 11:12

Ɛlɛɛ, bələi ŋɛ̨i gáá gɛi la, bələ lɔ ɓə nwɔ̨nɔ̨ gáá pai gɛi, əgɛ, nuąi di kpɔwɔ mąątɛ̨nɛ̨ wɛlikaa diɛ, ŋą́ yili giliŋąhiɛ kulɔ di yəi, a diɛi da di kpɔwɔ kaa, yɛ kuɔ.

Ɉaan 19:4

Pilatə ə pənə ə kulɔ ɲɛ̨nɛ̨ɛ̨ yɛ Ɉuifəɠaa diɛ: «'Ka tɔɔ, ŋį́ paa la, ə gɛ, ka gɔlɔn kaa və́ hɔn nɔpee ta kaa li mą.»

Lukə 22:2

Ɉalaa laa həli nuą kpɛa-kpɛa da dɔ́n galamɔ̨ɔ̨ɠaa di kɛi Jesus paa pələ kwɛli. Kɛlaa, di kɛi ɲɔw nuą diɛ.

Maafîu 26:4

Pələi mąąnɛ̨ɛ̨ di Jesus hon na loo hu di baa.

Danîa 3:8

Nąąlɔwai tii hu kpɔlɔɔ, Kalde nuą taɠaa, də li di Ɉuifəɠaa maa ɲaba lɔ.

Ɉeremi 18:23

Kɛlaa yɛ́i a Yai-Laa, ə́ di kwəi kili ɲɔ̨nwɔi tii kɔ́lɔn, yɛ hvilɛn na mą́ą́. 'Hvó nɛ̨ŋɛ̨n tii mąąhvaalɛɛ diɛ, 'hvó di wɔ nɛ̨ŋɛ̨n tii hu pu ə́ ɲɛ̨i mu. 'Gɛ di too ə́ ɲɛ̨i mu, 'hee di hu a ə́ wɔ liiholi yələ.

Ɉeremi 18:18

Nuą di kɛ laa diɛ kɛ diɛ: «Ka gu gilima həɠə Ɉeremi ɓa, gu hvo pai hvɛɠɛi a gu mąą kwɛli mun, a gu liɛwoo ɓomun, a Yálá kwəi mɛ̨nį hukulɔ mun. Ka gwəli gu mɛlɛtoo a naa kala pələ, gu hvo gu wəli tɔɔ nwoo ɓa.»

Samuɛlə dɔlɔɔ 22:14

Ahimelɛkə ə tɔɔmun nwoo pulu pənə yɛ mą: «Ə́ wɔ tínuą lɔwai, nu ta kaa laa yii ya pɛli ə́ kilitɔɔi mą, yɛ həli Davidə pɔ? Davidə kaa a tɔɔmun mɔlɔ, ya ɓə a ə́ kpįnį mąą kpɛ, diɛ mąąwiɛ ə́ yəi bɛlɛ́n.

Samuɛlə dɔlɔɔ 18:14

Gɔɠaai kpɔ ə kɛi doo, ə kɛi nɛ̨ɛ̨ mą; ə lɛɛ, Yai-Laa ə kɛ Davidə pɔ.

Lukə 20:26

Di hvo pɛli di ɉon ɉii nwooɠaa tii ta hu nuą ɲɛ̨i ɓa. Kɛlaa, yaamun, nwɔ woo pulu pənə ə di kwəi pili diɛ, da hvo pɛli hvaai.

Ɉeremi 29:7

Daa tii ka tɛɛ ɉu, mąą liihɛlɛn ə too kaa, ka Yai-La hvɛli daa tii mąą mɛ̨nį ɓa. Daa tii a kɛ nɛ̨ɛ̨hu, kaa kpɛli ka kɛ laa ka nɛ̨ɛ̨hu.

Danîa 6:22

Daniɛlə ə tɔɔmun nwoo ŋąąpənə, yɛ mą: «Oo Tɔɔmun, ə́ yii ə kwɛa, kɛi a mo tii Yálá ə kɛ!

Zɛnɛse 41:38

Tɔɔmun yɛ ɲee pɔ nuą diɛ: «Yálá nwɔ Kilii kaa nui ŋɛ̨i yəi, a kɛ tii, gwa nɛɛ laa, gwa pɛli kɛa nu takpɛli hɔlɔɓoi ə tɛɛ yaa ŋɛ̨i mą?»

Samuɛlə dɔlɔɔ 12:4

Nuą diɛ Samuɛlə ɓa: «Hvo ə yee pənə li ku hu, hvo too li ku mɛ̨i, hvo hɛn gulɔ li nu ta yəi.»

Danîa 5:12

Daniɛlə ŋɛ̨i tɔɔmu ə naa mɛ̨i hee a Bɛltsasarə, gili kɛnɛ̨ mɛ̨nį kɔ́lɔn ŋąą hu, nwun ɲɛ ɓo ɉu, a pɛli hiinɠaa hukulɔi, a pɛli hanwonŋaa hukulɔi, mɛ̨nį yii nwalawalaa, a ɉon bələ kpaɠala lɛ. Ka Daniɛlə tii təli, a pɛli mą ə mɛ̨nį ta ɓo mɛ̨nį ŋɛ̨i hu.»