Danîa 6:3 - Yálá laawoo hɛɓɛ (dc)

³ Ə nwun nąmįnąa haaɓa hee nuąi tii kəlee nwun na. Nu haaɓai tii dɔ̨nɔ̨ ɓa kɛ a Daniɛlə. Daniɛlə tii ɓə mąąnɛ̨ɛ̨ kɛ nu kpɛa-kpɛaɠaai tii kəlee diɛ pa diɛ nɔi mɛ̨nįɠaa hu lɛ mą, ə gɛ, nuą di hvo pa kɛ tɔɔmun ɲəi hɛnŋaa kalai.

Yálá laawoo hɛɓɛ

³ Ə nwun nąmįnąa haaɓa hee nuąi tii kəlee nwun na. Nu haaɓai tii dɔ̨nɔ̨ ɓa kɛ a Daniɛlə. Daniɛlə tii ɓə mąąnɛ̨ɛ̨ kɛ nu kpɛa-kpɛaɠaai tii kəlee diɛ pa diɛ nɔi mɛ̨nįɠaa hu lɛ mą, ə gɛ, nuą di hvo pa kɛ tɔɔmun ɲəi hɛnŋaa kalai.

Bible

³ Danîa ŋɔtíi kɛ́-perei è kɛ̀ a ǹɛ́lɛɛ é tɛ́ɛ díi kɛ́-ƃelai gbéli-ŋai dîa. Nya ƃe gâloŋ è gbɛ̀tɛ a gɛɛ é gɛ́ a díkelee dímɛi-nuu.

Danîa 6:3 Referans Kwoze

Danîa 5:14

Ŋą́ą́ mɛ̨nį ta mɛ̨n ə́ mąą mɛ̨nį hu, diɛ alaɠaa nii kaa ə́ mɛ̨i, ə lɛɛ, nwun gɛ ɉu mɛ̨nį da kili mɛ̨nį huponoɔ yii hvo yɛ nuą di wɛi, yɛ ɓo ə́ yəi.

Hanwon 22:29

Yá nu kaa ɲɛlɛɛ di kɛ koló hu, hva lɛɛ noo pələi, Gaa pai kɛi a tɔɔɓɛlaa di wɔ tímun.

Danîa 5:12

Daniɛlə ŋɛ̨i tɔɔmu ə naa mɛ̨i hee a Bɛltsasarə, gili kɛnɛ̨ mɛ̨nį kɔ́lɔn ŋąą hu, nwun ɲɛ ɓo ɉu, a pɛli hiinɠaa hukulɔi, a pɛli hanwonŋaa hukulɔi, mɛ̨nį yii nwalawalaa, a ɉon bələ kpaɠala lɛ. Ka Daniɛlə tii təli, a pɛli mą ə mɛ̨nį ta ɓo mɛ̨nį ŋɛ̨i hu.»

Danîa 9:23

Ɓɛlɔwai tii ə́ gɔwɔ tɔɔ la yɛ Yálá mąąnɛ̨ɛ̨, Yálá ə wɛlɛɛ ta ɓo ya ɓə ŋą́ pa moi yɛ́, mąąhɔlɔɓo, ə́ wɛli kaa Yálá ɓa. Tɔɔ a ə́ nwąnąąi, ə́ nwɛlɛɛ ŋɛ̨i mɛ̨n, gɛɛ ŋɛ̨i yaa gaa, ə́ mukulaa kaa.

Hanwon 17:27

Nui a nɛn dɔɔ vaa woo tɔwɔ, mąą nu kaa a mɛ̨nį kɔ́lɔnmun. Nui hva kpuluun a mɛ̨nį, mɛ̨nį ɲąą kaamun ni.

Ikilisiati 2:13

Yili kəlee hu, ŋą́ gaa, gɛ́ diɛ: Kili hviɛlaɓoɔi kilikpɛɛgwəi ɓa, yɛ bələi kpɔlɔɔ kɛɛ pɔ̨nɔ̨ hviɛlaɓoɔi la dɛɛ kpinį ɓa.

Nehemi 7:2

Ŋą́ mo di ną́n non Hanani hee a Ɉerusalɛmə ŋąąwoo ɓomun, da Hanania yai kɛ a daa mąąkpɛ pɛlɛ ŋąąwoo ɓomun, ə kɛ a nui a kulɔ nwoo ɓa yɛ ɲɔw Yálá ɓa dɛɛ nu tamąą diɛ.

Danîa 5:7

Tɔɔmun ə tomą kpɔ a nwoo kɛnɛ̨ yɛ diɛ: «Ka mo, nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ da Kilimąą nuą, ə lɛɛ da tɔlikpɛ nuą di pa.» Tɔɔmun ə mo Babilonə Kilimąą nuą tii diɛ, yɛ diɛ: «Nui lɔpee, ɉɛɓɛ́i ŋɛ̨i bɛ̨ɛ̨ bɛlɛ ɓa, a pɛli moi, ə ɉukulɔ mą́ą́, ŋą́ nini kɔ́lɔ həɠə too gwąną, ŋą́ hɛni kwɛɛn doo gwąną, ə lɛɛ, mąą nu a tɔɔi ɉaaɓa kɛɛnąą hɔlɔɓo nwɔ́ tɔɔlaai hu.»

Ɛsdrasə 4:22

Mɛ̨nįi ŋɛ̨i ŋį́ bɛ̨ɛ̨, ka hvo dɔ̨nɔ̨ kpɛli too ka kɔ́wɔ pɔ, ə gɛ, mɛ̨nį ɲɔ̨n tii hvo pa kɛnɛ̨, hvo pɔn bɛlɛ dɔɔ laa ɓa.»