Danîa 6:28 - Yálá laawoo hɛɓɛ (dc)

²⁸ Ya ɓə a nu nwun mąąɓo, yɛ gulɔ haa hu. Ya ɓə a kpalo mɛ̨nį kɛ, da kwəi pili mąa mɛ̨nįɠaa, yələkɔlɔn ɉu, da lɔi mɛ̨i. Ya ɓə Daniɛlə nwun mąąɓo, Ya bə gulɔ yalaɠaa yəi.»

Yálá laawoo hɛɓɛ

²⁸ Ya ɓə a nu nwun mąąɓo, yɛ gulɔ haa hu. Ya ɓə a kpalo mɛ̨nį kɛ, da kwəi pili mąa mɛ̨nįɠaa, yələkɔlɔn ɉu, da lɔi mɛ̨i. Ya ɓə Daniɛlə nwun mąąɓo, Ya bə gulɔ yalaɠaa yəi.»

Bible

²⁸ Danîa kɛ́ mɛni kélee è ƃûu ƃò Gâloŋ Dairɔ da Pɛsia kaloŋ Sarɔ dítãi ma.

Danîa 6:28 Referans Kwoze

Danîa 1:21

Daniɛlə ə kɛ tɔɔmu bɔ, ə lɛɛ la ɉu, ɓɛlɔwai Sirusə ə kɛ la a nɔi nwun nąmu nąąlɔwai ə ɉəli.

Kɔlɔnikɔ Veerɛi 36:22

Ya ɓə, Pɛrsə tɔɔmun Sirusə ŋą tɔɔlaa gwɛlan dɔlɔɔ yee mu, əgɛ mɛ̨nįi ŋɛ̨i Yai-Laa ə mo Ɉeremi laaləi, naa ə hon, Yai-Laa ə Pɛrsə tɔɔmun Sirusə kiliŋą pɔ̨nɔ̨, əgɛ, di bɛ̨ɛ̨ a hɛɓɛ́, di nolo ɓo, ɓɛi kpɔ ŋą tɔɔlaa ə həli laa, diɛ mą:

Azaya 44:28

Ɲą́ą́ ɓə ŋą́ kɛ Sirusə ɓa: «Yɛ́ ɓə a nwɔ́ taatɛlɛɛi mɛ̨imun!» Gaa pai nííɓa mɛ̨nįɠaa kəlee ɲɛ̨i kulɔi, Gaa pai kɛi Ɉerusalɛmə ɓa: «'Ə́ pɛ̨nɛ̨ ə tɔɔ!» Ɛlɛɛ yɛ kɛ diɛ: «'Ka pɛ̨nɛ̨ ka Yálá nwɔ pɛlɛ́i hvilɛn a nįnɛ̨!»

Danîa 10:1

Pɛrsə mun ŋɛ̨i ka kɛ mą Sirusə, yai kɛ a nɔi nwun nąmu, nwɔ tɔɔlaa gwɛlan ɉaaɓa lɔwai, Yálá nwɔ wɛlɛɛ ɓomun da ə wɛlɛɛ ta ɓo Daniɛlə ɓa, yaai naa mɛ̨i hee ɓaa Bɛltsasarə. Nwɛlɛɛi tii ə kɛ a wɛlɛɛ yii mąąnɛ̨ɛ̨ nu ə laa na, mąąhɔlɔɓo, gaa kɔ́ kpɔluɔ mąą mɛ̨nį ɓoi. Daniɛlə ə giliŋąhiɛ, ə ɉįi tii mukulaa kaa.

Kɔlɔnikɔ Veerɛi 36:23

«Pɛrsə tɔɔmun Sirusə woo ka, yɛ: Yələ kɔ́lɔn ɉu Yálá Yai-Laa, aa yɛnɛ̨ɛ̨ ɓɛ tɔɔlaaɠaa kəlee tɛɛ bɔ́! Ya ɓə, Yaa kpįnįi tii, yɛ, ŋį́ pɛlɛ́ tɔɔ mą Ɉerusalɛmə yai gaa Ɉuda lɔi hu. Ká nɛlɛ ɓə gaa a Ɲálái tii ŋą nu huwu ta? Gɛ́, nwɔɔ Yálái Yai-Laa ə lɛɛ bɔ, mąą nui ə tɛɛ ə li Ɉerusalɛmə daai!»

Danîa 5:28

‹Parsin› mukulaa ɓaa: Di kaa pai ə́ wɔ tɔɔlaai ɲąąkwɛlɛi Medi nuą, da Pɛrsə nuą di lɔwai.»

Mąątɛ̨nɛ̨ 77:15

Yɛ́ ɓə a kpalo mɛ̨nįɠaa kɛ Yálá, Ə́ ə́ wɔ huwala walalaai lɛ nuą diɛ.

Ɉeremi 32:20

«Ə́ kpalo mɛ̨nįɠaa da mɛ̨nį kpɛa kpɛa kɛ Eziptə lɔi hu, dɔlɔ kaa ni kuɔ, háá ɓa háá, yaa ə́ kpɔɔ laa tɛ Israɛlə lɔi hu, da yɛnɛ̨ɛ̨ nuą lɔwai. Ku ɲɛ̨i ɓa mɛ̨nį li háákələi.

Danîa 3:29

Ə həɠə yiihu ɓa, tɔ́n yii gáá dɔɔi, ya ka: Gɛ́ nui lɔpee gəlee, hįi lɔpee, hįi woo lɔpee gəlee ɓo nuą, nui a woo ɲɔ̨n mo a Sadrakə, Mesakə da Abɛdə-Nego ni di wɔ Yálái laa, da mąą nu hu tee-tee, di nwɔ pɛlɛ́i pu, naa ə lɛɛ, a tulun ŋą. Mąąhɔlɔɓo, di wɔ Yálái yaa tɔ̨nɔ̨ ɓə a pɛli nu nwun mąąɓoi.»