Danîa 6:27 - Yálá laawoo hɛɓɛ (dc)

²⁷ Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Yálá laawoo hɛɓɛ

²⁷ Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Bible

²⁷ A núu ŋuŋ ma ƃò é m̀álo. A ŋɛi-kɛ́ maa da zu-gbɛlɛ-gbɛlɛ kɛ̀ ŋ̀elei su da ǹɔii ma. Ǹyaa ƃe Danîa ŋuŋ ma ƃò ǹyala-sulu-ŋai yêei.”

Danîa 6:27 Referans Kwoze

Gɛlaɠaa 4:30

Ə yee haŋą, ə gɛ, kpalo mɛ̨nį da kwəi pilimąą mɛ̨nįɠaa di kɛ ə́ nwɔ tímun Jesus laa hu.»

Mąątɛ̨nɛ̨ 97:10

Kaai Yai-Laa wɛli kaa kaa! 'Ka mɛ̨nį ɲɔ̨n nwɛli kpɛɛ kaa, a nwɔ tələnmo nuą di wɔ yɛnɛ̨ɛ̨ laa hɔn mo, yɛ di kulɔ nwąnąlɔ nuąi yəi.

Mąątɛ̨nɛ̨ 18:50

Yili mąą mɛ̨nį ɓa, Yai-laa! Ŋą́ Ə́ mąmąɓo yɛnɛ̨ɛ̨ hį́iɠaa kəlee lɔwai; gɛ́ ə́ laa too a wələ.

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Mąątɛ̨nɛ̨ 35:17

Yai-Laa, ə́ kaa lɔ nąą kaai ɓəi? Nwɔ́ yɛnɛ̨ɛ̨ kulɔ mɔ̨nɔ̨ kɛnɛ̨i ɲɛ̨i hu wɛ! 'Gúlɔ ɲalaɠaai ɲɛ̨i yəi.

Mąątɛ̨nɛ̨ 32:7

Ə́ kaa ɲə́i a mą́ą́kilɛi, yá kpɛąn gwə́i pilimąą mɛ̨nįɠaa tɔwɔ; yɛ́ mą́ą́tínɛ̨n a nwun mąąɓo wələɠaa.

Mąątɛ̨nɛ̨ 18:48

Ɲálái tii ɓə a gɛ gɛ́ nwąną kulɔ, yɛ lɔiɠaa lɔ ɲéé mu.

Zôo 36:15

Nui daa hee mɛ̨i, Yálá a gulɔ mɔ̨nɔ̨ hu, a gilaa pɔ̨nɔ̨ nwɔ mɔ̨nɔ̨i hu.

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!

Ɉaan 4:48

Jesus yɛ mą: «Ka hva pɛli laa na laa kɛi a kɛ ka hvo kpalo mɛ̨nįɠaa kaa li.»

Danîa 6:20

Yələ ɓɔi lɔwai, tɔɔmun ə homo ɲala kwənąn naaləi.

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Mąątɛ̨nɛ̨ 145:13

Ə́ wɔ Tɔɔlaa kaa a yələ kəlee tɔɔlaa, ə́ wɔ heeɓolaa a lamun a kwɛlan gəlee da nwɔɔ.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 4:31

Gwɛlan mɛ̨ihveelɛi tii tɛɛ pulu, ɲą́ą́ Nabukodonosorə, ŋą́ ɲɛ̨i hee yələi, nu kili ə pa mą́ą́, Yálá yii gaa hɛn gəlee nwun mɛ̨i, ŋą́ mąąwiɛ tɛɛ bɔ. Yálá ŋɛ̨i haa hvo mą, yaai nwɔ yeetɛɛmąą kaa hɛn gəlee mɛ̨i, yaai nwɔ tɔɔlaa kpɛɛ hvo mą, ŋą́ kɛnɛ̨ laa da mąąwiɛ tɛɛ bɔ.