Danîa 6:23 - Yálá laawoo hɛɓɛ (dc)

²³ Ee! Nwɔ́ Yálái ə nwɔ malaka tɔɔ, ə pa ə ɲalaɠaa laaləi hon, di hvo mɛ̨nį lɔpee ta kɛ a ɲą́ą́. Mąąhɔlɔɓo, hvo kɛ ɉɔn gaa li mɛ̨nįi ŋɛ̨i hu, ə lɛɛ, və́ nwɔ̨nɔ̨ a hɔn maa mun ə́ ɲɛ̨i ɓa. Oo nwɔ́ Tɔɔmun, və́ kɛ mɛ̨nį ɲɔ̨n gɛ li.»

Yálá laawoo hɛɓɛ

²³ Ee! Nwɔ́ Yálái ə nwɔ malaka tɔɔ, ə pa ə ɲalaɠaa laaləi hon, di hvo mɛ̨nį lɔpee ta kɛ a ɲą́ą́. Mąąhɔlɔɓo, hvo kɛ ɉɔn gaa li mɛ̨nįi ŋɛ̨i hu, ə lɛɛ, və́ nwɔ̨nɔ̨ a hɔn maa mun ə́ ɲɛ̨i ɓa. Oo nwɔ́ Tɔɔmun, və́ kɛ mɛ̨nį ɲɔ̨n gɛ li.»

Bible

²³ Gâloŋ líi è nɛ̃ɛ é ŋ̀óo tɛ́ɛ a gɛɛ dí Danîa kula ǹyala-sulu loai su. Tãi dí gùla la naai, pɔ́ɔ da fé kɛ́ ní gɔlɔ ma, kpɛ́ni fêi, è kɛ̀ a ǹáa a Ŋɔɣâlai.

Danîa 6:23 Referans Kwoze

Kɔlɔnikɔ Maa-ŋuŋ 5:20

Gɔi tii mɛ̨i ɓə di wɔlɔ laa Yálá ɓa, ə kpɔnmąą tɛɛ di pɔ, di yee ə tɛɛ di yowoɠaa diɛ, hvó gaai di kilitɔɔi kɛ Yálá ɓa. Di Hagri hon a kɔ́, da di yee pɔwaa kəlee.

Danîa 3:25

Tɔɔmun ə pənə yɛ diɛ: «Yaan, nu nąąn mə gáá gaai laa nwɔ̨n ɉu, diɛ hiɛ, di naa ta hvo yili li, nwɔ̨n bɔɔ kpɛli hvo diɛ. Di nąąn gɛɛnąą tii, ɲɛ̨ilaai kaa yɛ alaɠaa lon ɉulɔnu.»

Markə 9:23

Jesus yɛ mą: «Ə kaa kɛi mą́ą́: ‹Akɛ yá pɛli mą.› Nui laa na laa kaa ɲei, mɛ̨nį kəlee a pɛli kɛi ɲɛ̨i.»

Danîa 6:18

Nąąlɔwai, di Daniɛlə pili ɲala kwənąn ɉu, di hvɛni kpuwulu kɛnɛ̨ laa gwənan naaləi. Tɔɔmun ə ɲee ɓa gbono kulɔ, ə bɔɔ laa gwɛni ɓa, da nwɔ nu kpɛa-kpɛaɠaai yee ɓa gbonoɠaa, ya ɓə a nɛ yɛ: mɛ̨nį lɔpee ta maa hva hvalin Daniɛlə mąą mɛ̨nį hu.

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Hanwon 18:10

Yai-Laa laa kaa a nu mąąkpɛɛ hįi. Nu haŋąą a noo ɉu, mɛ̨nį ta hva ɉɔlɔɓo.

Mąątɛ̨nɛ̨ 37:40

Yai-Laa a di mąąkpɔn mąąɓo; yɛ di yee la hvólóon, a di kulɔ nu ɲɔ̨nwɔ̨ɔ̨ɠaa yəi; yɛ di ɓalo, mąąhɔlɔɓo, Yai-Laa ɓə di gɛ a di mąąkilɛi.

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Hebreu 11:33

a diɛi, laa na laa háálai, di yee ə tɛɛ tɔɔ lɔi tamąą ɓa, di tələnmolaa pɔ túwɔ́ ɓo, di mɛ̨nį laakwɛlanmoɔɠaa kaa, di laa yɛ hon, diɛ yalaɠaa laaləi hon,

Danîa 6:14

Di pənə nwɔ̨nɔ̨ di mo tɔɔmun ma, diɛ mą: «Nuwɔɠaa ŋɛ̨i di həɠə a diɛ Ɉuda lɔi hu, dɔ̨nɔ̨ kaa di lɔwai, diɛ kɛ naa ɓaa: Daniɛlə; oo Tɔɔmun, hvo ə́ woo kaa li a mɛ̨nį walawala, hvo dɔ́n ɉon ni. A kɛ Yálá hvɛlii gee mɛ̨i haaɓa hvóló tɔ̨nɔ̨ kuu mu.»

Tɔɔɓɛlaa dɔlɔɔ 5:7

Nɔi ɲąąwooɓo nuą tii ɓə kɛi Salomɔn gɔ̨nɔ̨n gɛ, da nuąi kpɔ kɛi di yee lɔ kɔ́wɔ tɔ̨nɔ̨ hu. Nɔi ɲąąwoo tii di hvo kɛi nɛɛ laa, Salomɔn hvo hvɛɠɛ a hɛn nɔpee ta.

Lɛɛ gbɔwɔ ɓa 18:9

Mɛ̨inɛ̨ɛ̨ kpɔ Yai-Laa ə gɛ Israɛlə nuą diɛ, yɛ di kulɔ Eziptə luwɔlaa hu, Ɉetro kwəi ə nɛ̨ɛ̨, mąą mɛ̨nį ɓa.

Danîa 3:17

Akɛ mąąnɛ̨ɛ̨ ə́ ku pili vuulu nwɔ̨n tii hui, Yálái ŋɛ̨i ku kaa tiɓo kɛi ma, a pɛli ə ku kulɔ laa, ə ku kulɔ nwɔ̨nɔ̨ ə́ yee mu.

Mąątɛ̨nɛ̨ 18:21

Yai-Laa a ɉón yɛ bələi nwɔ́ tələnmolaa kaa la, bələi lɔ ɲéé mąąhəɠɛɛ la, bələ lɔ ɓə a və́la kulɔ la;