Danîa 6:10 - Yálá laawoo hɛɓɛ (dc)

¹⁰ Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Yálá laawoo hɛɓɛ

¹⁰ Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Bible

¹⁰ Tãi Danîa è gɔ̀lɔŋ la a gɛɛ da m̀ɛnii ŋí maa tɔ̂ŋ pɔ̃yɛ kɔlɔ mai, è tɛ̀ ŋɔpɛ́rɛi ŋ̀elêi-pere ƃɛ́i ǹaa wona-ŋai lá è kɛ̀ a m̀óɔɔ Zerusâlɛŋ perei. È pìlaŋ ŋ̀úgbe ŋá é Ɣâla fɛli. A kâa gɛ̀ tí gîei saaƃa fólo ma gɛ́ sɛɣɛi-fei tɛ̀ɛ Ɣâla pɔ́ yɛ̂ɛ berei a kâa gɛ̀ la a bɔlɔi.

Danîa 6:10 Referans Kwoze

Mąątɛ̨nɛ̨ 55:17

Nwɛ́i Yálá ɓə gáá nwóó tɛi bɔ pələ, ɛlɛɛ, Yai-Laa ɓə a nwún mąąɓo.

Gɛlaɠaa 5:29

Kɛlaa, Piɛrə da mɛlan di di woo ŋąapənə, diɛ mą: «Mąąnɛ̨ɛ̨ nu ə Yálá woo hon ə tɛɛ nu woo ɓa.

Mąątɛ̨nɛ̨ 95:6

'Ka lɔ! 'Ka gu gu mąą pɛlɛ, 'ka gu kwɛli hvilɛn mą. 'Ka gu pu gu kpəlin na, gu pɛli Yálá, Yai-Laa lii la!

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Filipə 4:6

'Ká hvo ka liihɛlɛn a mɛ̨nį lɔpee ta, kɛlaa mɛ̨nį kəlee hu, ká ká mąąkąnŋaa laa həli Yálá ɓa, a nɛ̨ɛ̨mąą woo, 'káá mąąnɛ̨ɛ̨, 'káá mąątɛ̨nɛ̨, káá ɉɛɠɛɛ ɓo.

Mąątɛ̨nɛ̨ 34:1

Davidə nwɔ wələ. Ɲələi Davidə ə gbɔwɔ kɛ la a ɓowomun Abimelɛkə ɲɛ̨i ɓa, yili yɛ gbɛ, Davidə yɛ həɠə laa.

Mąątɛ̨nɛ̨ 5:7

Ya lɛɛnuą nwun na pili, ɲąmą pumun, mɛ̨nį piliɉumun, Yai-Laa a yowolaa kulɔ a diɛ.

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.

Zôna 2:4

Ə́ bíli gboloyá hu, ŋą́ yɛɛ kpɔ ɲá kpon ɉu, ɲá ə mą́ą́ tinɛ̨n nąą kəlee; ə́ ɲáɠilin da ɲá hvuluun dɛɛ mɛ̨́i.

Tɔɔɓɛlaa dɔlɔɔ 8:54

Vɛli ɓo wooɠaa tii kəlee da nɛ̨ɛ̨mąą hvə wooɠaa tii kəlee, Salomɔn ə naa həli Yai-Laa ɓa, a nwoo laa kulɔi. Salomɔn ə gɛ puu ni Yai-Laa nwɔ haláá kulɔi lííla ɲeeɠaa tɛɛ ɲələi pələ, ə muhəɠə,

Tɔɔɓɛlaa dɔlɔɔ 8:44

«Ə́ wɔ nu huwui aa kɛi pa lii kɔ́ pɛlɛi ɲowoɠaa diɛ, yɛ ɉon a bələi ə́ kaa pai nɛi mą, da ə́ hvɛli daai ə́ ɉəɠə ɉu bɔ pələ, da bɛlɛ́i ŋą́ dɔɔ ə́ laa mąą mɛ̨nį ɓa,

Ifisiɛŋ 3:14

Yili mąą mɛ̨nį ɓə gɛi, ŋą́ kɛ pui la nwúngbə la Ną́n Yálá ɲɛ̨i ɓa,

Gɛlaɠaa 10:9

Mąą yələ laaɓoɔ, ɓɛlɔwai di kɛi li la Ɉope daai, di lɛɠɛɛ kɛa daa kpala, ə kɛ a hvoló tɛɛ nwun ma lɔwai, Piɛrə ə tɛ ɲələi pɛlɛ́ ɲįmąn mu, yɛ Yálá hvɛli.

Danîa 6:13

Yili pulu, də li, dɔ́n ŋɛ̨i da tɔɔmun ni di dɔɔ, di pənə di ɉu lɛ tɔɔmun ma, diɛ mą: «Kuɔ tɔɔmun, kɛlɛi yɛ́ kpinįi ɓə ə́ yee pɔɔ too dɔ́n ŋɛ̨i hu-e! Yaai moɔi yɛ kɛ mą: ‹Holo pow haaɓa kuu mu, nui a kwɛli hvilɛn ala takpɛli ɓa, a wala kɛ tii nu ta ɓa, akɛ yɛ́ tɔɔmun yɛ́ hvəi, da mąą nu pili yala kwənąn ɉu?›» Tɔɔmun ə di woo ŋąąpənə, yɛ diɛ: «Pələ ɓə gu mo la. Gaa a Medi nuą da Pɛrsə nuą di wɔ tɔ́n, hva həɠə mą.»

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Tɔɔɓɛlaa dɔlɔɔ 8:38

Vɛli ɓo nwun ə kɛ a mɛ̨nįi lɔpee, ə kɛ a mɛ̨nį huwui lɔpee gəlee mąą nɛ̨ɛ̨mąą hvə nwun, mąą nu ə kɛ a ə́ wɔ nu huwui Israɛlə mun da, mąą nu kili a pu ɉu yɛ kɛ mɔ̨nɔ̨i tii naa mɛ̨i ɉutɔɔ mɔ̨nɔ̨ li, mɔ̨nɔ̨i tii a kpanwo niiɓa, mąą nu a ɲɛ̨i tinɛ̨n bɛlɛ́i ŋɛ̨i pɔ pələ, ə́ ə́ hvɛli;

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Gɛlaɠaa 20:36

Yii kɛa Polə ə nwooɠaai ti ɓo diɛ, ə pu gbəlin na, da diɛni di Yálá hvɛli.

Nehemi 6:11

Gɛ́ mą: «Ɲą́ą́! Ɲɔ́nwɔ̨ma a moɔ pu? Nu ləi ɓaa ɲą́ą́ yaai, ŋį́ pɛli lɔi Yálá hee pɛlɛ́ mu, gɛ́ lɛɛ a vúlú? Və́ lɔi laa.»

Kɔlɔnikɔ Veerɛi 6:38

da pənə da pa Ə́ pɔ a di kwəi kwəlɛɛ, a di lii kəlee, ɓɛi tii di li laa a diɛ nuwɔlaa hu, da Ə́ hvɛli di ɲɛ̨i tínɛ̨nŋąą di wɔ lɔi pɔ pələ, a nɔi ɲɛ̨i Ə́ dɛɛ di nąnni pɔ, daai Ə́ gɛ a Ə́ liiɓa taa bɔ pələ, da Bɛlɛ ɲɛ̨i ŋį́ dɔɔ Ə́ Laa ɓa bɔ Pələ;

M̀ɛni-lɛɛi 2:13

Ɓɛi ə́ heɛ kaa laa, ŋį́ nąą kɔlɔn, nąą lɔ ɓə ɓilihi nwɔ tɔɔkpəlin gaa laa. Kɛlaa, yáá ə́ yee kąną náá ɓa, ɛlɛɛ, hvó lənə li nwɔ́ pələi ɓa, ə mą kɛ, a vólóɠaai di kɛli nwɔ́ kɛla tələnmoɔ Antipasə paa la, ká pɔɔli, ɓɛi ɓilihi aa ɉeei kulɔ laa.

Filipə 1:14

Gɛ́ mɛ̨nį gaho ɲą, yili aa gu nąn nonnii tamąą di wɔɔ liikpələ ta kɛ mą, gu Ną́mu hu, di hva ɲɔw Yálá lawoo laa həli.

Gɛlaɠaa 21:5

Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Gɛlaɠaa 5:20

Ka li Yálá hee pɛlɛ́ mu, 'ká nu ɓalo woo ŋɛ̨i laa həli nɔi lonnii kəlee diɛ.

Gɛlaɠaa 4:29

Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔw wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Gɛlaɠaa 3:1

Hvóló mąąlaa pɛlɛ kɔ́n nįnįn da wolo kwɛa, Piɛrə da Ɉaan də li Yálá hee pɛlɛ́ mu Yálá hvɛli mɛ̨nį ɓa.

Gɛlaɠaa 2:15

Nuąi ŋɛ̨i di hvo a lɔɔ honŋąa yɛ bələi ka káá ka kiliŋąhiɛi la, ka ɲɛ̨i kaa mą, yələwala hvaŋą liɛn lɔ ka ni gu kaa ɉu.

Lukə 22:41

Yili pulu ə mąą tawolo tɛ, yɛ nu a kwɛni pili, ɓɛi a too laa, ə pu laa nwungbəla la yɛ Yálá hvɛli.

Lukə 14:26

«Nui gaa bɔ ə hvilɛn búlú, mąąnɛ̨ɛ̨ ə mą́ą́ mɛ̨nį hviɛlaɓo ə dɛɛ gaa nuą diɛ, ə dɛɛ nɛ̨ą ɓa da lonnii, ə dɛɛ gaayɔɠaa diɛ, ə mą kɛ gbɔwɔ kpinįi mąą mɛ̨nį. Nui a wala yili kɛ tii, a kɛ tii hva pɛli kɛi a nwɔ́ kalan non ta.

Mąątɛ̨nɛ̨ 86:3

Nwɔ́ mɛ̨nį Nąmu, mą́ą́wɛli kaa, yɛ́ ɓə ŋą́ túwɔ́ ə́ təlii.

Ɛsdrasə 9:5

Yələwulii haláá kulɔi lɔwai, kpɔlɔɔn tii ŋį́ mo, ŋį́ muhəɠə, nwɔ́ həɠəɠaa tii nee ŋį́ ɉuɓɛla, ŋį́ di too gwána, ŋį́ pu nwun gbəla, ŋį́ ɲee haŋą Yai-Laa nwɔ́ Yálá pɔ pələ.

Kɔlɔnikɔ Veerɛi 6:13

Hvo gaai, Salomɔn aa kɛ hɛn da tɔɔ gwəli hɛ̨ąi a kwɛli kpɔlu, gwɛaa a yee laa mą lɔɔli, goloon ɉu ə ɓo a yee laa mą lɔɔli, muhəɠɛɛ a yee laa mą haaɓa, ə tɛ ɉɛn tii mɛ̨i, ə pu nwungəla; Israɛlə nu kpɔn gəlee ɲɛ̨i ɓa. Ə ɲee haɠa ɲələi pələ,

Tɔɔɓɛlaa dɔlɔɔ 8:30

Nɛ̨ɛ̨mąą wooi ə́ wɔ tímun da Israɛlə nu huwu di kaa vəi, di ɲɛ̨i hiɛ gɛɛnąą ŋɛ̨i pələ, nɛ̨ɛ̨ yɛ́, ə́ wəli tɔɔ mą. Ɓɛi ə́ kaa laa yələkɔlɔn ɉu, ə́ ə́ wəli tɔɔ laa, ə́ ku mąąhvaalɛɛ.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Markə 3:3

Ɉulɔnu tii kɛ ɲee kpalaa ma Jesus ə mo mą, yɛ mą: «Ə muhəɠə ə́ tɔɔ ɓɛi ŋɛ̨i, nu kəlee ɲɛ̨i ɓa.»