Danîa 5:6 - Yálá laawoo hɛɓɛ (dc)

⁶ Nąąlɔwai, tɔɔmun maa ə kpɛli, gwəi ə pili mą, ə ɲɔw kpɔ kɛnɛ̨, ɉu ə haa, maa yɛ kpɛlin, gbəlin yɛ kɛlɛ gee hu.

Yálá laawoo hɛɓɛ

⁶ Nąąlɔwai, tɔɔmun maa ə kpɛli, gwəi ə pili mą, ə ɲɔw kpɔ kɛnɛ̨, ɉu ə haa, maa yɛ kpɛlin, gbəlin yɛ kɛlɛ gee hu.

Bible

⁶ Ŋ̀ɛ́i maa è fàleŋ, ǹíi kɛ́ sɛ̀lɛŋ. È kɛ̀ kpɛlînii gbêleŋ kɛ́ sɔ̀ɔŋ gîe ma.

Danîa 5:6 Referans Kwoze

Nahumə 2:10

Ka nwali həɠə, ka ɉɛni həɠə, ɉɛn laa, kpɛɛ hvo mą; hɛn nɛlɛɛ huwu kəlee puɔi laa gee mɛ̨i.

Danîa 7:28

Yili ɓə kɛ a nwɛlɛɛ tii kpɛlai. Ɲą́ą́ Daniɛlə, gwə́i ə pili mą́ą́, mą́ą́ yɛ kpɛlin, ɲɛ̨́i lai maa ə hvalin gáá nwooɠaai tii kəlee naa kili lɛɛi ŋą́.

Izikiɛ 7:17

Yee kəlee hu kaa pai haai, nu kpəlin gəlee hvii yɛ kpɛɛ.

Danîa 4:5

Hvo kɛli kɛa pulu ɓa, Daniɛlə yii ŋą́ nwɔ́ yálái Bɛltsasarə laa hee mą, a naa mɛ̨i hee, yaai tii ɓə Yálá Hulú Nii kaa mɛ̨i, yaai tii ɓə ŋą́ nwɔ́ hįi mąą mɛ̨nį ɓo mą.

Izikiɛ 21:7

«Hulonu lon, ə́ ɲɛ̨́i hąŋąn Ɉerusalɛmə pələ; haŋą ɉaláá kulɔiɠaa diɛ; 'gwə́i mɛ̨nį hukulɔ Israɛlə lɔi ɓa:

Mąątɛ̨nɛ̨ 69:23

Di kpɔ kpɔɔ kɔ̨nɔ̨n 'ə kɛ di tɔwɔ, a hɛlɛn, ə kɛ di ɓɛlaa ɲɛ̨i tɔwɔ a ɓaalə.

Danîa 4:19

Oo tɔɔmun, yɛ́ ka tii! Yaa kɛnɛ̨, ə́ yee a walawala, ə́ wɔ kɛnɛ̨ laa aa tɛ yɛ həli yələkɔlɔn ma, ə́ wɔ yeetɛɛmąą laa aa həli lɔi nąą kəlee.

Hebreu 12:12

Yili ɓa, yeeɠaa da kɔwɔɠaai di hvįikpɛɛ, 'ká di hvaŋąlɔ,

Danîa 3:19

Nąąlɔwai, tɔɔmun Nabukodonosorə lii ə kələn gbɔ gwəi kɛnɛ̨, Sadrakə, Mesakə da Abɛdə-Nego ni pɔ. Ə mo, yɛ diɛ: «Ka vuulu nwɔ̨n ŋaatɛ kpɔ gee mɛ̨i mɛ̨ihveelɛ, ka dɛɛ bɔlɔ pɔlɔɠaa diɛ.»

Danîa 2:1

Nabukodonosorə nwɔ tɔɔlaa gwɛlan veelɛ lɔwai, ə hįi kaa, ɉįi tii ə gwəipili kpɔ ma kɛnɛ̨, hvo yii.

Azaya 35:3

'Ka yee hu haaɠaa hvaŋą lɔ, ka kɔ́wɔ hviikpɛɛɠaa huwalawala!

Azaya 5:27

Nu ta hvii hva kpɛɛ di lɔwai, nu ta hvo kalin ɉii, ɉɛ̨ą yili kɔ́lɔɠaa laa hvo ɓoi, di kɔ́wɔ ŋą kɔ́lɔɠaa yɛli hvo teei.

Mąątɛ̨nɛ̨ 22:14

Di kaa di laa taɠai mą́ą́, nu huɓɛla yalaɠai tii, di kaa hvuluun ɉi.

Danîa 5:5

Nąąlɔwai tii hu kpɔlɔ, nu yee kpiɛ ta ə kulɔ nwulɔ nwɔ̨n bulu yɛ hɛɓɛ́ pɛ̨ɛ̨ dɔɔ pɛlɛ́ ɓa. Tɔɔmun ə nu yee kpiɛi tii kaa yɛ ɉɛɓɛ́ pɛ̨ɛ̨.

Ɉeremi 50:43

Babilonə tɔɔmun aa bələ mɛ̨n, vii aa kpɛɛ kpɔ kɛnɛ̨, niikələn ŋąą gwəi, yɛ nɛ̨ɛ̨nui kwəi nwąną kɛi nwɔ mɔ̨nɔ̨.