Danîa 5:25 - Yálá laawoo hɛɓɛ (dc)

²⁵ Ɉɛɓɛ́i ŋɛ̨i bɛ̨ɛ̨, mo pələ kaa ŋɛ̨i, da kɛ mą: ‹MENE, MENE, TEKELƏ da PARSIN.›

Yálá laawoo hɛɓɛ

²⁵ Ɉɛɓɛ́i ŋɛ̨i bɛ̨ɛ̨, mo pələ kaa ŋɛ̨i, da kɛ mą: ‹MENE, MENE, TEKELƏ da PARSIN.›

Bible

²⁵ “Ŋ̀óo-ŋai ǹúu yeei è bɔ̃yɛi, dia ká ŋí: ‘Mɛnɛ mɛnɛ tɛkɛ pasiŋ.’

Danîa 5:25 Referans Kwoze

Danîa 5:24

Yili ɓə gɛ, yɛ nu yəi kpiɛi ŋɛ̨i tɛɛ, ə gɛ, ə ɉɛɓɛ́i ŋɛ̨i pɛ̨ɛ̨.

Danîa 5:26

Ɉɛɓɛ́ kɔ́w tii ɉukulaa ka: ‹Mene› mukulaa ɓaa: Yálá aa ə́ wɔ tɔɔlaai gwɛlan nono, gbəlai kaa mą.

Samuɛlə dɔlɔɔ 28:19

Ə lɛɛ, Yai-Laa kaa pai yɛ́ ka Israɛlə ka lɔi Filisti nuą yee ŋą. Tínąą, yɛ́ ka ə́ lonnii ka káá pai kɛi bɔ́ haaɓɛlaa taa. Israɛlə kɔlaɠaɠaa diɛ kpɛli, Yai-Laa aa di lɔ Filisti nuą yee ŋą.»

Kɔlɔnikɔ Veerɛi 21:12

Yələ ta, Yálá kwəi mɛ̨nį hukulɔ mun Eli, ə hɛɓɛ́ tɛɛ mą, yɛ mą: «Yai-Laa ə́ nąn Davidə nwɔ Yálái woo ka, yɛ diɛ: Yii kpɔ hvó gɛ li, hvó hiɛ a ə́ nąn Ɉosafatə kpaalə, hvó hiɛ li a Ɉuda tɔɔmun Asa hiɛ pələ;

Azaya 14:11

Ə́ wɔ mąąwiɛ aa lɔ lɔi mu, ə pɛlɛ la ə́ wɔ túlú wooi ɓa, kpəəli pɛlɛɛ daa di haɠa pɛlɛ ə́ mu, ə́ yii həɠə ɓaa kolo pɛlɛɛ.

Azaya 47:11

Mɛ̨nį ɲąąnwąnąą pai laai yɛ́, hvó pai pɛli mąą laai, ə́ kala mɛ̨nį kaa pai həlii yɛ́, hvá pɛli ə́ mąąkɔ̨nwɔ̨i ɲəi, gaa a tɛ̨ą, mɛ̨nį ɲąąnwąnąą kaa pai həli lɔ yɛ́ ə́ tɛɠii.

Ɉeremi 27:7

Lɔiɠaa kəlee kaa pa tí mą, yaa da non, da non nwɔ lon; yili pulu nwɔ lɔi yaa kpɛli, nwɔ yələ a pa həlii, lɔi tamąą da tɔɔɓɛlaa huwalawalaaɠaa diɛ hee mɛ̨i.

Habakukə 2:7

Nuąi di wɔ kwələ kaa kaa, di kaa pai ka hon ɉi ka kwaną ka mąą yɛ kpɛlin, diɛ kpɛli mąn di kaa pai tooi ka mɛ̨i.

Lukə 1:51

Aa mɛ̨nį kpɛa-kpɛa tamąą kɛ a nwɔ huwalawala yee; aa kpɔɔ ɲąą kɛnɛ̨ nuą mąą yɛɛ.

Lukə 12:20

«Kɛlaa, Yálá ə mo ɉulɔnui tii ɓa, yɛ mą: ‹Kili kpɛɛ gwəimun! Háákələi, kpinįi ŋɛ̨i hu, ə́ kaa haai. A kɛ tii, ɉɛnŋąą tamąą ŋɛ̨i yáá gbɔn gee ɓa, gbɛɛ nwɔɔ li?›»