Danîa 5:23 - Yálá laawoo hɛɓɛ (dc)

²³ Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Yálá laawoo hɛɓɛ

²³ Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Bible

²³ Ya tɔɔ Ŋ̀elei su Ɣalai ma. Í mò a gɛɛ gbele sɛŋ-folo-ŋai ínâŋ è díkùla Ŋ̀âla-pɛrɛ Kɛ́tɛi mu Zerusâlɛŋ é pá a diai, dí pá a dia ípɔ a gɛɛ yá, ǹɔii-lônii kpaya-kpayai, ínɛnîi da ínɛnî pɛlɛ-pɛlɛɛi ka dîa-ni ká ŋwã̂ai kpele zu. Ya ɣâla pɔɔkɔɔŋ-ŋa fɛlîi nyii-ŋai díkpɛtɛ̂i a káne, gôo, ƃara kɔli, wuru da kɔnii. Ŋ̀âla-ŋai ŋí dífa kwaa kâa, dímɛni mɛ̂ni kpaa máŋ dí mɛni da kɔ́lɔŋ. Kɛ́lɛ ífe yao-ni Ɣâla ma nyii a pɔ̂ri gɛ̂i ílɛɛ ɣele ma, kpaa máŋ ísaai, gɛ́ ƃò m̀ɛnii kélee mɛi ya gɛ̀i.

Danîa 5:23 Referans Kwoze

Zôo 12:10

Ya ɓə hɛn gəlee nɔ̨ɔ̨ kaa ɲəi, ə mą kɛ nu kanŋaa nɔw ɓə.

Ɉeremi 10:23

Yai-Laa! Gíli kaa ɉu, gɛ́: Nu kanŋaa di hva pɛli di kpɔɔ tənən dɔɔi, yɛ bələi mąąnɛ̨ɛ̨ la. Di hvo kpɛli pɛli li di kpɔɔ kɔ́wɔ hvilɛn ɉi kili ɓoi.

Azaya 37:23

Gbɛɛ ɓə tii ə́ nalan yɛ mɛlɛ kpɛɛ mąi? Gbɛɛ ɓə tii ə́ kɛi ə́ woo həɠə mąi? Ɛlɛɛ, yɛ́ ɲɛ̨itɛ kulɔ lai? Israɛlə nwɔ Mąąhəɠəmun ɓə.

Azaya 2:12

Yai-Laa Mɛ̨nį Kəlee ŋą Hééɓomun, aa hvóló ta həɠə ɉu, ə gɛ, ə kiti tee, nuąi da di kpɔwɔ kaa a nu kpɛa-kpɛa, di hunɛ̨ɛ̨, a di mąą yɛɛ.

Ɉeremi 50:29

'Ka kilɛn bili nuą kəlee ɲąątɔɔ Babilonə ɓa, 'Ka mąą tinɛ̨n a kɔlaɠaɠaa ka doo gee hu, nui lɔpee ta hvo kulɔ a ka yee wolo. Bələi ə túwɔ́ la, ka gwələ kulɔ mą. 'Ka naa mą, yɛ bələi ə gɛ la. Ə tɛɠɛɓoɉu laa kulɔ a Yai-Laa, a Israɛlə nwɔ Yálá mąąhəɠɛɛ.

Hanwon 20:24

Yai-Laa ɓə a nu hiɛ pələ tənən dɔɔ, Kɛlaa haa mun ni pələ kɔ́lɔn bələ kɛ ləi?

Zôo 31:4

Yálá hvo mɔ̨ɔ̨ dúwɔ́ pələ kaai? Hva mɔ̨ɔ̨ kɛ gɔ́wɔ́ hvilɛn ɉii tɛitɛi lonoi?

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

Azaya 37:19

Di di wɔ haliɠaai kələn, kɛlaa ɉaliɠaai tii di hvo kɛ a Yálá. Di kɛ lɔ a nu yee kɛ kolóɠaa, a wulu, a wala kɛti a kwɛni; ɛlɛɛ Asiri tɔɔɓɛlaa di di hu kala.

Mąątɛ̨nɛ̨ 139:3

Ya ɉíɛ pələ, ə mą kɛ, ɲíi pɛlɛ́ mɛ̨i kaa, ə́ dɛ́ɛ́ kpaalə kəlee kɔ́lɔn a nɛlɛɛ.

Tɔɔɓɛlaa veelɛ 14:10

A tɛ̨ą, Amasiasə! Ə́ yee tii aa tɛɛ Edɔmə lɔi ɓa kɔ́ hu, ya ka tii gɛi yɛ́ ə́ nwun dɛ la. Ə́ nwun dɛ-o! Kɛlaa, lɛɛ la ə́ pɔɔli. Lə mɛ̨nį ɓa, ə́ kaa tɔɔi ə́ nwun nɛɛ ɉu mɛ̨nį tɔwɔ, yɛ́ kɛ ə́ Ɉuda lɔi lɛɛ ə́ pɔ nwun na ə pili?.»

Timote dɔlɔɔ 3:6

Hvo kɛ a nui aa lɔ kalan ɉu a nįnɛ̨, əgɛ, ɲɛ̨ihvalai di naa nąnį tɔwɔ, kpɔwɔ ɲąąkɛnɛ̨ laa hvo ɲɛ̨i wolo, hvo too ɉu.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Gɛlaɠaa 17:25

Ɛlɛɛ, di hva nwɔ̨nɔ̨ mąą mɛ̨nį ɲɛ̨i kulɔ a nu kan ɲee, yɛ hɛn da mąąkpaan a kɛ mą, yá pa, yaa tii ɓə a: hɛn nɔpee gəlee tɛɛ nu pɔ, kɛ-yɛnɛ̨ɛ̨, ə mą kɛ nu nɔ̨ɔ̨.

Habakukə 2:4

Bɛ̨ɛ̨ yɛ diɛ: Nui nwɔ kiliŋąhiɛ ɲɔ̨nwɔ̨ɔ̨i a too, Kɛlaa, nui tələnmoɔ a yɛnɛ̨ɛ̨ kɛ, nwɔ tələmo laa haalai.

Izikiɛ 31:10

«Yili mąą mɛ̨nį ɓa, mɛ̨nįi Mɛ̨nį kəlee ŋą Hééɓomun Yálá kaa moi ya ka: Yɛ bələi ə nwun dɛ la, ə nwun dɛ, ə ɉee tulɔ kpinįn ma, ə nwun dɛ, a kpɔɔ ɲąą kɛnɛ̨,

Izikiɛ 28:17

Ə́i kpɔwɔ ɲąą kɛnɛ̨, ə́ lɛlɛ mɛ̨nį hu, ə́ mąąwiɛ pələ ə́ ə́ wɔ kilikɛɲəi hukala. Gáá ə́ tooi lɔi ɓa, yɛnɛ̨ɛ̨ tɔɔɓɛlaa diɛ pa, diɛ ə́ kaa.

Izikiɛ 28:5

Ə́ kili ɲą laai yɔw kɛi, yáá ə́ yəi hɛn gɔw hu kɛnɛ̨, ɛlɛɛ, hɛn gɛnɛ̨ pələ ə́ yəi, yáá ə́ nwun dɛ.

Izikiɛ 28:2

«Hulɔnu lon, 'mo Tirə tɔɔmun ma, yɛ́ mą; Mɛ̨nį kəlee ŋą Hééɓomun Yálá woo ka, yɛ: Ə́ kpɔɔ ɲąąkɛnɛi yá mo, yɛ́ kɛ diɛ, gáá a yálá, ŋą́ ɓo heeni tɔɔ kpəlin mɛ̨i, yai gaa a yálá hee kpəlin gboloyá hąąi; ya pa nu lɔ ɓaa yɛ́, hvó a yálá. Ə́ kaa ə́ kpɔwɔ kaai yɛ Yálá pɛli.

Azaya 42:5

Yálá woo ka! Yai a Yai-Laa! Yai yələkɔlɔn bɛli, Ə ɉu lɛan, yai lɔi kpalan naa, hɛn kpɔ a ɓá, gəlee ə ɓo ɉu, ɛlɛɛ, nu kpului kpɔ puu ni mɛ̨i, ya ɓə di nɔ̨ɔ̨ too di hu, nuąi da hiɛ mɛ̨i, Ya ɓə a di lɛɛ yɛnɛ̨ɛ̨.

Azaya 33:10

Yai-Laa yɛ diɛ; múhəɠə hiɛ li kɛa, gáá kɛa haŋąi ŋį́ tɔɔ, Náá mąą kaa kɛa pai wiɛi.

Mąątɛ̨nɛ̨ 146:4

Di nɔ̨ɔ̨ kaa pai kulɔi di hu, diɛ pənə diɛ kɛ a pɔlɔ, mąą yələi tii, di kwəi kiliɠaa da lɛɛ a kpɛli.

Mąątɛ̨nɛ̨ 115:16

Yələ kɔ́lɔn gaa a Yai-Laa nwɔɔ, lɔi nwɛi, ə dɛɛ nu kanŋaa pɔ.

Mąątɛ̨nɛ̨ 104:29

Ya ə́ ɲįnąą kpulu, di hu a pu diɛ, Yá di nɔ̨ɔ̨ kulɔ di hu, di nwun na ə pili, di pənə a pɔlɔ.

Nwun mąąɓo 16:23

Yələ ta, Filisti tɔɔɓɛlaa di di ɲąą kpɔn, diɛ haláá kulɔ, di wɔ halii Dagɔn ɓa, diɛ ɉɛli pu. Diɛ kɛ di kee ɓa: Gu wɔ halii aa gu yowo Samsɔn hon aa dɛɛ gu pɔ.

Zɛnɛse 14:19

Ə lúwɔ́ too Abramə ɓa, yɛ mą: «Huwalawala Kəlee Nąmu Yálá, yai yələkɔlɔn da lɔi di pɛli, ə lúwɔ́ too yɛ́.

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

M̀ɛni-lɛɛi 9:20

Yii ɓaa nu kan gbəli, a diɛi di hvo haa li mɛ̨nį ɲąąnwąnąąɠaa tii hu, di hvo gɛ di hvo di yee kulɔ di wɔɔ tuwɔ pələ ɲɔ̨nŋaa hu, di kɛli lɔ kwɛli hvilɛn ɲįnɛ̨nŋaa diɛ, haliɠaa diɛ, diɛi a hɛni, a wali-kwɛli, a ɓala-kwɛli, a kwɛnį, awala kɛ tii, a wulu; diɛi di hva kɛɛ kaa, di hva mɛ̨nį mɛ̨n, di hva hiɛ.

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Azaya 14:13

Ə́ kɛi kɛ diɛ: «Gáá tɛi yələkwəi, gáá nwɔ́ tɔɔ kpəlin ɉeei Yálá nwɔ pɛmɛ̨lɛ̨n-gɔwɠaa mɛ̨i pələ, gáá lii ŋį́ hee yáláɠaa di wɔ ɲąąkpɔn ɲee nwuɔ̨, ŋį́ hee kpɔ ɲələkwəi leelee.

Ɉeremi 48:26

Ka lɔɔ tɔɔ na, ə gɛlɛ, hvo gaai, ə gbɔwɔ gɛnɛ̨ ə dɛɛ Yai-Laa ɓa. Ya ka mąąkɔ̨nwɔ̨i maɠi hu, yaa kpɛli aa kɛ a yɛlɛ mąą hɛn.

Samuɛlə dɔlɔɔ 17:26

Nuąi ŋɛ̨i kɛ Davidə kwɛlɛ, ə mo diɛ yɛ diɛ: «Nui a Filisti mun ŋɛ̨i paa, ə nwumɛ̨ həɠə Israɛlə ɲɛ̨i, lə ɓə da gɛ mąą nu ɓa? Lə kpɔɔ ɓaa Filisti kɛ́nɛ̨ kpolɔwai ŋɛ̨i, yai a Yálá hvulú nwɔ nuą paa pɔlɔn dɔɔ?»

Samuɛlə dɔlɔɔ 17:36

Ə́ wɔ luwɔi aa yala paa ə mą kɛ kwɛli. Filisti kɛ́nɛ̨ kpolɔwai ŋɛ̨i ɓaa lə! Gaa kpɔlɔ yɛ ɉuwoɠaai tii ta. Mąąhɔlɔɓo, aa Yálá hvulú kwɛlin baa pɔlɔn dɔɔ.

Ɉeremi 50:28

'Ka ka wəli tɔɔ! Pu nuą, da nu kpəlii aa lɛɛ, daa həɠə Babilonə lɔi hu pələ, Di kaa pai wɛlɛɛ ɓoi Siɔn ya ɓaa: Yai-Laa gu wɔ Yálái nwąną kulɔ mɛ̨nį, Yálá hee pɛlɛ́ nwąną kulɔ mɛ̨nį.

Danîa 8:11

Mįnɛ̨ logoloi tii, ə tɛ kpɔ ə həli yələkɔlɔn ɉu hɛnŋaa nwun nąmu ɓa. Ə lɛɛ, ɉaláá hɛn ŋɛ̨i da naa həli a hvoló kəlee, mįnɛ̨i lon tii ə yili naa həɠə, ə Yálá hee pɛlɛ́i ŋɛ̨i gaa ɓɛ lɔi mɛ̨i, ə muhəɠə naa ɓa.

Danîa 11:12

Ɲeetɛɛmaai tii ɉɛɠɛɛ pələ tɔɔmun a gɛ, a gbɔwɔ ŋąą kɛnɛ̨ yili hu. Kɛlaa, pələ ma a kɔ́kuláá kpulu tamąą paa la, ya hvəi pai yeetɛɛmąą kɛi.