Biblia Todo Logo
Bib sou entènèt

- Piblisite -




Danîa 5:13 - Yálá laawoo hɛɓɛ (dc)

13 Nąąlɔwai, di Daniɛlə təli ə pa tɔɔmun nííla, tɔɔmun ə mo mą, yɛ mą: «Yɛ́ ɓə da kɛ ə́ laa ɓaa Daniɛlə, nuąi ŋɛ̨i ną́n ə di həɠə Ɉuda lɔi hu, yɛ pa a diɛ, da ɓaa yɛ́?

Gade chapit la Kopi

Yálá laawoo hɛɓɛ

13 Nąąlɔwai, di Daniɛlə təli ə pa tɔɔmun nííla, tɔɔmun ə mo mą, yɛ mą: «Yɛ́ ɓə da kɛ ə́ laa ɓaa Daniɛlə, nuąi ŋɛ̨i ną́n ə di həɠə Ɉuda lɔi hu, yɛ pa a diɛ, da ɓaa yɛ́?

Gade chapit la Kopi

Bible

13 Dí pà a Danîa gâloŋ ŋɛ́i túɛ gâloŋ ǹyɛɛ mai, “Yá ƃa Danîa, gɔ-soŋ dɔnɔ nyii ńâŋ è kula a dia Zudai?

Gade chapit la Kopi




Danîa 5:13
20 Referans Kwoze  

Yili pulu, də li, dɔ́n ŋɛ̨i da tɔɔmun ni di dɔɔ, di pənə di ɉu lɛ tɔɔmun ma, diɛ mą: «Kuɔ tɔɔmun, kɛlɛi yɛ́ kpinįi ɓə ə́ yee pɔɔ too dɔ́n ŋɛ̨i hu-e! Yaai moɔi yɛ kɛ mą: ‹Holo pow haaɓa kuu mu, nui a kwɛli hvilɛn ala takpɛli ɓa, a wala kɛ tii nu ta ɓa, akɛ yɛ́ tɔɔmun yɛ́ hvəi, da mąą nu pili yala kwənąn ɉu?›» Tɔɔmun ə di woo ŋąąpənə, yɛ diɛ: «Pələ ɓə gu mo la. Gaa a Medi nuą da Pɛrsə nuą di wɔ tɔ́n, hva həɠə mą.»


Hulɔnu ta kaa ɓɛ ə́ wɔ tɔɔlaai hu, yii Yálá hvulú Nii kaa mɛ̨i. Ə́ nąn nwɔ lɔwai hu, ə gaa, ɉulɔnui tii nwɔ kili da nwɔ nwun gɛ ɉu laa hu pɔ̨nɔ̨ɔi kɛ, yɛ ɓo yɛ alaɠaa di wɔ kili. Ya ɓə ə́ nąn Nabukodonosorə ə ɉee a tɔlikpɛ nuą da nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ, ə mą kɛ Kilimąą nuą, da hali nąmįnąa di nwun nąmu. Ə nąn ŋɛ̨i kɛ a tɔɔmun ya ɓə gɛ tii.


Ariɔkə ə li kpɔlɔɔ tii a Daniɛlə tɔɔmun bɔɔli. Ariɔkə ə mo tɔɔmun ma, yɛ mą: «Nuwɔɠaai ŋɛ̨i ə́ di hon Ɉuda lɔi hu yɛ́ pa a diɛi, ŋą́ą́ nu ta kaa di lɔwai, yɛ a pɛli ə mɛ̨nįi tii hukulɔ.»


Jesus kaayɔwɔɠaa di mo mą diɛ mą: «'Həɠə ɓɛ ə́ li Ɉude lɔi hu pələ. Ya ɓə a gɛ mɛ̨nįɠaai ə́ kaa gɛi, ə́ wɔ kalan nɛai diɛ kpɛli di gaa.


Kɛlaa, nuąi həɠə nuwɔ laa hu, di gɛ yɛ bələi di mo la; da ɉaláá laa həli mun Ɛsdrasə ni di nuą həɠə ɉu, a nu kpulu nąmįną, nu kəlee da nwɔ kwəli, di di tɛitɛi di laa ɓo; di hee mɛ̨nį ɓo haɠa ɓa, a ɲąnin bow nąą nwɔ hvóló dɔlɔɔ yələ; əgɛ, di mɛ̨nį mąąkpɛɛ.


Israɛlə lonnii, ɉaláá laa həli nuą, da Levi lonnii, ə mą kɛ nuąi ŋɛ̨i həɠə luwɔlaa hu, di Yálá hee pɛlɛ́ laa ɓo hɛli pu kwəinɛ̨ɛ̨ hu.


Ɓɛlɔwai Ɉuda nu huwu da Bɛnɉamɛn huwuhu nuą di yowoɠaa di bələ mɛ̨n na, diɛ kɛ diɛ, nuąi ŋɛ̨i həɠə nuwɔ laa hu, di pa, di kaa Yai-Laa Israɛlə nwɔ Yálá hee pɛlɛ́ tɔɔi,


Yili pulu, Jesus ə kɛi hiɛ Galile lɔi hu, hvo kɛ bɔ hvə hiɛ tii Ɉude lɔi hu. Mąąhɔlɔɓo, Ɉuifəɠaa di kɛi gwɛli baa mɛ̨nį ɓa.


Ɲą́ą́ Daniɛlə, ŋą́ Yələ tamąą kɛ, ɲɔ̨n yɛ ɓo mą́ą́, ə lɛɛ vįikpɛɛ. Vili tɛɛ pulu, ŋą́ pənə ŋą́ li gɛ́ kóló ɓa, yii tɔɔmun ə dɔ́ɔ́ ma. Ɉiin tii ŋą́ gaa, nwɔ kwəi pili maa ə kɛ mą́ą́, və́ kpɔ kɛi mukulaa kɔ́lɔn.


Tɔɔmun Bɛlsasarə nwɔ tɔɔlaa gwɛlan ɉaaɓa lɔwai, ɲą́ą́ Daniɛlə, ŋą́ hįi takpɛli kaa nwɔ̨nɔ̨.


Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.


Yii kɛa ə nɔɔ tii kpələ, ə mo yɛ diɛ: Di pa a ɉɛni hɛn ɲąŋąɠaa da nwali kwɛli hɛn ɲąŋąɠaai ŋɛ̨i nąn Nabukodonosorə ə ɉəɠə Yálá hee pɛlɛ́ mu Ɉerusalɛmə daai, ə gɛ, tɔɔmun da nwɔ wɛli nɛ̨ąą, ə mą kɛ nɛ̨ąni da nwɔ nu kpɛa-kpɛai di di kpələ ɉu.


Yili pulu, tɔɔmun ə heei kɛnɛ̨ tɛɛ Daniɛlə pɔ, ə bɛlɛ hɛn gɔw kɛnɛ̨ ɓa. Tɔɔmun ə Daniɛlə kɛ a Guvɛnɛɛli Babilonə lɔi nwun na, ə pənə ə gɛ a gilimaa nuą kpɔ di kaa Babilonə lɔi hu di nwun nąmu.


Daniɛlə ə kɛ tɔɔmu bɔ, ə lɛɛ la ɉu, ɓɛlɔwai Sirusə ə kɛ la a nɔi nwun nąmu nąąlɔwai ə ɉəli.


Di noloɓo Ɉuda lɔi hu, da Ɉerusalɛmə daai diɛ kɛ mą: Nuąi kpɔ həɠə nuwɔ laa hu, gəlee di di ŋąąkpɔn Ɉerusalɛmə daai.


Yoyakimə ŋɛ̨i kɛ a Ɉuda nɔi tɔɔmun, nwɔ tɔɔlaa gwɛlan ɉaaɓa lɔwai, Nabukodonosorə Babilonə tɔɔmun, ə kɔ́ pɛlɛ Ɉerusalɛmə ɓa, ə mąątinɛ̨n.


Ną́mu Yálá ə hvaa mą, Babilonə tɔɔmun, Nabukodonosorə ɲee ə tɛɛ Yoyakimə ɓa, yai kɛ a Ɉuda tɔɔmun. Yili pulu, ɉɛnŋaai ŋɛ̨i kɛ Yálá hee pɛlɛ́ mu, ə bələ tɔ̨nɔ̨ həɠə, ə li a diɛ Sinearə lɔi hu, ə di pu nwɔ haliɠaai yəi bɛlɛ́n, ə ɉɛnŋaai tii pu nwɔ haliɠaai di wɔ hɛn gɔw kɛɛnąą.


Ŋą́ą́ mɛ̨nį ta mɛ̨n ə́ mąą mɛ̨nį hu, diɛ alaɠaa nii kaa ə́ mɛ̨i, ə lɛɛ, nwun gɛ ɉu mɛ̨nį da kili mɛ̨nį huponoɔ yii hvo yɛ nuą di wɛi, yɛ ɓo ə́ yəi.


Nuąi tii lɔwai, Ɉuda huwuhu hilɛlɛa nąąn di kɛ laa, diɛ kɛ di laa ɓaa: Daniɛlə, Hanania, Misaɛlə da Azaria.


Swiv nou:

Piblisite


Piblisite