Danîa 4:9 - Yálá laawoo hɛɓɛ (dc)

⁹ Naa lɛlɛɛ kɛ mą, ma tamąą ɉu, nu kəlee kɔ̨nɔ̨n ə kɛ ɉu, mu ɓə lɔwɔi huwɔɠaa kəlee di kɛi pa diɛ pɛlɛ laa. Naa hu ɓə yələi nwɛ̨nįɠaa kəlee di kɛi pa diɛ di taa tɔɔlaa. Nɔ̨ɔ̨-nɔ̨ɔ̨ hɛnŋaa kəlee diɛ di kɔ̨nɔ̨n ɉɔlɔɓo nwului tii hu.

Yálá laawoo hɛɓɛ

⁹ Naa lɛlɛɛ kɛ mą, ma tamąą ɉu, nu kəlee kɔ̨nɔ̨n ə kɛ ɉu, mu ɓə lɔwɔi huwɔɠaa kəlee di kɛi pa diɛ pɛlɛ laa. Naa hu ɓə yələi nwɛ̨nįɠaa kəlee di kɛi pa diɛ di taa tɔɔlaa. Nɔ̨ɔ̨-nɔ̨ɔ̨ hɛnŋaa kəlee diɛ di kɔ̨nɔ̨n ɉɔlɔɓo nwului tii hu.

Bible

⁹ Nya ƃe ŋá dòli ńyɛ̂ɛ m̀ai, ‘Bɛtesaza, boniŋ kɛ́-ƃelai dínuu kɛ́tɛi, ŋa gɔ́lɔŋ ŋ̀âla maa waa-ŋai dímɔleŋ káa íkponôi, Mɛni da fé naa nyii ífa pɔ̂ri maa kili ŋa-ponoi kɛ̂i nûa dîɛ. M̀ɛnii ŋá gàa zĩ̂ai sui ǹyaa ká ŋí. Zu-kula ḿî wɛ.

Danîa 4:9 Referans Kwoze

Danîa 5:11

Hulɔnu ta kaa ɓɛ ə́ wɔ tɔɔlaai hu, yii Yálá hvulú Nii kaa mɛ̨i. Ə́ nąn nwɔ lɔwai hu, ə gaa, ɉulɔnui tii nwɔ kili da nwɔ nwun gɛ ɉu laa hu pɔ̨nɔ̨ɔi kɛ, yɛ ɓo yɛ alaɠaa di wɔ kili. Ya ɓə ə́ nąn Nabukodonosorə ə ɉee a tɔlikpɛ nuą da nuąi da kɛ kwɛli hvilɛn ɉii pɛmɛ̨nɛ̨n gɔwɠaa diɛ, ə mą kɛ Kilimąą nuą, da hali nąmįnąa di nwun nąmu. Ə nąn ŋɛ̨i kɛ a tɔɔmun ya ɓə gɛ tii.

Danîa 2:48

Yili pulu, tɔɔmun ə heei kɛnɛ̨ tɛɛ Daniɛlə pɔ, ə bɛlɛ hɛn gɔw kɛnɛ̨ ɓa. Tɔɔmun ə Daniɛlə kɛ a Guvɛnɛɛli Babilonə lɔi nwun na, ə pənə ə gɛ a gilimaa nuą kpɔ di kaa Babilonə lɔi hu di nwun nąmu.

Danîa 4:8

Nwului tii kɛnɛ̨ɛ kɛ, nwalawalaa. Dón yɛ kɛ ə həli yələkɔlɔn ma. Lɔi mɛ̨i nuą kəlee diɛ pɛli gaai.

Danîa 4:5

Hvo kɛli kɛa pulu ɓa, Daniɛlə yii ŋą́ nwɔ́ yálái Bɛltsasarə laa hee mą, a naa mɛ̨i hee, yaai tii ɓə Yálá Hulú Nii kaa mɛ̨i, yaai tii ɓə ŋą́ nwɔ́ hįi mąą mɛ̨nį ɓo mą.

Danîa 1:20

Yii kpɔ hvilɛn na kili mɛ̨nį, da nwun gɛ ɉu mɛ̨nį ɓa, tɔɔmun ə nwɔ tɔlikpɛ nuąi kpɔ di kaa laa, da nuąi da kɛ kwɛli hvilɛn ɉi pɛmɛ̨nɛ̨n gɔwɠaa diɛ, ə gəlee mąąnin gɛ, kɛlaa, ə Daniɛlə da mɛlaa di wɔ woo ŋąąpənə kaa, viɛlaɓoɔ gee mɛ̨i pow, ə tɛɛ nuąi tii kəlee diɛ.

Izikiɛ 28:3

Ə́ kaa ə́ kpɔwɔ kaai a kilimąą mun ə tɛɛ Daniɛlə ɓa, loo mɛ̨nį ta hvo laa yɛ ə́ kwəi pili yɛ́,

Zɛnɛse 41:38

Tɔɔmun yɛ ɲee pɔ nuą diɛ: «Yálá nwɔ Kilii kaa nui ŋɛ̨i yəi, a kɛ tii, gwa nɛɛ laa, gwa pɛli kɛa nu takpɛli hɔlɔɓoi ə tɛɛ yaa ŋɛ̨i mą?»

Danîa 4:18

Nwului tii kɛ nąą ɲąąnɛ̨ɛ̨ mąi, ma tamąą ɉu, nu kəlee kɔ̨nɔ̨n yɛ kulɔ ɉu, huwɔɠaa kəlee diɛ pa nįnįn mu, yələi nwɛ̨nįɠaa diɛ di taa tɔɔ ɉonwoɠaa hu;

Azaya 54:14

Ə́ hamu a kɛ a vilɛn ŋąą tələnmolaa mɛ̨i, di hva kɛa too ə́ mɛ̨i, hva kɛa ɲɔw, ə́ mąą hva kɛa kpɛlin, ə́ mąąɲɔw mɛ̨nį ta hva kɛa lɛɠɛ yɛ́.

Azaya 33:18

Nui kɛi ə́ mąąɲɔw, ə́ kaa pai kɛi ə́ kiliŋąhiɛi mą, nui kɛi ə́ kɛ kóló mɛ̨i kaa, gaa mį? Nui kɛi ə́ pulu kaa ə wɔɔ? Nui kɛi ə́ wɔ taa walawalaɠaai mɛ̨i kaa gaa mį?

Samuɛlə dɔlɔɔ 4:8

Ku lɛɛ li ɉu, gbɛɛ ɓə pai ku kulɔi Ɲálá hvaŋą kɛnɛ̨i tii yəi? Ɲálái tii ɓə mɛ̨nį ɲąąnwąnąą huwui gəle laa Eziptə nuą diɛ nɔi pun ɉu.»

Danîa 2:47

Yili pulu, tɔɔmun ə mo Daniɛlə ɓa yɛ mą: «A tɛ̨ą, ka wɔ Yálái ɓə gaa a yáláɠaa kəlee di wɔ Yálá, yɛ ɓo a tɔɔbəlaaɠaa kəlee di nwun nąmu. Yaa ɓə a loo mɛ̨nį kulɔ pɔ̨nɔ̨ŋa, mąąhɔlɔɓo, aa noo mɛ̨nį tii lɛ yɛ́.»

Izikiɛ 17:23

Ŋą́ ɉi Israɛlə yee tɔɔ ton ną nwonwoɠaa kaa pai tɔɔi ma, diɛ ɓa. Kpitili ɓɔn tii kaa pai kɛi a hɛan nɛlɛɛ; nwɛ̨nį huwu kəlee diɛ yii ɉu. Di kaa pai kɛi yii nwonwo nįnįn mu.