Danîa 4:34 - Yálá laawoo hɛɓɛ (dc)

³⁴ Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Yálá laawoo hɛɓɛ

³⁴ Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Bible

³⁴ M̀ɛni-ŋai ŋí kɛ́ɛ pôlu ma, gâloŋ Nɛbukinaza è mò ǹyɛɛi, “Góraŋ lɔ́ɔlu mɛi feerɛi tɛɛ pôlu maa, ŋá ŋ́ɛi tɛ̀ ŋ̀elei su ŋá gáa a gɛɛ ŋa pá pôlu ŋ́gbonôi yɛ̂ɛ berei ŋá kɛ̀ la a bɔlɔi. Nya ƃe ŋá Ŋ̀wɔ́lɔ-wɔlɔ da wɔ́lɔ-wɔlɔ kɛ-ɣele ma ɣala kɛ́tɛi láa ma tɛ̀, ŋá ƃaa kɛ́-maa tɛ́ɛ bɔ́, ŋá ŋɔkɛ́tɛ-laai maa mɛni ƃó. Ŋɔkâloŋ laai káa a wɔ́lɔ-wɔlɔ da wɔ́lɔ-wɔlɔ kaloŋ-laa.

Danîa 4:34 Referans Kwoze

M̀ɛni-lɛɛi 4:10

galanɉon pɔw-hveelɛ-kɔw nąąn tii, di kɛli pu di kpəlin na, nui heeni dɔɔkpəlin ɉu niila, diɛ gwɛli hvilɛn Vúlumąą ɓa, ɲɛ̨n deei hvo mą, ɛlɛɛ, diɛ di nwuɔ̨ ɓɔlɔɠaa pili dɔɔkpəlin niila, diɛ kɛ mą:

Danîa 12:7

Nui ŋɛ̨i ɉəɠə kwəlɛɛ ə kɛ mą, ə ɲee hveelɛi tɛ yələi, ŋą́ nwoo mɛ̨n yɛ kɛ diɛ: «Ŋą́ gwɛla a Yálái ŋɛ̨i gaa lɔ a vulú yələ kəlee naa hu, gɛ́ diɛ: Hvo kɛli kwɛlan ɉaaɓa da gbulɔ. Mɛ̨nįɠaa ŋɛ̨i kaa pai kpɛɛi a kɛ Yálá nwɔ nuąi di wɔ huwalawala a kala kpɔ tɛ̨ɛ̨tɛ̨ɛ̨.»

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Ɉeremi 10:10

Kɛlaa, Yai-Laa nwɛi, yaa ɓə a Yálá; yii gaa a vulú, yɛ ɓo a tɔɔmun a yələ kəlee. A níiholi, lɔi a kpɛlin, yɛnɛ̨ɛ̨ lɔi ta hva pɛli tɔɔi nwɔ liiholi tɔwɔ.

Mąątɛ̨nɛ̨ 145:13

Ə́ wɔ Tɔɔlaa kaa a yələ kəlee tɔɔlaa, ə́ wɔ heeɓolaa a lamun a kwɛlan gəlee da nwɔɔ.

Danîa 6:26

Mɛ̨nįgaai tii tɛɛ pulu, tɔɔmun Dariusə ə hɛɓɛ́ pɛ̨ɛ̨, ə naa həli hįi kəlee ɓa, nɔiɠaa kəlee hu, hįi woo kəlee ɓo nuą diɛ, diɛi di kaa lɔi mɛ̨i naa kəlee, yɛ diɛ: «Gɛ́ liilaa ə tɛɛ ka pɔ kpɔ kɛnɛ̨!

Danîa 4:32

Lɔi mɛ̨i heeɓo nuą kəlee di kaa lɔ yɛ hɛn yii mɛlɛ hvo mą, yii lɔpee Yálá kaa bɔ, ya ɓə a gɛ yələkɔlɔn ɉu malakaɠaa diɛ, ə mą kɛ lɔi mɛ̨i heeɓo nuą kəlee. Nui lɔpee ta hva pɛli kpəɲan ɉii Yálá kɛ mɛ̨nį tɔwɔ, yɛ kɛ mą: «Lə ɓə ŋɛ̨i ə kaa gɛi?»

Lukə 1:33

Gaa pai tɔɔlaa kɛi Israɛlə lɔi nwun na, nwɔ tɔɔlaai kpɛlai hva kɛ mą.»

Danîa 5:21

Yálá ə gulɔ nuą lɔwai, ə gili kɛ yɛ huwɔ kili, da lɔwɔ huwɔɠaa diɛ ɓo di kee ɓa, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, ə lɛɛ la ɉu Yálá yii gaa hɛn gəlee nwun mɛ̨i, tɔɔmun Nabukodonosorə ə gɔlɔn yɛ diɛ: Yálái tii ɓə nwɔ yeetɛɛmąą kaa tɔɔlaa kəlee mɛ̨i, yaai a nu hee ɓɛi gaa bɔ.

Danîa 4:26

Ɲąnin bow kɔ́w hveelɛ tɛɛ pulu, tɔɔmun ə kɛi hiɛ-hiɛ ɓo nwɔ toɔ kwəli hu Babilonə daai,

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Mise 4:7

Yiiɠaai da too di kɔ́wɔ mɛ̨i, diɛ ɓə ŋą́ di lɛɠɛ di kee ɓa, ŋą́ di kɛ a nu huwu kpəli, yiiɠaai kwɛa la, ŋą́ di kɛ a nu huwu huwalawala, Yai-Laa yɛ tɔɔlaa kɛ di mɛ̨i Siɔn yee nwuɔ̨, ə həɠə yiihu ɓa ə lɛɛ la ɉu wɔ.

Danîa 4:3

Yili ɓə gɛ, ŋą́ nwɛlɛɛ tɔɔ, ə gɛ, kilimąą nuąi di kaa Babilonə lɔi hu, di pa, di ɉįi tii hukulɔ.

Woolaa 3:38

Kɛlɛi Hɛn-Gəlee-Mɛ̨imun naaləi lɔ ɓə, ɲąąnwąnąą da ɲąąnɛ̨ɛ̨ da kulɔ laa-ee!

Azaya 24:15

Di kaa Yai-Laa mąąwiɛi hvóló mɛlai pələ, diɛ Yai-Laa, Israɛlə nwɔ Yálái mąąwiɛ, gboloyá hɛ̨ąi lɔiɠaa hu.

Mąątɛ̨nɛ̨ 146:10

Yai-Laa kaa yələ kəlee a Heeɓomun, Siɔn! Ə́ wɔ Yálá li a kwɛlan ba pələ tɛi tɛi! 'Kánikookwəi!

Mąątɛ̨nɛ̨ 123:1

Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Mąątɛ̨nɛ̨ 121:1

Hiɛ mąąhəɠɛɛ kulɔ wələ. Ŋą́ nwún muhəɠə, ŋį́ ɲɛ̨́i hee ɲeeɠaa diɛ, mįnɛ̨ ɓə nwɔ́ kpɔnmąą a pɛli həɠəi laa?

Mąątɛ̨nɛ̨ 107:31

Di Yai-Laa nwɔ kulɔ nwoo ɓa laa laa tɛ, ɛlɛɛ, kpalo mɛ̨nįɠaai ə gɛ nukanŋaa diɛ mąą mɛ̨nį ɓa.

Mąątɛ̨nɛ̨ 102:24

Aa vį́ikpɛɛ, ŋį́ ɓo ni bələ hɛ̨ąi. Aa nwɔ́ yɛnɛ̨ɛ̨ hu kpuo.

Mąątɛ̨nɛ̨ 92:1

Mąątɛ̨nɛ̨ wələ. A wələi da doo a túwɔ́ yələ.

Mąątɛ̨nɛ̨ 10:16

Yai-Laa kaa a tɔɔmun a yələ kəlee, hį́i takpɛliɠaa daa kwɛlɛɛn nwɔ lɔi hu.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

Timote dɔlɔɔ 1:17

Wɔlɔ-wɔlɔ da wɔlɔ-wɔlɔ tɔɔmun, a Yálái haa hvo mą, kaa hvo mą, yɛ ɓo lɔ tanɔ̨n gbən, kɛnɛ̨laa da mąąwiɛlaa, ə kɛ mą, ɲɛ̨n dee hvo mą! Kɛ́i a mo tii Yálá, ə kɛ! Amįįną.

Ɉaan 5:26

Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Lukə 18:13

«Nįįhɔ̨nwɔ̨ kulɔ mun tii nwɛi, ə kɛ tɔɔni kwɛaa la, hvo kpɛli kɛ bɔ hvo ɲɛ̨i hee ɲələi. Kɛlaa, ə kɛi gəŋəi kɛlɛ, yɛ nwoo laa, yɛ kɛ diɛ: ‹Éé Yálá! Ɲɛ̨́i mąą wɛli kaa, gáá a nɛ̨ŋɛ̨n ɉəɠə mun.›»

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Mąątɛ̨nɛ̨ 107:22

Di ɉɛɠɛɛɓo haláá kulɔ kan, di gɛ mɛ̨nįɠaa loloɓo a kwəinɛ̨ɛ̨.

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Mąątɛ̨nɛ̨ 107:8

'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Mąątɛ̨nɛ̨ 50:14

Haláái mąąnɛ̨ɛ̨ ə́ gulɔ Yálá ɓa, ya ɓaa: Ə́ gɛ mɛ̨inɛ̨ɛ̨ hu kɔlɔn, ə́ wooi ə́ gwɛlɛ Hɛn Gəlee mɛ̨imun ma, ə́ bɔ mɛ̨nį kɛ.

Mąątɛ̨nɛ̨ 9:2

Yai-Laa, gáá ə́ hɛɠɛɛɓoi, gwə́i tɔ̨nɔ̨ mɛ̨i, gaa pai ə́ kɛ mɛ̨nį ɲɛ̨i kɛnɛ̨ɛ̨ɠaa kəlee hu kulɔ.

Mąątɛ̨nɛ̨ 7:17

Nwɔ ɲɛ̨nį mɛ̨nį, a pənə ə lɛɛ nwuɔ̨, nwɔ wɛa mɛ̨nįi tii ə pənə ə yɛɛ a nwun.

Zôo 1:21

Yɛ diɛ: «Bələi lɔ néé ə gaa la a gbúwulu, bələ lɔ ɓə gáá pai pənəi la. Yai-Laa ɓə gɔ́. Yai-Laa ɓə pənə ə ɉəɠə. Mąąwiɛ ə kɛ Yai-Laa laa ɓa.»

M̀ɛni-lɛɛi 10:6

ə gwɛla, a Nui gaa a húlu ɲɛ̨n deei hvo mą, naa, yai yələkɔlɔn da ɉu hɛnŋaa pɛli, lɔi da ɉu hɛnŋaa, gboloyá da ɉu hɛnŋaa; yɛ diɛ: guu hvo kɛa mą.

M̀ɛni-lɛɛi 4:9

Ɓɛlɔwai lɔpee ɉuwɔɠaa tii di kɛli mąąwiɛlaa, ɓɛlɛlaa da mąmąɓo tɛɛ la nui kɛ heeni dɔɔkpəlin ɉu bɔ, yai a vúlu ɲɛ̨n deei hvo mą,

Danîa 4:2

Kpini ta, ŋą́ hįi kaa, ɉįi tii ə mą́ą́ ɲɔw, ə ɉu pu mą́ą́, ə gwə́i pili.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Zôna 1:14

Nąąlɔwai di wɔlɔ Yai-Laa ɓa, diɛ mą: «Yai-Laa kuɔ mɛ̨nį nąmu, hvo ku nwun napili ɉulɔnui ŋɛ̨i mąą mɛ̨nį ɓa. Ɉulɔnui ŋɛ̨i, hvo mɛ̨nį ta kɛ li a kuɔ, hvo ɉaa nwulu lɛɛ ku nwuɔ̨. Mąąhɔlɔɓo, Yai-Laa, pələi ə́ kɛ la bɔ, bələ ka ŋɛ̨i ə́ gɛ la.»

Dutɛrɔnome 32:4

Yaa ɓə gaa a gu mąą kɔ́nwɔ̨ kwɛni kpuwulu. Mąą kulɔ hvo gɛ mɛ̨nį ta ɓa, nwɔ pələɠaa kəlee haŋąąi. Gaa a Yálái a kulɔ nwoo ɓa. Hvulu mɛ̨nį hvo ɲee pɔ. Dələnmoɔ, ɉaŋąą.

Samia Veerɛi 22:31

Yálá kaa a nu tənən dɔɔ mun yii ɲɔ̨nwɔ̨mąn və mą. Yai-Laa hvaa woo kəlee hu pɔ̨nɔ̨ɔ̨i; Nuąi da lɔ Yai-Laa hvaŋan mu, gaa a di wɔɔ hə́mə́.

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Kɔlɔnikɔ Maa-ŋuŋ 29:13

A kɛ tii, háákələi, ku wɔ Yálá, ku kaa Ə́ hɛɠɛɛɓoi, kuɔ ə́ nwɔ kɛnɛ̨laa laa mąąwiaa 'ə tɛ.

Mąątɛ̨nɛ̨ 66:7

Vąŋą kɛnɛ̨ pələ, Heeɓolaa kaa ɲəi a yələ kəlee mɛ̨nį, ɲɛ̨i ə ɓo lɔiɠaa diɛ, nuąi diɛ di tɔɔ nai, da too, di hvo di muhəɠə, kpɔ kɔlɔ-kɔlɔ.

Mąątɛ̨nɛ̨ 111:7

Ɲeepɔ kolóɠaa kaa a tɛ̨ą, ɉaŋąą; nwɔ tɔn nwooɠaai kəlee kaa a tɛ̨ą mɛ̨nį.

Azaya 2:11

Kpɔwɔɲąą kɛnɛ̨ nuą, mąą a yɛɛ, ɲɛ̨itɛ nuą di kwɛli hvilɛn, a mąą yələi tii, Yai-Laa yaa tɔ̨nɔ̨ gbən ɓə mąąwiɛ a kɛ mą.

Azaya 13:11

Gáá pai nwą́nąkulɔi yɛnɛ̨ɛ̨ ɓa, ɉɔn ɲɔ̨nwɔ̨ mɛ̨nį ɓa, gɛ́ nwą́nąkulɔ nwąnąlɔ nuą diɛ, di wɔ nɛ̨ŋɛ̨nŋąąi mąą mɛ̨nį ɓa, gɛ́ kpɔwɔ ɲąąkɛnɛ̨ kulɔ tɛɠɛɓo ɉu nuą yee pɔ, gɛ́ nu mɔ̨nɔ̨ɓo tɔɔɓɛlaa, di wɔ ɓələn mąą yɛɛ.

Danîa 9:14

Yili ɓə gɛ, yáán, ə́ tee mɛ̨nį nwąnąąɠaa tii diɛ, di laa kuɔ. Yili ɓa, ku Ną́mu Yálá, ə́ haŋąąi ə́ kɛ mɛ̨nįɠaa kəlee hu, kɛlaa, ku wɛi, ku hvo kɛ ku kili lɛɛ li ə́ wɔ liɛwooɠaa hu.