Danîa 4:30 - Yálá laawoo hɛɓɛ (dc)

³⁰ Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Yálá laawoo hɛɓɛ

³⁰ Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Bible

³⁰ È mò ǹyɛɛi, “Babelɔŋ taa-leei fé ŋí ŋá dɔ̀ɔ a daa-lee kɛ́tɛi a gɛɛ é ŋáwala-walai, ŋákɛtɛ-laai da ŋámu-wuyɛ-laai lɛ́i?”

Danîa 4:30 Referans Kwoze

Hanwon 16:18

Kpɔwɔ ɲąą kɛnɛ̨ a kɛɛ kala, ɲɛ̨itɛ yɛ nu hukala.

M̀ɛni-lɛɛi 18:10

Di kaa pai tɔɔi kwɛaa la, diɛ ɲɔw ŋą mɔ̨nɔ̨i tii ɓa: «Ee kə kpalo! Ə kə gbalo kɛnɛ̨! Oo kə, daa-lee kɛnɛ̨ɛ̨ kɛ, Babilonə, taalee hvaŋą kɛnɛ̨ɛ̨i kɛ, lɛɛlɛ tanɔ̨n gbən yee mu lɔ ɓə di giti tee la!»

M̀ɛni-lɛɛi 17:5

Laa ta pɛ̨ɛ̨ dɔwɔla, a mɛ̨nį hu kpinįɛ, diɛ kɛ mą: «Babilonə daa-lee kɛnɛ̨i, yai a nwɛlikɛ nɛ̨ąą, ɛlɛɛ, da mąąliɓi túwɔ́ɠaai kpɔ lɔi mɛ̨i, di lee.»

Lukə 14:11

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Izikiɛ 29:3

'Mo, yɛ́ mą: Mɛ̨nį kəlee ŋą Hééɓomun Yálá woo ka, yɛ: Faraɔn Eziptə tɔɔmun, aa lɛɛ gwa yɛ́ gu lɔwai, yɛ́i a mąąɲɔw hɛn gwiɛ kwiɛ; ə́ ɓo pɛlɛni Nilə yaɠaa lɔwai; yɛ́ ɓə ya kɛ diɛ: ‹Nwɔ́ɔ́ ɓaa a Nilə ya! Ɛlɛɛ, ɲą́ą́ gbinįlee ɓə gbɔwɔ pɛli!›

M̀ɛni-lɛɛi 16:19

Daa-lee kɛnɛ̨i ə wolo ɉu geemɛ̨i haaɓa, lɔi mɛ̨i taaleeɠaa kəlee di wolo. Ya ɓə Yálá ə gili hvilɛn Babilonə kɛnɛ̨ɛ̨ ɓa, əgɛ, ə ŋąliiŋąnwąną lɔɔ gbo nɛ̨nŋąąi tɔɔ na.

Piɛrə dɔlɔɔ 5:5

Káá kpɛlimąn, a muhəɠə nįnɛ̨ɠaa, 'ká lɛɛ nu pɔlɔ-pɔlɔɠaa woo mu. Ɛlɛɛ, ká kəlee, 'ká ká kpɔwɔ mąąyɛɛ ká lɔwai mɛ̨nįɠaa hu, mąąhɔlɔɓo, «Kpɔwɔ ɲąą kɛnɛ̨mun nwɛli hvo Yálá ɓa, kɛlaa, nuąi da di kpɔwɔ mąą yɛɛ, a nwɔ mɛ̨inɛ̨ɛ̨i kɛ diɛ.»

Mąątɛ̨nɛ̨ 73:8

Di yee pənə mɛ̨nį nuą hu, da kɛi mąą lono kɛ, diɛ yɛlɛ, diɛ lono kɛ a di woo kɛnɛ̨.

Mąątɛ̨nɛ̨ 49:20

Gaa pai lii nąnni pɔɔli, di hvo kɛa pai kɛɛ pɔ̨nɔ̨ kaai.

M̀ɛni-lɛɛi 18:21

Ya ɓə, malaka ta ə kwɛni kpuwulu kɛnɛ̨ ta həɠə, ə ɓo yɛ kwɛną, ə bili gboloyá hu, yɛ mą: «Bələ ɓə di kaa pai Babilonə taalee pilii la a hvaŋą; di hva kɛa gaa.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Mąątɛ̨nɛ̨ 104:1

Nį́i, Yai-Laa mąąwiɛ, Yai-Laa nwɔ́ Yálá! Ə́ kɛnɛ̨ɛ̨i tai! Ə́ mąąyiliɛ a lɛlɛ da ɲɛ̨ipono.

Zɛnɛse 10:10

Nɛmrodə nwɔ taa tɔlɔɔɠaai ə dɔɔ, diɛ ɓaa kɛ: Babɛlə, Erɛkə, Akadə da Kalne, Sinearə lɔi hu ɓə ə daaɠaai tii pu laa.

M̀ɛni-lɛɛi 14:8

Ɛlɛɛ, malaka veelɛnąą, ə lɛɛ bulu, yɛ mą: «Aa too, aa too! Babilonə daa-lee kɛnɛ̨i aa too! A yai lɔɔ tɔɔ lɔi kəlee la, a nwɔ wɛlikɛ lɔɔ kpəɠiɛi.»

Hanwon 29:23

Kpɔwɔ ŋąą kɛnɛ̨ laa pɔ hɛn maa a nwumɛ̨, nui a gbɔwɔ mąą yɛɛ, da mąąwiɛ.

Azaya 13:19

Babilonə, lɔi ɲɛ̨ilon! Yai a Kalde nuą ɲɛ̨i pɔ̨nɔ̨ hɛn, gaa pai kɛi yɛ Sodomə da Gomorə, diɛi tii Yálá ə di hukala.

Danîa 4:31

Gwɛlan mɛ̨ihveelɛi tii tɛɛ pulu, ɲą́ą́ Nabukodonosorə, ŋą́ ɲɛ̨i hee yələi, nu kili ə pa mą́ą́, Yálá yii gaa hɛn gəlee nwun mɛ̨i, ŋą́ mąąwiɛ tɛɛ bɔ. Yálá ŋɛ̨i haa hvo mą, yaai nwɔ yeetɛɛmąą kaa hɛn gəlee mɛ̨i, yaai nwɔ tɔɔlaa kpɛɛ hvo mą, ŋą́ kɛnɛ̨ laa da mąąwiɛ tɛɛ bɔ.

Habakukə 1:11

Di wɔ kiliŋąhiɛ mąą a hvalən. Diɛ li pələ takpɛli a kɛɛ kalaa. Di hvaŋą ɓə ɓaa a di wɔ Yálá.

Hanwon 11:2

Ə́ wəli tɔɔ kilimąą woo ɓa Ə́ ŋąą wala, ə́ gbaɠala kaa.

Lukə 14:9

A kɛ tii, nui ŋɛ̨i ka nu hveelɛ ka təli, a pa yɛ kɛ yɛ́: həɠə gbəlin ɲii ŋą, ə́ li ə́ hee pulu pələ ɓɛi tii. Nąąlɔwai, ya kɛi li heei pulu pələ, nwumɛ̨ a tɛ a yɛ́.