Danîa 4:2 - Yálá laawoo hɛɓɛ (dc)

² Kpini ta, ŋą́ hįi kaa, ɉįi tii ə mą́ą́ ɲɔw, ə ɉu pu mą́ą́, ə gwə́i pili.

Yálá laawoo hɛɓɛ

² Kpini ta, ŋą́ hįi kaa, ɉįi tii ə mą́ą́ ɲɔw, ə ɉu pu mą́ą́, ə gwə́i pili.

Bible

² Gáa ḿâ a lii-nɛ̃ɛ a gɛɛ ŋá ŋɛi-kɛ-maa-ŋai da mɛni kpaya-kpayai mɛni ƃó kâa Ŋ̀âla Kɛ́tɛi a gɛ́ ḿîi.

Danîa 4:2 Referans Kwoze

Danîa 3:26

Yili pulu, Nabukodonosorə ə mąą lɛɠɛ vuulu laaləi, ə mo a nwoo kɛnɛ̨ yɛ diɛ: «Sadrakə, Mesakə, Abɛdə-Nego, Yálá yii gaa hɛn gəlee nwun mɛ̨i nwɔ kóló kɛ nuą, ka kulɔ nwɔ̨n ɉu ka pa!» Sadrakə, Mesakə, Abɛdə-Nego, di kulɔ nwɔ̨n ɉu.

Mąątɛ̨nɛ̨ 66:16

'Ka pa, kaa kpɔ tii ka ɲɔw Yálá ɓai, 'ka pa, ka nwóó mɛ̨n, mɛ̨nįɠaai ə gɛ mą́ą́, ŋį́ di hukulɔ ka ɲɛ̨i ɓa.

Mąątɛ̨nɛ̨ 71:18

Bələi mąn ŋą́ą́ pɔlɔ la nwún aa powa, Yálá, 'hvó ə́ kili kulɔ ɉú hvó nɛ́ɛ́ gbɔ́wɔ yee kɔ́nma; 'gɛ, gɛ́ pɛli ə́ wɔ huwalawala kɛ mɛ̨nįɠaa hukulɔi nuąi yɛnɛ̨ɛ̨ yiihu diɛ, da nuąi pai lɛɛi di pulu, ŋį́ ə́ wɔ kpakololaa lɛ diɛ.

Mąątɛ̨nɛ̨ 51:14

'Málo mɛ̨nį ŋą kwəinɛ̨ɛ̨ too ɉú. 'Lii kpələ kili tɛɛ bɔ́.

Zasua 7:19

Ɉosue yɛ Akan ɓa: «Nón, mąąwiɛ tɛɛ Yai-Laa pɔ, yai gaa a Israɛlə nwɔ Yálá, ə́ kɛnɛ̨ laa tɛɛ bɔ. Bələi kpɔ ə́ mɛ̨nįi ŋɛ̨i kɛ la, ɉukulɔ mą́ą́, hvo da loo.»

Ɉaan 4:48

Jesus yɛ mą: «Ka hva pɛli laa na laa kɛi a kɛ ka hvo kpalo mɛ̨nįɠaa kaa li.»

Danîa 4:17

Nwului tii ə́ gaa, yaai tii kɛ gɛnɛ̨i, nwalawalaa, gweaa yɛ tɛ yələkɔlɔn ma, yaai yɛnɛ̨ɛ̨ naakəlee nuą da pɛli kɛ gaai;

Danîa 4:24

Yili ɓə gaa mą, Oo tɔɔmun! Niɛwooi ŋɛ̨i gáá gɛi yɛ́, ya ɉon, mąąnɛ̨ɛ̨ ə́ kpəla nɛ̨ŋɛ̨n gɛɛ ɓa, ə́ mąąhvalin a tələnmolaa. Ə́ mɛ̨nį ɲɔ̨n mąąhvalin a nuą mąąwɛli kaa, ya yili kɛ tii, gbəli hu ə́ wɔ liilaa hu a kwɛa.»

Danîa 4:25

Mɛ̨nįɠaai tii kəlee laa ə hvɛɛ tɔɔmun Nabukodonosorə ɓa.

Danîa 4:34

Yii hu kɛa, ɲą́ą́ Nabukodonosorə, Yálái ŋɛ̨i gaa a yələkɔlɔn ɉu tɔɔmun, gáá mąąwiɛi, gɛ́ naa mąątɛ̨nɛ̨, gɛ kɛnɛ̨ laa tɛɛ bɔ. Yálái tii kɛ mɛ̨nįɠaa kəlee kaa a tɛ̨ą, nwɔ kpaaləɠaa kəlee haŋąąi. Nuąi da hiɛ a hu ɲąŋą kɛnɛ̨ pələ, a di mąąyɛɛ.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 6:27

Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Danîa 7:25

Gaa pai kɛi woo ɲɔ̨n moi a Yálá Yii Gaa Hɛn Gəlee Nwun Mɛi naa, yɛ Yálái tii nwɔ nuą laanɔ̨nwɔ̨ɓo, gaa nwɔ kwəi a pɛli pai kɛi lɔwai mąąhvalin ɉii, da Yálá nwɔ tɔ́n. Ə lɛɛ, di kaa pai Yálá nwɔ nuą tɛɛi bɔ, di kwɛlan ɉaaɓa da gbulɔ kɛ ɲee mu.

Zôo 7:14

Nąąlɔwai ɓə ya mą́ą́ ɲɔw la a hį́i ɲɔ̨nwɔ̨ɔ̨ɠaa, yɛ́ hį́i mąąɲɔwuɔɠaa lɛ mą́ą́.

Mąątɛ̨nɛ̨ 65:9

Ə mą kɛ lɔi kpon ɉeei nuą ɓə, da di liipɔ kɛlɛ, ə́ kɛ mɛ̨nį kpɛa kpɛaa mąą mɛ̨nį ɓa, yá kwəinɛ̨ɛ̨ woo lɔ, hvóló həɠəi pələ, da hvóló tooi pələ lɔiɠaa la.

Danîa 2:1

Nabukodonosorə nwɔ tɔɔlaa gwɛlan veelɛ lɔwai, ə hįi kaa, ɉįi tii ə gwəipili kpɔ ma kɛnɛ̨, hvo yii.