Bib sou entènèt

Danîa 4:19 - Yálá laawoo hɛɓɛ (dc)

¹⁹ Oo tɔɔmun, yɛ́ ka tii! Yaa kɛnɛ̨, ə́ yee a walawala, ə́ wɔ kɛnɛ̨ laa aa tɛ yɛ həli yələkɔlɔn ma, ə́ wɔ yeetɛɛmąą laa aa həli lɔi nąą kəlee.

Gade chapit la Kopi

Yálá laawoo hɛɓɛ

¹⁹ Oo tɔɔmun, yɛ́ ka tii! Yaa kɛnɛ̨, ə́ yee a walawala, ə́ wɔ kɛnɛ̨ laa aa tɛ yɛ həli yələkɔlɔn ma, ə́ wɔ yeetɛɛmąą laa aa həli lɔi nąą kəlee.

Gade chapit la Kopi

Bible

¹⁹ Gɛ́ɛ tíi, Danîa nyii da kâa dòli máŋ a Bɛtesazɛi, ǹáa è kɛ̀ nɔ́ kpɔ́ va pɔ̂ri lônoi. Gâloŋ ǹyɛɛ mai, “Bɛtesazɛ, Zee-wooi maa mɛni fé ílii ƃèla yâ.” Bɛtesazɛ è zu tòo ǹyɛɛ mai, “Eê pɔ̂ri kɛ̂i a ǹɛ́lɛɛ a kɛ̀ zee-wooi ŋí da zu kulâi pîlaŋɔɔi nɔ́ íkpɔara-ƃelai dîa, yá fêi.

Gade chapit la Kopi

tounen moute ⬆

Danîa 4:19
27 Referans Kwoze

Danîa 8:27

Ɲą́ą́ Daniɛlə, ŋą́ Yələ tamąą kɛ, ɲɔ̨n yɛ ɓo mą́ą́, ə lɛɛ vįikpɛɛ. Vili tɛɛ pulu, ŋą́ pənə ŋą́ li gɛ́ kóló ɓa, yii tɔɔmun ə dɔ́ɔ́ ma. Ɉiin tii ŋą́ gaa, nwɔ kwəi pili maa ə kɛ mą́ą́, və́ kpɔ kɛi mukulaa kɔ́lɔn.

Danîa 7:28

Yili ɓə kɛ a nwɛlɛɛ tii kpɛlai. Ɲą́ą́ Daniɛlə, gwə́i ə pili mą́ą́, mą́ą́ yɛ kpɛlin, ɲɛ̨́i lai maa ə hvalin gáá nwooɠaai tii kəlee naa kili lɛɛi ŋą́.

Danîa 4:24

Yili ɓə gaa mą, Oo tɔɔmun! Niɛwooi ŋɛ̨i gáá gɛi yɛ́, ya ɉon, mąąnɛ̨ɛ̨ ə́ kpəla nɛ̨ŋɛ̨n gɛɛ ɓa, ə́ mąąhvalin a tələnmolaa. Ə́ mɛ̨nį ɲɔ̨n mąąhvalin a nuą mąąwɛli kaa, ya yili kɛ tii, gbəli hu ə́ wɔ liilaa hu a kwɛa.»

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Samuɛlə dɔlɔɔ 3:17

Eli yɛ mą: «Lə mɛ̨nį ɓə ə mo yɛ́, hvo ɲɔw mą́ą́, nɛ̨ɛ̨ yɛ́ mɛ̨nįɠaai Yálá ə mo yɛ, Yá wala gəlee hukulɔ mą́ą́, yá dɔ̨nɔ̨ kpɛli lɛɛ pulu, Yálá ə mɛ̨nį huwu lɔpee gəlee laa yɛ́.»

Habakukə 3:10

Yeeɠaa da ə́ kaa, di mąą a kpɛlin. Tulɔ kpɛa kpɛa diɛ lɔi yɔwɔ. Yaɠaa kəlee di lee yɛ huluun, yɛ tɛ kpɔ yələ liiɓa.

Danîa 7:15

Ɲą́ą́ Daniɛlə, gwə́i ə pili mą́ą́ kpɔ kɛnɛ̨, ɉįi tii ŋą́ gaa mąą mɛ̨nį ɓa.

Danîa 5:12

Daniɛlə ŋɛ̨i tɔɔmu ə naa mɛ̨i hee a Bɛltsasarə, gili kɛnɛ̨ mɛ̨nį kɔ́lɔn ŋąą hu, nwun ɲɛ ɓo ɉu, a pɛli hiinɠaa hukulɔi, a pɛli hanwonŋaa hukulɔi, mɛ̨nį yii nwalawalaa, a ɉon bələ kpaɠala lɛ. Ka Daniɛlə tii təli, a pɛli mą ə mɛ̨nį ta ɓo mɛ̨nį ŋɛ̨i hu.»

Danîa 2:26

Tɔɔmun ə nɛɛmą, ə mo Daniɛlə ɓa, yaa ŋɛ̨i naa mɛ̨i hee ɓa kɛ a Bɛltsasarə, yɛ mą: «Ɉiin ŋɛ̨i ŋą́ gaa, ya pɛli ə́ mo mą́ą́, ə́ bɛlɛ mukulaa ɓa?»

Danîa 1:7

Gbɛtɛgbuwuluɠaa nwun nąmu, ə laaɠaa hee diɛ, yɛ Daniɛlə ɓa: Bɛltsasarə. Yɛ Hanania nwɛi ɓa: Sadrakə. Yɛ Misaɛlə nwɛi ɓa: Mesakə. Yɛ Azaria nwɛi ɓa: Abɛdə-Nego.

Ɉeremi 29:7

Daa tii ka tɛɛ ɉu, mąą liihɛlɛn ə too kaa, ka Yai-La hvɛli daa tii mąą mɛ̨nį ɓa. Daa tii a kɛ nɛ̨ɛ̨hu, kaa kpɛli ka kɛ laa ka nɛ̨ɛ̨hu.

Tɔɔɓɛlaa dɔlɔɔ 18:7

Ovadiahu kɛɛ bələ pɔ, da Eli di kwiɛn. Ovadyahu ə gɔlɔn, ə pɛlɛ niiɓa nɔi ɓa, yɛ mą: «Nwɔ́ mɛ̨nį nąmu Eli! Yɛ́ li?»

Samuɛlə dɔlɔɔ 26:15

Davidə yɛ Avnɛrə ɓa: «Kɛlɛi kpakolo ɓaa a yɛ́-e! Ə lɛɛ, ə́ ɲɔ̨nwɔ̨mąn və Israɛlə lɔi hu-e, lə ɓə kɛ yai hvo ə́ ɲɛ̨i kɛ li ə́ nwun nąmu tɔɔmun ma? Nɔi lon da ə pa, yɛ kɛ ə tɔɔmun ə́ nwun nąmu paa.

Samuɛlə dɔlɔɔ 24:8

Nwooɠaa tii ɓə Davidə ə nwɔ nuąi kpɛla la bələi, hvo hvaa mą di hvo di yee pɛlɛ Saulə ɓa. Saulə ə muhəɠə, ə kulɔ gwɛni wolo hu, yɛ nwɔɔ li ɓo.

Samuɛlə dɔlɔɔ 1:15

Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.

Lɛɛ gbɔwɔ ɓa 32:32

Kɛlaa, akɛ yá hvaa mą, ə́ di wɔ nɛ̨ŋɛ̨ŋąą mąą hvaalɛɛ, a wala kɛ ti, ɉɛɓɛ́i ŋɛ̨i Ə́ náá pɛ̨ɛ̨ ɉu nwaa.»

Zɛnɛse 32:18

Ɉakɔbə yɛ nwɔ tímun dɔlɔɔ ɓa: «Ka níɛ Esau ka kwiɛn, a kɛ yɛ́: ‹Gbɛɛ ŋą nu ɓaa yɛ́? Ə́ kaa lii mį? Gbɛɛ nwɔɔ ɓaa daatɛlɛɛ kpului ŋɛ̨i ə́ tɔ́wɔ́i?›

Zɛnɛse 31:35

Rasɛlə yɛ nąn ma: «Ną́n, ya gaa və́ muhəɠə li və́ tɔɔ, ŋą́ lɛɛ heeni, mąąhɔlɔɓo, nɛ̨ą ɲɔ̨n gaa mą́ą́.» Laban ə ɲɛ̨i laa, hvo nwɔ haliɠaai kaa.

Zɛnɛse 40:12

Ɉosɛfə yɛ mą: «Ə́ wɔ hįį tii mukulaa ka: viɲə kpaɠa haaɓai tii, mukulaa ɓaa; aa lɛɛ pulu a hvóló haaɓa,

Danîa 2:37

«Oo Tɔɔmun! Yɛ́ ɓə ə́ kaa a tɔɔɓɛlaa di wɔ tɔɔmun, mąąhɔlɔɓo, Yálá yii gaa yələkɔlɔn ɉu, aa tɔɔlaa, huwalawala, da hvaŋą, ə lɛɛ, mąąwiɛ tɛɛ ə pɔ.

Danîa 5:18

Oo tɔɔmun, Yálá yii gaa hɛn gəlee nwun mɛ̨i, ə tɔɔlaa, kɛnɛ̨ laa, ɓɛlɛ kɛ maa da mąąwiɛ tɛɛ ə́ nąn Nabukodonosorə pɔ.

Danîa 5:19

Gɛnɛ̨ laai tii Yálá ə dɛɛ bɔ mąą mɛ̨nį ɓa hįi kəlee, nu huwu lɔpee gəlee, hįi woo lɔpee gəlee ɓo nuą, di kɛi ɲɔw ma. Nui kɛ a kɛ bɔ ə baa, a baa, nui a kɛ bɔ ə nɛɛ a vulú, ə nɛɛ a vulú. Nui a kɛ bɔ a tɔɔi tɛɛ bɔ, akɛ nwɔ̨nɔ̨ bɔ ə daɠaa mąąyɛɛ.

Swiv nou:

Lyen patwone

Piblisite

Piblisite