Danîa 4:1 - Yálá laawoo hɛɓɛ (dc)

¹ Ɲą́ą́ Nabukodonosorə, ŋą́ kɛ kpɔ heeni ɲə́i bɛlɛ́n nɛ́ɛ́ hu, gɛ́ ɓo ɲə́i dɔɔ kwəlii.

Yálá laawoo hɛɓɛ

¹ Ɲą́ą́ Nabukodonosorə, ŋą́ kɛ kpɔ heeni ɲə́i bɛlɛ́n nɛ́ɛ́ hu, gɛ́ ɓo ɲə́i dɔɔ kwəlii.

Bible

¹ Gâloŋ Nɛbukinaza è ŋ̀orɛ̂-wooi ŋí tɛ̀ɛ ǹɔii-ŋûŋ-ŋai kélee su-ƃelai pɔ́ naa ŋ̀éniɛi gwaa kélee ǹyɛɛ dîai, “Ŋá fàa kâa! Ɣâla é lii sêe tɛɛ kápɔ.

Danîa 4:1 Referans Kwoze

Danîa 6:25

Tɔɔmun ə pənə ə mo, yɛ diɛ: «Nuąi kpɔ tii Daniɛlə mąąɲaba lɔ, di pa a gəlee, di di pili ɲala kwənąn ɉu; diɛ di lonnii da di nɛ̨ąni.» Di pili tii di mo ɲala kwənąn ɉu, gɛɛ di hvo həli nɔi ɓa, di kɔ́w kpuɔkpuɔɠaa lɔ ɓə kɛi too nɔi ɓa.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Danîa 3:4

Noloɓomun yii di dɔɔ mɛ̨nį tii nwun na, ə tomą kpɔ a nwoo kɛnɛ̨, yɛ diɛ: «Hįi kəlee, hįi woo lɔpee gəlee ɓo nuą, da nu huwu lɔpee gəlee, yii tɔɔmun ə mo, ya ka:

Ifisiɛŋ 1:2

Gu Ną́n Yálá da gu Ną́mu Jesus Kristə di wɔ nɛ̨ɛ̨laa da di wɔɔ liilaa ə kɛ ká pɔ.

Danîa 3:29

Ə həɠə yiihu ɓa, tɔ́n yii gáá dɔɔi, ya ka: Gɛ́ nui lɔpee gəlee, hįi lɔpee, hįi woo lɔpee gəlee ɓo nuą, nui a woo ɲɔ̨n mo a Sadrakə, Mesakə da Abɛdə-Nego ni di wɔ Yálái laa, da mąą nu hu tee-tee, di nwɔ pɛlɛ́i pu, naa ə lɛɛ, a tulun ŋą. Mąąhɔlɔɓo, di wɔ Yálái yaa tɔ̨nɔ̨ ɓə a pɛli nu nwun mąąɓoi.»

Ɛsdrasə 4:17

Tɔɔmun ə nwoo ŋąąpənə kɛ, yɛ diɛ: «Ə həli nɔi nwun nąmu Rehumə ɓa, da nwɔ hɛɓɛ́ kɛmun Simsai, da di ɓɛlaai di heeɛ kaa Samari, da yiiɠaai kpɔ di kaa Eufratə ɲa lee voló tooi pələ: Gáá ka tuwɔ ɓoi kpɔ tii dəŋ.»

Kɔlɔnikɔ Maa-ŋuŋ 12:18

Davidə ə kulɔ, ə di laakwiɛn, ə nwoo ŋɛ̨i ɓo diɛ, yɛ diɛ: «Akɛ ka káá pai bɔ́ a liilaa kiliŋąhiɛ da kpɔnmąą, ŋį́ hvaamą a níí kəlee, ka too bɔ́. Kɛlaa, akɛ ka pa ɲą́ą́hɛɠii, ka dɛ́ɛ́ ɲówoɠaa pɔ, yili nwɛi, gu nąnni di wɔɔ Yálá ɲɛ̨i kaa mą, nwąnąlɔɔ túwɔ́ hvo ɲéé hu, yaa ɓə a gu hutɔɔ!»

Timote dɔlɔɔ 1:2

Ɲą́ą́ ɓə ɉɛɓɛ́i ŋɛ̨i tɛɛi Timote ɓa, yai nwɛ́likɛmąą lon gbɔɔ-kpɔ laa na laa hu, gɛ́, mɛ̨inɛ̨ɛ̨, ɲɛ̨imąąwɛli kaa liilaa, ə həɠə, gu Nąn Yálá da gu Ną́mu Jesus Kristə di yəi di kɛ ə́ pɔ.

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Gɛlaɠaa 2:6

Ɓɛlɔwai dín ti ə tɔɔ la, di kpɔn di kee ɓa a di kpulu. Di kwəi ə pili diɛ kpɔ kɛnɛ̨, mąąhɔlɔɓo, nu kəlee di kɛi galan nɛai ti woo mɛ̨n a di pɔ taai woo.

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Danîa 6:27

Gáá tɔ́n dɔɔi ɓɛi kpɔ nwɔ́ tɔɔlaai ə həli laa, naa nuą kəlee diɛ, gɛ diɛ: Mąąnɛ̨ɛ̨ nu kəlee di ɲɔw Daniɛlə nwɔ Yálái ɓa, di mąąwiɛ. Mąąhɔlɔɓo: «Ya ɓə gaa a Yálá hvulú, Ya ɓə a Yai-Laa. Nwɔ tɔɔlaai hva kpɛɛ. Nwɔ heeɓolaa kpɛlai hvo mą.

Ɛsdrasə 5:7

ɉu woo ka: «Tɔɔmun Dariusə, ə́ yii ə kwɛa kɛi a mo tii Yálái ə kɛ! Ə həli yɛ́!