Danîa 2:49 - Yálá laawoo hɛɓɛ (dc)

⁴⁹ Daniɛlə ə nɛ̨ɛ̨mąą hvə tɔɔmun ma, ə gɛ, di Babilonə lɔi ɲąąwooɓoɔ ɲɛ̨i tɔwɔ laa tɛɛ mɛlaa: Sadrakə, Mesakə da Abɛdə-Nego di pɔ. Yii ɓaa Daniɛlə nwɛi, ya ɓə kɛ a tɔɔmun niɛwoo kɛ mun.

Yálá laawoo hɛɓɛ

⁴⁹ Daniɛlə ə nɛ̨ɛ̨mąą hvə tɔɔmun ma, ə gɛ, di Babilonə lɔi ɲąąwooɓoɔ ɲɛ̨i tɔwɔ laa tɛɛ mɛlaa: Sadrakə, Mesakə da Abɛdə-Nego di pɔ. Yii ɓaa Daniɛlə nwɛi, ya ɓə kɛ a tɔɔmun niɛwoo kɛ mun.

Bible

⁴⁹ É kúla nyíŋi pôlu, m̀ɛnii Danîa è m̀arê kɛ̀ m̀ɛni mai è ŋàa-see kɛ̀ mì. È Sadura, Misãŋ da Abɛnigo-ni kɛ̀ a Babelɔŋ kpiniŋ su mɛni-ŋai kélee láa túɛ-ƃela. Danîa è lɛ̀ɛ gâloŋ tii kɛ́-pɛrɛ kɛ́tɛi mu da dîa-ni dí kɛ́ tíi kɛ̀.

Danîa 2:49 Referans Kwoze

Danîa 1:7

Gbɛtɛgbuwuluɠaa nwun nąmu, ə laaɠaa hee diɛ, yɛ Daniɛlə ɓa: Bɛltsasarə. Yɛ Hanania nwɛi ɓa: Sadrakə. Yɛ Misaɛlə nwɛi ɓa: Mesakə. Yɛ Azaria nwɛi ɓa: Abɛdə-Nego.

Amɔsə 5:15

Ka mɛ̨nį ɲɔ̨n nwɛli kpɛɛ kaa, ka mɛ̨nį lɛlɛɛ wɛli la kɛ. Ka mɛ̨nį haŋąą kɛ ka wɔ kiti tee pɛlɛ́ɠaai mu. A kɛ tii, Yai-Laai gaa a Mɛ̨nį Kəlee ŋą Hééɓomun Yálá, a pɛli kiɛ, ə ka ɲɛ̨i maa wɛli kaa, kaai ka káá a Ɉosɛfə huwuhu nuą gbəli.

Danîa 2:17

Yili pulu, Daniɛlə ə li ɲəi bɛlɛ́ laaləi, ə mɛ̨nįi tii hukulɔ mɛlaani diɛ, diɛ ɓaa: Hanania, Misaɛlə da Azaria.

Danîa 1:17

Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Ɉeremi 39:3

Babilonə tɔɔmun nwɔ kɔ́kuláá kpɛa kpɛaɠaa di pa di hee gwəli hąą ɓɔlɔ ɓa, Nɛrgalə-Sarɛsɛrə Sin-Magirə mun, Nebu-Sarsekimə yii a dɔɔ kwəlii nuą nwun nąmu, Nɛrgalə-Sarɛsɛrə gɔ́kulááɠaa kəlee nwun nąmu, da gɔ́kuláá takpɛliɠaai tii.

Hanwon 28:12

Tələnmo nuą da tɔɔlaa həɠə, nwun na nɛ̨ɛ̨ a kɛ nu kəlee ɓa, Kɛlaa nwąnąlɔ nuą da ɉəɠə, nu kəlee da di nwun mąą kilɛi kwɛli.

Danîa 6:2

Dariusə ə giliŋąhiɛ yɛ diɛ, gaa nu kpɛa-kpɛa nwun dɔ̨nɔ̨ ɲee hveelɛ heei nwɔ tɔɔlaai hu, nɔi nąą kəlee.

Danîa 3:1

Tɔɔmun Nabukodonosorə ə mąąnįnįn ɉaɠaa ta pɛli a hɛni, dɔɔmɛ̨i yɛ ɓo a mɛtɛlɛ pow haaɓa, mɛlaŋa kɛnɛ̨ pələ yɛ ɓo a mɛtɛlɛ haaɓa. Ə dɔɔ ɓɛi ŋɛ̨i da kɛ mą: Dura, nɛ̨ŋɛ̨ hu, Babilonə nɔi.