Danîa 2:45 - Yálá laawoo hɛɓɛ (dc)

⁴⁵ Gwɛni ŋɛ̨i həɠə ɲee ɓa yɛ yɛɛ nu ta yee hvo kɛ mą, ə pa ə gwɛli tii wolo da mala kwɛli, nəɠipɔlɔ da nwali kwɛli ə mą kɛ ɉɛni tii, gwɛni tii kaa a dɔɔlaai tii maa pɔɔ kɔ́ɔn. Yálá yii gaa hɛn gəlee nwun mɛ̨i, mɛ̨nį pai kɛi, ya ka tii aa nɛ tɔɔmun ma. Ɉiin tii ə́ gaa, gaa a tɛ̨ą, mąąnɛ̨ɛ̨ nu ə laa mukulaa la.»

Yálá laawoo hɛɓɛ

⁴⁵ Gwɛni ŋɛ̨i həɠə ɲee ɓa yɛ yɛɛ nu ta yee hvo kɛ mą, ə pa ə gwɛli tii wolo da mala kwɛli, nəɠipɔlɔ da nwali kwɛli ə mą kɛ ɉɛni tii, gwɛni tii kaa a dɔɔlaai tii maa pɔɔ kɔ́ɔn. Yálá yii gaa hɛn gəlee nwun mɛ̨i, mɛ̨nį pai kɛi, ya ka tii aa nɛ tɔɔmun ma. Ɉiin tii ə́ gaa, gaa a tɛ̨ą, mąąnɛ̨ɛ̨ nu ə laa mukulaa la.»

Bible

⁴⁵ Óo Gâloŋ, zĩ̂ai tɛ̀ɛ a yá é pîlaŋ gɔnii ma nyii kpùɛ ǹyée su é tóo nyii núu da fé gbùɛ-nii é gɔlii, gôoi, m̀arai, m̀óo pɔ̂rɔi da gánei fũa-fũai, su-kulâi ká ŋí. Gɔni-ŋai kɛ̀ ǹyéei sui, da è kpùɛ ma nyii núu da fé gbuɛ-nii. È tòo é gɔlii, m̀arai, m̀oo pɔ̂rɔi, ganêi da gôoi fũa-fũa. M̀ɛnii pâi kɛ̂i tuɛ-perei Ŋ̀âla kɛ́tɛi a ǹɛ́ gâloŋ ma. Ŋaâ ísee-wooi da zulâi lɛ́ yâ nyii gáa a tɔ̃yâ. Láa la a gɛɛ m̀ɛni-ŋai ŋí da pâi kɛ̂i.”

Danîa 2:45 Referans Kwoze

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Zɛnɛse 41:32

Mɛ̨nį tɔ̨nɔ̨i tii, ə lɛ yɛ́ hįi hveelɛ hu, ə gɛ, ə́ gɔlɔn yɛ diɛ mɛ̨nį Yálá kaa pai gɛi, nwalawalaai, ɛlɛɛ, ɉu hvo kwɛa li.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Mąątɛ̨nɛ̨ 48:1

Kore lonnii di wɔ wələ.

Samia Veerɛi 7:22

A tɛ̨ą ə́ kɛnɛ̨i, Ną́mu Yálá. Ə́ ɲɔ̨nwɔ̨mąn və laa, ɛlɛɛ, Yálá takpɛli hvo laa ə kulɔ ə́ pulu; yɛ bələi kpɔlɔ ə too la ku wəlii.

Dutɛrɔnome 10:17

Mąąhɔlɔɓo, Yai-Laa ka wɔ Yálái ɓə gaa a yáláɠaa di wɔ Yálá; a tɔɔɓɛlaa di wɔ Tɔɔmun; Yálá yii gɛnɛ̨, vaŋą kɛnɛ̨ mąą ɲɔuwɔ, ɉaŋąą, di hva lɔ gwəi.

Zɛnɛse 41:28

Yili ɓa, tɔɔmun, yɛ pələi ŋɛ̨i ŋą́ą́ ɉukulɔ la yɛ́, mɛ̨nį pai kɛi ya ka tii Yálá aa ə́ kili pu ɉu.

M̀ɛni-lɛɛi 19:17

Ya ɓə, ŋį́ malaka ta kaa tɔɔni hvóló hu; yɛ tomą kpɔ a nwoo kɛnɛ̨ɛ̨, nwɛ̨nįɠaa tii kɛi koon ɲələ kwəi, di pɔ pələ, yɛ mą: «'Ká pa, 'ká káá ɲąąkpɔn, Yálá ŋą hɛli kɔ̨nɔ̨n gɛnɛ̨i ɓa,

M̀ɛni-lɛɛi 4:1

Yili pulu, ŋį́ kɛɛ ta kaa: Pɛlɛ́ ta laa ə ɓoɔ yələkɔlɔn ɉu, ɛlɛɛ, nwoo tɔlɔɔi ŋą́ mɛ̨n, yɛ pələ ɓo mą́ą́, ə kɛ yɛ tulu woo, yɛ mą: «'Tɛ́ ɓɛ! Ɛlɛɛ, mɛ̨nįɠaai pai kɛi nąą pulu, ŋį́ nɛ yɛ́.»

M̀ɛni-lɛɛi 1:19

Mɛ̨nįɠaai ə́ ɲɛ̨i ə gaa, yiiɠaai kɛi yiihu, ɛlɛɛ, yiiɠaai pai kɛi yili nąą pulu, 'bɛ̨ɛ̨.

Lukə 17:20

Farisiɛ̨ɠaa di Jesus mąąni kɛ, diɛ mą: mįnɛ̨ lɔwai ɓə Yálá-taa tɔɔlaa kaa pai la? Jesus ə di woo pulu pənə yɛ diɛ: «Yálá nwɔ tɔɔlaai hvo pai pai ŋɛ̨i nuą di hvo gaa.

Maafîu 24:35

Yələkɔlɔn da lɔi di hvo pai tɛɛi nii, akɛ nwooɠaa ŋɛ̨i ŋį́ mo gəlee pɔ mɛ̨nį hvo kɛ li.»

Maafîu 21:24

Jesus ə mo diɛ yɛ diɛ: «Ɲą́ą́ gbɛli gáá ka woo ŋąąpənəi a kɛɛmąąlən, akɛ ka nwóó ŋąąpənəi, ɓɛi ŋį́ mɛ̨nįɠaa ŋɛ̨i kɛɛ nwɔ huwalawala a hɔlɔɓo laa ŋą naa lɛ kaa.

Zakari 12:3

A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 2:24

Yili pulu, Ariɔkə ŋɛ̨i tɔɔmun ə kɛ mą: «Babilonə daa kilimąą nuą paa,» Daniɛlə ə li bɔɔli, yɛ mą: «Kilimąą nuą di kaa Babilonə daai, hvo kɛ ə́ kaa di paai. Li a ŋą́ą́ tɔɔmun bɔɔli, ŋą́ nwɔ hįi hukulɔ mą.»

Mąątɛ̨nɛ̨ 145:3

Yai-Laa kɛnɛ̨i, Mąąnɛ̨ɛ̨i lɔ di mąątɛ̨nɛ̨, nu hva pɛli gɛnɛ̨ pələ kiliin ɉi.

Mąątɛ̨nɛ̨ 135:5

A tɛ̨ą, gbaɠala kaa tii mą́ą́, Yai-Laa kɛ̨nɛ̨i, ku Nąmu yee tɛɛi yáláɠaa kəlee diɛ.

Mąątɛ̨nɛ̨ 96:4

Mąąhɔlɔɓo, Yai-Laa kɛ̨nɛ̨i, Mąąwiɛ kaa a nwɔɔ. Ɲɛ̨i mąąɲɔwuɔi, gɛnɛ̨ yáláɠaa kəlee diɛ.

Zôo 36:26

Yálá kɛnɛ̨ pələ mąąkpɛɛ, gu hva pɛli gbaɠala kaa, nu hva pɛli nwɔ kwɛlan nonon ɉii.

Nehemi 9:32

«Yii hu kɛa, ku wɔ Yálá, yɛ́i ə́ kaa a Yálá kɛnɛ̨ɛ, vaŋą kɛnɛ̨ɛ, mąą ɲɔwɔ, mįnɛ̨i ka ɉəɠə ya bɔ mɛ̨nį kɛ da ə́ woo; mɔ̨nɔ̨i ŋɛ̨i aa laa ku wɔ, hvo gaa a mɛ̨nį hviikpɛɛ. Kuɔ-o, ku wɔ tɔɔɓɛlaai, ku ŋąąwoo ɓo nuą, ku wɔ haláá laa həli nuą, da ə́ wɔ loloɓo nuąi, da ku ną́nni, ə mą kɛ nɔi lonnii kəlee, ə həɠə Asiri tɔɔɓɛlaa di wɔ hvólói ɓa, ə həli la háákələi ɓa.

Nehemi 4:14

Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»

Kɔlɔnikɔ Maa-ŋuŋ 16:25

Mąąhɔlɔɓo, Yai-Laa kɛnɛ̨i, mąąwiɛ ə ɓo mą kɛnɛ̨. Ɲɛ̨i mąą ɲɔwuɔi, gɛnɛ̨ dɛɛ haliɠaa kəlee diɛ.

Danîa 2:28

Kɛlaa, Yálá yii gaa yələkɔlɔn ɉu, ya ɓə aa hvaa mą, mɛ̨nįi pai kɛi, yii noɔ, aa nɛ tɔɔmun Nabukodonosorə ɓa. Tɔɔmun, ɓɛlɔwai ə́ kɛ la laani ə́ yəi gbin ŋą, ɉįi tii ə́ gaa, ya ka:

Danîa 2:29

Tɔɔmun, ɓɛlɔwai ə́ kɛ la laani yɛ́ yii, ə́ kɛi ə́ kiliŋąhiɛ mɛ̨nįi pai kɛi ma. Yálá yii a loɔ hu mɛ̨nį lɛ nuą diɛ, mɛ̨nįi gaa pai kɛi, ə nɛ yɛ́.

Danîa 8:25

Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Zɛnɛse 41:26

Nįŋɛ̨ háá yólaa mɛ̨ihveelɛi, da mɔ̨nun gbaɠa kpɛa kpɛa mɛ̨ihveelɛi, di mukulaa ɓaa: kwɛlan mɛ̨ihveelɛ.

Mąątɛ̨nɛ̨ 2:9

Ə́ kaa pai di kɛlɛi a kwɛli hvaɠa, yɛ́ di wolo yɛ ləɠi tɔɔ mun a kɛi nwɔ ləɠi wolo.»

Egaa 2:22

Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.