Danîa 2:23 - Yálá laawoo hɛɓɛ (dc)

²³ Gáláɓɔlɔni di wɔ Yálá! Gáá ə́ laa mąątɛ̨nɛ̨i, gɛ́ ə́ laa mąąwiɛ; Gilii ŋɛ̨i ə́ dɛɛ bɔ́ da huwalawala, mąą mɛ̨nį ɓa. Mąąhɔlɔɓo, yii ku vɛli yɛ́, yaa nɛ mą́ą́, ə lɛɛ, mɛ̨nįi ŋɛ̨i vilɛn ŋąą tɔɔmun ma, yaa nɛ kuɔ.»

Yálá laawoo hɛɓɛ

²³ Gáláɓɔlɔni di wɔ Yálá! Gáá ə́ laa mąątɛ̨nɛ̨i, gɛ́ ə́ laa mąąwiɛ; Gilii ŋɛ̨i ə́ dɛɛ bɔ́ da huwalawala, mąą mɛ̨nį ɓa. Mąąhɔlɔɓo, yii ku vɛli yɛ́, yaa nɛ mą́ą́, ə lɛɛ, mɛ̨nįi ŋɛ̨i vilɛn ŋąą tɔɔmun ma, yaa nɛ kuɔ.»

Bible

²³ Ŋa ísɛɣɛ̂i-fei ŋ́gɛ ílaa maa tɛ̀ óo ńâŋ-ni Díɣâlai. Ya táre da wála-wala tɛ̀ɛ ḿbɔ. M̀ɛnii kú ímarê kɛ̀ m̀ɛni mai ya maa kili-ŋa pono tɛ̀ɛ kúpɔ. Ya gâloŋ ŋɔsee-wooi maa kili ŋa-pono tɛ̀ɛ kúpɔ.”

Danîa 2:23 Referans Kwoze

Danîa 2:18

Ə gɛ, Yálái ŋɛ̨i gaa yələkɔlɔn ɉu, di mɛ̨nįi tii hu lɛ mą, ə di ɲɛ̨imąąwɛli kaa, ə mɛ̨nį loɔ tii kulɔ diɛ pɔ̨nɔ̨ŋa, ə ɠɛ, Daniɛlə da mɛlaa, ə mą kɛ, kilimąą nuą yiiɠaai di kaa Babilonə daai, di hvo pa di paa.

Lɛɛ gbɔwɔ ɓa 3:15

Yálá yɛ́ nwɔ̨nɔ̨ Moisə ɓa: «Lii ə́ kaa moi yá kɛ Israɛlə lonnii diɛ: Yai-Laa, ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ya ɓə dɔ́ɔ́ ka pɔ. Náá ka tii a yələ kəlee mɛ̨nį, ya ɓə da vɛ́li ɉu.

Lukə 10:21

Nąąlɔwai tii hu kpɔlɔ, Kili-Mąąhəɠɛɛ əgɛ, Jesus kwəi ə nɛɛ kpɔ kɛnɛ̨, ə mo yɛ mą: «Oo Nąn Yálá; yələkɔlɔn da lɔi di pɛli mun, gáá ə́ hɛɠɛɛɓoi, mąąhɔlɔɓo, mɛ̨nįi yaa noo kilimąą nuą da mɛ̨nį kɔ́lɔn nuą diɛ, yaa gulɔ ponoŋą, nɛapɛlɛɛ ŋɛ̨i diɛ. Oo Nąn Yálá, ə́ yili kɛ tii, mąąhɔlɔɓo, yili ɓə kɛ a ə́ liiɓa.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Amɔsə 3:7

A tɛ̨ą, Yálá hva mɛ̨nį lɔpee ta kɛ nuą tɛɠii, akɛ hvo nɛ li nwɔ tínuąi a gwəi mɛ̨nį hu kulɔ nuą diɛ.

Danîa 1:17

Ɉilɛlea nąąn tii, Yálá ə hvaa mą ə mɛ̨nį kɔ́lɔn ŋąą da hɛɓɛ́ kɔ́w gulɔ ɉu kɔ́lɔn ŋąą tɛɛ di pɔ, da kíli. Yálá ə hvaa mą Daniɛlə yɛ hįi wooɠaa hukulɔ.

Azaya 12:1

Mąą yələi tii, yá kɛ diɛ: Yai-Laa! Gáá ə́ hɛɠɛɛɓoi! Ə́ líí holiɛ kɛ bɔ́, Kɛlaa, ə́ wɔ líiholii kɔ́lɔ aa haa mą. Ə́ kaa kɛa níí laai.

Mąątɛ̨nɛ̨ 50:14

Haláái mąąnɛ̨ɛ̨ ə́ gulɔ Yálá ɓa, ya ɓaa: Ə́ gɛ mɛ̨inɛ̨ɛ̨ hu kɔlɔn, ə́ wooi ə́ gwɛlɛ Hɛn Gəlee mɛ̨imun ma, ə́ bɔ mɛ̨nį kɛ.

Mąątɛ̨nɛ̨ 25:14

Yai-Laa a gwəi mɛ̨nį lɛ, nuąi da ɲɔw mą, diɛ, yɛ gɛ, diɛ nwɔ mįnɛ̨i hu wooɠaa kɔ́lɔn.

M̀ɛni-lɛɛi 5:5

Kɛlaa, galanɉonŋaai tii tɔ̨nɔ̨ yɛ mą́ą́: «'Hvó wɔlɔ! Ə́ ɲɛ̨i hee tai, Ɉuda nu huwu ŋą yala hilɛ, yai aa yeetɛɛmąąlaa kɛ, yai a Davidə mąąpoo, ya ɓə a pɛli gɔlɔn ɉɛn mɛ̨ihveelɛi tii kulɔi ɉɛɓɛ́i ɓa, ɛlɛɛ, ə naaɓo.»

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.

Ikilisiati 9:18

Kili hviɛlaɓoɔi, kɔ́ kɔ́ kwɛli hɛn ma. Kɛlaa, kilikpɛɛgwəi mun nwoo ɲąą tanɔ̨n gbən a mɛ̨nį lɛlɛɛ tamąą hukala.

Ikilisiati 7:19

Kili a kilimąą mun daalə tɔɔ, ə tɛɛ, lɔi ɲąąwooɓo nuą pow kɛɛ taalee tɔ̨nɔ̨ ŋąąwoo ɓoi ɓa.

Hanwon 24:5

Kili ɓə gaa a kilimąą mun nwɔ huwalawala. Mɛ̨nį kɔ́lɔn ŋąą a nu nwɔ hvaŋą ta pɛlɛ mą.

Hanwon 21:22

Kilimąą mun a pɛli taa hon ɉii, yii da mąąkpɛɛ kpɔ a nwalawalaa, yɛ taa mąąkpɛ hįi nuą kilitɔɔ mą, yɛ bu.

Hanwon 8:14

Ɲą́ą́ ɓə liɛwoo kaa ɲə́i da mɛ̨nį kɔ́lɔn ŋąą, ɲą́ą́ ɓə gáá a nwun gɛ ɉu, ɲą́ą́ ɓə Heeɓolaa kaa ɲə́i.

Kɔlɔnikɔ Veerɛi 20:6

Ɉosafatə ə Yálá hvɛli ŋɛ̨i, yɛ mą: «Yai-Laa ku nąnni di wɔɔ Yálá! Kɛlɛi, Yɛ́ ɓə a Yálá yələkɔlɔn mɛ̨i yələkɔlɔn ɉu-e! Ɛlɛɛ, Yɛ́ tɔɔ lɔiɠaa kəlee ɲąąwooɓo-e! Huwalawala da heeɓolaa di kaa Ə́ yəi, hɛn da lɔpee hva pɛli tɔɔi Ə́ la.

Kɔlɔnikɔ Maa-ŋuŋ 29:13

A kɛ tii, háákələi, ku wɔ Yálá, ku kaa Ə́ hɛɠɛɛɓoi, kuɔ ə́ nwɔ kɛnɛ̨laa laa mąąwiaa 'ə tɛ.

Kɔlɔnikɔ Maa-ŋuŋ 29:10

Davidə ə Yai-Laa mąątɛ̨nɛ̨ nu kpɔn tii kəlee ɲɛ̨i ɓa, yɛ kɛ diɛ: «Mąąwiɛ ə kɛ Yai-Laa ɓa ɲɛ̨n deei hvo mą! Yai gaa a ku kalaɓɔlɔ Ɉakɔbə nwɔ Yálá!

Tɔɔɓɛlaa dɔlɔɔ 18:36

Yələ wulii haláá kulɔi lɔwai, Yálá kwəi mɛ̨nį hukulɔ mun Eli ə lɛɠɛ laa, ə nwoo tɛ yɛ diɛ: «Yai-Laa! Abrahamə Isaakə, da Ɉakɔbə ni di wɔɔ Yálá, nɛ háákələi Israɛlə nuą diɛ, yɛ́ diɛ yɛ́ ɓə a Yálá Israɛlə lɔi hu, ɛlɛɛ, gɛ́ ɓo a ə́ wɔ tímun. Ɛlɛɛ, ə lawoo pɔ ɓə ŋą́ mɛ̨nįɠaa kəlee kɛ la.

Tɔɔɓɛlaa dɔlɔɔ 8:57

Yai-Laa, ku wɔ Yálá ə kɛ gu pɔ, yɛ bələi ə kɛ la gu nąnni pɔ! Hvo ɲee ɓo guɔ, hvo həɠə gu pulu.

Zɛnɛse 18:17

Yai-Laa ə mo gbɔwɔ ɓa yɛ mą: «Mɛ̨ni gáá lii gɛi vá pɛli nooi Abrahamə ɓa.

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Ikilisiati 9:16

Ya ɓə ŋą́ kɛ gbɔ́wɔ́ ɓa: Kili hviɛlaɓoɔi huwalawala ɓa. Kɛlaa, nui nuą ɲɛ̨itɛɠɛɓoɔ ɉu, a kɛ a kilimąą mun, da mɛlɛkpɛɛ mą, ɛlɛɛ, di hva di wəli tɔɔ nwɔ liɛwoo ɓa.

Zɛnɛse 31:42

Akɛ kɛ ną́n nwɔ Yálá, Abrahamə nwɔ Yálá, yai Isaakə a ɲɔw mą, hvo kɛli kɛ bɔ́, ŋį́ li həɠə ə́ pɔɔli a ɲéé howolo. Kɛlaa, Yálá ə nwɔ́ mɔ̨nɔ̨, da nwɔ́ tɔɔ a nwąnąi laa kaa; ya ɓə gɛ, wɛ́i kpinįi, ə hvaa ə́ pɔ mą́ą́ mɛ̨nį ɓa.»

Mąątɛ̨nɛ̨ 21:2

Yai-Laa, tɔɔmun a kwəinɛ̨ɛ̨ hɔlɔɓo ə́ hvąŋąn mu. Ee kə! Gɔ́ nɛ̨ɛ̨ mɛ̨nį yɛ́ aa gwə́inɛ̨ɛ̨ kɛnɛ̨ ee!

Mąątɛ̨nɛ̨ 21:4

Yá laa nąą tɔwɔ, Ə́ naakwiɛn a lúwɔ́ da mɛ̨inɛ̨ɛ̨ɠaa, yɛ́ hɛni lɔ nwuɔ̨.

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.