Danîa 2:18 - Yálá laawoo hɛɓɛ (dc)

¹⁸ Ə gɛ, Yálái ŋɛ̨i gaa yələkɔlɔn ɉu, di mɛ̨nįi tii hu lɛ mą, ə di ɲɛ̨imąąwɛli kaa, ə mɛ̨nį loɔ tii kulɔ diɛ pɔ̨nɔ̨ŋa, ə ɠɛ, Daniɛlə da mɛlaa, ə mą kɛ, kilimąą nuą yiiɠaai di kaa Babilonə daai, di hvo pa di paa.

Yálá laawoo hɛɓɛ

¹⁸ Ə gɛ, Yálái ŋɛ̨i gaa yələkɔlɔn ɉu, di mɛ̨nįi tii hu lɛ mą, ə di ɲɛ̨imąąwɛli kaa, ə mɛ̨nį loɔ tii kulɔ diɛ pɔ̨nɔ̨ŋa, ə ɠɛ, Daniɛlə da mɛlaa, ə mą kɛ, kilimąą nuą yiiɠaai di kaa Babilonə daai, di hvo pa di paa.

Bible

¹⁸ È mò dîa a gɛɛ dí Ɣâla fɛli a kpanaŋɔɔ m̀ɛnii ŋí mɛni ma, a gɛɛ Ŋ̀âlai nyii gáa ŋ̀elei-sui é dímaloŋ káa, gâloŋ fé bàa da m̀arâa-ŋai da kɛ̀ dáre-ƃelai paai Babelɔŋ taa-leei su.

Danîa 2:18 Referans Kwoze

Ɉeremi 33:3

«Vɛ́li, ŋą́ ə́ woo mu hon, gáá pai mɛ̨nį kpɛa kpɛa kulɔi pɔ̨nɔ̨ŋa ə́ ɲɛ̨i ɓa, a mɛ̨nįɠaai di looɔ, yiiɠaai hvo gɔlɔn.

Maafîu 18:19

«Gáá nwɔ̨nɔ̨ moi kaa, akɛ nu hveelɛ da pɛli ɉu, hɛn nɔpee da vɛli Ną́n Yálá ɓa yii gaa yələkɔlɔn ɉu, a dɛɛ di pɔ.

Maafîu 18:12

«Gáá ka mąąni kɛi, akɛ ɓɛlaa nwun dɔ̨nɔ̨ a kɛ ka ta yəi, dɔ̨nɔ̨ a pili ɉu, hva mɔ̨ɔ̨ bow-mɛ̨inąąn-kɔw mɛ̨inąąn tii lɛɛ laa yɛ li dɔ̨nɔ̨i tii kwɛlii?

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Azaya 37:4

Gbəli kaa laa, Yai-Laa ə́ wɔ Yálái kaa pai gɔ́kuláái tii woo mɛ̨n ɉii, yai nwɔ mɛ̨nį nąmu Asiri tɔɔmun ə dɔɔ la yɛ Yálá hvulúmąą lalan, gbəli gaa pai ɉutɔɔi nwooɠaai tii mąą mɛ̨nį ɓa, yai Yai-Laa ə́ wɔ Yálái aa mɛ̨n, 'ə́ woo tɛ bɔ pələ, ə́ vɛli nu kpəli woloi aa lɛɛ ɓɛ mąą mɛ̨nį ɓa.»

Samuɛlə dɔlɔɔ 17:37

Yai-Laa, yai ə gulɔ yala da kwɛli di yee ɲąnin nɔwai, ya ɓə pai gulɔi Filisti kpolowai ŋɛ̨i yəi.» Saulə yɛ Davidə ɓa: «'Li! Yai-Laa ə lɛɛ ə́ pɔ.»

Zɛnɛse 18:28

Akɛ yá li, nu pow lɔɔli tii a wala hɔlɔɓo, nu pow nąąn kɔ́w lɔɔli a hɔlɔɓo diɛ ɓo a nu haŋąą, akɛtii, yá mɔɔ pɛli daai tii nwun na pilii, mąąhɔlɔɓo, nu lɔɔli aa kulɔ nu pow lɔɔli tii la?» Yálá yɛ Abrahamə ɓa: «Ŋą́ li, ŋą́ nu haŋąą pow nąąn kɔ́w lɔɔli kaa, vá daai tii nwun na pili.»

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Lomaŋ 15:30

Nąn nonnii, yii gáá vɛlii kaa gu Ną́mu Jesus Kristə laa hu, da Kili-Mąąhəɠɛɛ nwɔ wɛlikɛmąąlaa hu, ya ɓa: 'Ká kpɔnmąą tɛɛ bɔ́ gɔi ŋɛ̨i hu, a Yálá hvɛlii ká mo mą́ą́ mɛ̨nį ɓa.

Gɛlaɠaa 12:4

Ə mo di Piɛrə hon, di doo gaho ɲą, ə dɛɛ holahi kpulu nąąn ɉeei nąąn, bɔ, diɛ di ɲɛ̨i kɛ mą. Ə kɛ bɔ ə giti tee nɔi lonnii ɲɛ̨i ɓa pakə hɛli puɔ pulu.

Danîa 3:17

Akɛ mąąnɛ̨ɛ̨ ə́ ku pili vuulu nwɔ̨n tii hui, Yálái ŋɛ̨i ku kaa tiɓo kɛi ma, a pɛli ə ku kulɔ laa, ə ku kulɔ nwɔ̨nɔ̨ ə́ yee mu.

Izikiɛ 36:37

«Mɛ̨ni kəlee ŋą Hééɓomun Yálá woo ka; yɛ: Yii gáá pai gɛi, ya ka; Gáá pai gbɔ́ɔ́ lɛɛi laa, Israɛlə nwɔ pɛlɛ́i yɛ gwɛ́li, gɛ́ pɛli ɉon ɉii a wɛlikɛmąąlaa, gáá pai di tamąi, yɛ nu taatɛlɛɛ kpulu,

Danîa 2:23

Gáláɓɔlɔni di wɔ Yálá! Gáá ə́ laa mąątɛ̨nɛ̨i, gɛ́ ə́ laa mąąwiɛ; Gilii ŋɛ̨i ə́ dɛɛ bɔ́ da huwalawala, mąą mɛ̨nį ɓa. Mąąhɔlɔɓo, yii ku vɛli yɛ́, yaa nɛ mą́ą́, ə lɛɛ, mɛ̨nįi ŋɛ̨i vilɛn ŋąą tɔɔmun ma, yaa nɛ kuɔ.»

Danîa 4:26

Ɲąnin bow kɔ́w hveelɛ tɛɛ pulu, tɔɔmun ə kɛi hiɛ-hiɛ ɓo nwɔ toɔ kwəli hu Babilonə daai,

Zôna 1:9

Ɉonasə ə di woo ŋąąpənə, yɛ diɛ: «Gáá a Hebreu mun, Yálái ŋɛ̨i a Yai-Laa yai yələkɔlɔn da lɔi di pɛli, ə mą kɛ gboloyá, ya ɓə ŋį́ ɲɔw mą.»

Mąątɛ̨nɛ̨ 136:26

'Ka yələ kɔ́lɔn ɉu Yálá laa tɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!